Пуцін канцэптуальна падтрымаў павышэнне прызыўнога ўзросту ў РФ – Пяскоў

© Sputnik / Макс Ветров / Перайсці ў медыябанкПрызыўнікі перад адпраўкай на службу ва Узброеныя сілы РФ
Прызыўнікі перад адпраўкай на службу ва Узброеныя сілы РФ - Sputnik Беларусь, 1920, 12.01.2023
Падпісацца на
НовостиTelegram
Раней міністр абароны Расіі Сяргей Шайгу прапанаваў павялічыць гранічны тэрмін прызыву ў армію – да 30 гадоў.
МІНСК, 12 сту – Sputnik. Прэзідэнт Расіі Уладзімір Пуцін канцэптуальна падтрымаў ініцыятыву Мінабароны павялічыць прызыўны ўзрост у краіне, заявіў у чацвер прэс-сакратар расійскага лідара Дзмітрый Пяскоў.
Нагадаем, раней міністр абароны Сяргей Шайгу прапанаваў павялічыць гранічны прызыўны ўзрост у Расіі. Набіраць салдат тэрміновай службы ў армію прапануецца з 21 года, а не з 18 гадоў, а максімальны ўзрост можа быць павышаны да 30 гадоў.
"Аргументацыя павінна быць прадстаўлена міністэрствам абароны, і ў гэтым выпадку гэта выключна прэрагатыва міністэрства абароны. Канцэптуальна, сапраўды, гэта ідэя была падтрымана кіраўніком дзяржавы", - сказаў Пяскоў.
У той жа час ён адзначыў, што дэталі гэтай ініцыятывы распрацоўвае Мінабароны, таму "ўсё ж у якасці першакрыніцы трэба і неабходна ўспрымаць інфармацыю ад міністэрства абароны".
Намеснік кіраўніка думскага камітэта па абароне Юрый Швыткін у каментарыі РІА Навіны зрабіў прагноз, што норма аб павелічэнні прызыўнога ўзросту да 21 года можа запрацаваць ужо ў 2023 годзе. Аднак спачатку неабходна прыняць заканадаўчую базу.

Тэрміновая служба цяпер

Нагадаем, зараз у Расіі, як і ў Беларусі, на тэрміновую ваенную службу прызываюць маладых людзей ад 18 да 27 гадоў. Аднак тэрміновая служба ў дзвюх краінах крыху адрозніваецца: у Беларусі маладыя людзі без вышэйшай адукацыі служаць 1,5 гады, з вышэйшай – 1 год. Пры гэтым у РФ усе салдаты тэрміновай службы праходзяць яе на працягу 1 года.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Шайгу: 87 тысяч мабілізаваных накіраваны ў раёны баявых дзеянняў СВА
Для чаго праводзяцца мабілізацыйныя праверачныя зборы, расказаў Вальфовіч
Больш за 200 тысяч расіян мабілізавалі ў войскі – Шайгу
Пуцін аб’явіў аб частковай мабілізацыі ў РФ
Хрэнін: ад вайскоўцаў сёння патрабуецца максімальная гатоўнасць
Стужка навiн
0