Агаляюцца і крычаць лозунгі: у ДПК паскардзіліся на ўкраінскіх пагранічнікаў
10:57 07.02.2023 (абноўлена: 15:44 01.03.2023)
© Photo : Пинский пограничный отряд
Падпісацца
Паводле звестак Дзяржпагранкамітэта, зараз самая напружаная сітуацыя менавіта на ўкраінскай мяжы, дзе шчыльнасць ваенных сіл зашкальвае, а правакацыі працягваюцца.
МІНСК, 7 лют – Sputnik. Украінскія пагранічнікі працягваюць правакацыйныя і недружалюбныя дзеянні ў адносінах да беларускіх калег. Падрабязнасці расказаў начальнік аператыўна-аналітычнага ўпраўлення Дзяржпагранкамітэта Дзмітрый Любкін.
Ён адзначыў, на сумежным "ваюючым баку" зараз сканцэнтраваны Узброеныя сілы Украіны, тэраабароны, і "ўсіх астатніх", таму на гэтым участку мяжы сітуацыя "найбольш небяспечная". Да таго ж, беларускія пагранічнікі рэгулярна сутыкаюцца з правакацыямі.
"Мы назіраем і правакацыйныя дзеянні дастаткова сур’ёзныя. Як арганізаваныя, так з прыкметамі неарганізаванасці", - заявіў Дзмітрый Любкін.
Ён адзначыў, што да мяжы падыходзяць людзі без апазнавальных знакаў, якіх нельга ідэнтыфікаваць як пагранічнікаў і "праводзяць недружалюбныя дзеянні: паднімаюць зброю ў бок беларускіх паграннарадаў і "рэальна правакуюць, паказваюць знакі ўсякія непрыстойныя і гэтак далей, гатовы напалохаць нас".
"Можна ўбачыць прыкметы арганізаваных дзеянняў: падняць БЧБ-сцяг, праспяваць гімн Украіны ці яшчэ нейкія песні – гэта арганізаваныя дзеянні. Але калі выходзяць неадэкватныя людзі насупраць пункта пропуску, агаляюцца і выкрыкваюць розныя лозунгі: "я зараз гранату кіну" ці "калі я зайду на тваю тэрыторыю, ты ў мяне будзеш страляць?” – правакуюць канкрэтна. Мэта правакацый – канешне, псіхалагічны ціск", - распавёў падрабязнасці правакацый Дзмітрый Любкін.
Ён адзначыў, што мэтай такіх правакацый з’яўляюцца і інфармацыйная нагода, і спробы выявіць нейкія асаблівасці аховы мяжы на беларускім баку. Пры гэтым Любкін запэўніў: нашы пагранічнікі падрыхтаваны і "паводзяць сябе вельмі асцярожна" – не паддаюцца на падобныя правакацыі.
Правакацыі на мяжы
У Дзяржаўным пагранічным камітэце Беларусі працягваюць фіксаваць перыядычныя правакацыі на мяжы з украінскага боку. ДПК раней ужо адзначалі, што ў бок беларускіх пагранічнікаў паступаюць непрыстойныя "зневажальныя і пагрозлівыя жэсты".
Акрамя таго, над паўднёвай мяжой сталі часцей лятаць дроны, якія не аднойчы аказваліся на беларускай тэрыторыі. А ў лістападзе мінулага года зафіксаваны выпадак, калі ўзброены чалавек з боку Украіны незаконна зайшоў на тэрыторыю Беларусі.
У канцы кастрычніка 2022 года ў ДПК распавялі пра чарговую правакацыю: камеры відэаназірання ў пункце пропуску "Глушкевічы" знялі рух у бок мяжы з Беларуссю ўкраінскага БТР-80 з групай узброеных людзей у форме. Некалькі хвілін тэхніка прастаяла перад інжынернымі загародамі, а затым з’ехала.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Яшчэ адзін атрад спецназа з’явіцца ў Беларусі
Невядомы зламаў і знёс ва Украіну беларускі памежны знак
Каля 17,2 тысячы ўкраінскіх вайскоўцаў сканцэнтраваны каля мяжы з Беларуссю
Лукашэнка прыняў рашэнне аб ахове дзяржаўнай мяжы
Кіеў скасаваў дагавор з Мінскам аб кантролі ваеннай дзейнасці
