Як стратны "Блакiт" ператварыць у прыбытковы, растлумачыў Галоўчанка

© Sputnik / Виктор ТолочкоПрэм’ер-міністр Беларусі Раман Галоўчанка
Прэм’ер-міністр Беларусі Раман Галоўчанка - Sputnik Беларусь, 1920, 13.01.2023
Падпісацца на
НовостиTelegram
Адно з найбуйнейшых прадпрыемстваў беларускай лёгкай прамысловасці пакуль што прыносіць страты, але ўрад бачыць перспектыву ў гэтай вытворчасці.
МІНСК, 13 сту – Sputnik. Паказчыкі ААТ "Баранавіцкае вытворчае баваўнянае аб’яднанне" (БВБА) сур’ёзна палепшыліся, заявіў прэм’ер-міністр Беларусі Раман Галоўчанка, наведваючы прадпрыемства.
"…Раней былі меркаванні такія. Навошта вось нам трымаць тут? Яшчэ нешта… Гэта абсалютна не дзяржаўны падыход. Гэта актыў, які можна ператварыць у актыў прыбытковы", - сказаў прэм’ер на відэа, якое апублікавала прэс-служба ўрада.
Галоўчанка адзначыў, што да выхаду на эфектыўную рэнтабельную работу пакуль што далёка. Але справа была "некалькі запушчана", і за некалькі месяцаў вынікаў не дасягнуць.
Прэм’ер запэўніў, што сёння на БВБА была "жорсткая размова". Будзе працягвацца мадэрнізацыя вытворчасці.
"Думаю, што мы ў бліжэйшы час і кадравы складальнік істотна ўзмоцнім", - дадаў кіраўнік урада.

Пакуль што страты

Справаздача БВБА за 2022 год пакуль што не апублікавана. Дзве папярэднія паказваюць, у прадпрыемства былі фінансавыя праблемы. Напрыклад, у 2021 годзе непакрытая страта павялічылася да 49 млн рублёў. Сярэдняспісачная колькасць супрацоўнікаў зменшылася прыкладна з 1,4 тыс чалавек да 1,3 тыс.
ААТ "Баранавіцкае вытворчае баваўнянае аб’яднанне" на 100% належыць дзяржаве. Кампанія вырабляе ў тым ліку баваўняную пражу, розныя тканіны, пасцельную і сталовую бялізну.
На рынку прадпрыемства вядома пад брэндам "Блакіт". Рознічным продажам займаецца асобная юрыдычная асоба "БлакітТрэйдЛагістыкс", за якім у рэестры лічацца 60 фірменных крам.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Беларусь упершыню дасягнула станоўчага сальда ў гандлі з РФ – Галоўчанка
Яшчэ адно прадпрыемства ўвойдзе ў склад Беллегпрама
Беларусь без заходніх пасрэднікаў будзе гандляваць каліем у Афрыцы і Азіі
Беларускія кампаніі змогуць лавіць рыбу ў расійскіх водах
Доля імпартазамяшчальнай прадукцыі склала 42,7% у прамысловасці Беларусі
Стужка навiн
0