Украіна прапанавала Беларусі заключыць пакт аб ненападзенні – Лукашэнка
12:56 24.01.2023 (абноўлена: 14:59 01.03.2023)
© Photo : Пресс-служба президента Беларуси
Падпісацца
Па словах беларускага кіраўніка дзяржавы, Кіеў папрасіў Мінск не ўводзіць войскі з тэрыторыі рэспублікі.
МІНСК, 24 сту – Sputnik. Украіна прапанавала Беларусь заключыць пакт аб ненападзенні, заявіў у аўторак прэзідэнт Беларусі Аляксандр Лукашэнка, праводзячы нараду аб грамадска-палітычным становішчы і стане злачыннасці ў краіне.
Кіраўнік дзяржавы звярнуў увагу на тое, што заходнія краіны не адмаўляюцца ад сваіх планаў адносна Беларусі, і працягваюць рыхтаваць ва Украіне баевікоў.
"Не ведаю, навошта гэта ўкраінцам. З аднаго боку, просяць нас, каб мы ні ў якім разе не ваявалі з Украінай, каб нашы войскі туды не рухаліся. Пакт аб ненападзенні прапануюць заключыць. А з іншага боку, рыхтуюць гэтую грымучую сумесь і ўзбройваюць іх. Польшча, Літва наогул ачумелі. Навошта гэта ім трэба? Не зразумела", - сказаў Лукашэнка, яго цытуе БелТА.
Ён дадаў, што ў сувязі з гэтым "мы вымушаны жорстка рэагаваць".
"Нам па перыметры хапае пытанняў – і ў паветранай прасторы, і на зямлі, зялёная мяжа. У нас там хапае праблем", - канстатаваў прэзідэнт.
Армія на мяжы
Напярэдадні ў панядзелак, 23 студзеня, Аляксандр Лукашэнка правёў сустрэчу з сілавым блокам рэспублікі. Вялікі блок пытанняў быў прысвечаны ахове дзяржмжы, у тым ліку, на ўкраінскім напрамку.
Ён нагадаў, што да аховы дзяржаўнай мяжы прыцягваецца армія.
"Там і міліцыя прыцягваецца, ужо і мясцовыя органы ўлады, малайцы, падтрымліваюць, ні ў чым не адмаўляюць. Ну і падраздзяленні Узброеных сіл", - падкрэсліў беларускі лідар.
Як адзначылі ў Дзяржпагранкамітэце, асноўныя намаганні сёлета засяродзяць на ўкраінскім напрамку, а таксама "на ўчастках, дзе магчыма ўзнікненне новых знешніх выклікаў і пагроз пагранічнай бяспецы".
Таксама напярэдадні стала вядома, што УСУ правялі вучэнні за некалькі кіламетраў ад мяжы з Беларуссю.
Падтрымка Расіі ў СВА
Прэзідэнт Беларусі некалькі разоў публічна заяўляў, што поўнасцю падтрымлівае Расію ў рашэнні пачаць спецаперацыю ва Украіне.
Паводле яго слоў, гэта не толькі таму, што ў Беларусі саюз з Расіяй і адзіная групоўка войск на заходнім напрамку.
"Прычына ў тым, што вы, калі б Расія не апярэдзіла вас, натаўцаў, арганізаваліся і нанеслі супраць яе ўдар. Я ў гэта веру, і Расія ў гэта верыць. І так было б", - расказваў летам мінулага года Лукашэнка ў інтэрв’ю Франс Прэс.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Невядомы зламаў і знёс ва Украіну беларускі памежны знак
Каля 17,2 тысячы ўкраінскіх вайскоўцаў сканцэнтраваны каля мяжы з Беларуссю
Лаўроў: Украіна павінна растлумачыць сваю пазіцыю па перагаворах
Кіеў складзіруе заходняе ўзбраенне на ўкраінскіх АЭС – Нарышкін
Кіеў узарваў амаль усе масты і замініраваў дарогі на мяжы з Беларуссю
