Прампрадпрыемствы Беларусі плануюць нарасціць экспарт у Расію на 10%
09:57 27.02.2023 (абноўлена: 18:12 01.03.2023)
© Sputnik / Виктор Толочко
Падпісацца
Па выніках мінулага года беларускія прамысловыя прадпрыемствы на 50% павялічылі свой экспарт на расійскі рынак.
МІНСК, 27 лют – Sputnik. Прамысловыя прадпрыемствы, якія ўваходзяць у структуру Мінпрама, плануюць у 2023 годзе павялічыць экспартныя пастаўкі ў Расію на 10% у параўнанні з мінулым годам, заявіў намеснік міністра прамысловасці Беларусі Дзмітрый Харытончык.
Ён паведаміў, што па выніках мінулага года падведамасныя прадпрыемствы на 50% павялічылі свой экспарт на расійскі рынак. Дасягнуць такога ж узроўню і ў гэтым годзе будзе складана.
Пры гэтым Харытончык адзначыў, што "патэнцыял і зачын, які быў створаны ў мінулым годзе, праца з расійскімі рэгіёнамі даюць свой вынік і ў гэтым годзе". Таму намеснік міністра ўпэўнены, што прампрадпрыемствам Беларусі ўдасца спрацаваць са станоўчай дынамікай і ў 2023-м.
"Спадзяемся, што будзе каля 110% па выніках года. Гэта напружаныя лічбы для нашых прадпрыемстваў, за якія яшчэ давядзецца пазмагацца", - сказаў Харытончык у эфіры тэлеканала "Беларусь 1".
Намеснік міністра таксама звярнуў увагу, што на рынак Расіі выходзяць і пастаўшчыкі з іншых краін, у тым ліку Турцыі і Кітая, гэта значыць за рынак давядзецца "актыўна пазмагацца".
Зборачныя вытворчасці
Асаблівую ўвагу Беларусь удзяляе адкрыццю ў Расіі беларускіх зборачных вытворчасцей, пошуку магчымых для гэтага партнёраў, а таксама развіццю тавараправоднай сеткі на расійскай тэрыторыі. Так, паводле слоў Харытончыка, кожны айчынны вытворца шукае з улікам эканамічнай мэтазгоднасці магчымыя варыянты супрацоўніцтва з рэгіёнамі Расіі.
"Там, дзе мае эканамічны сэнс стварэнне сумесных прадпрыемстваў або зборачных вытворчасцей, мы на гэта ідзём. Аднак важна дакладна разумець і падлічваць эканамічны эфект, каб не была стратнай вытворчасць, каб быў рынак збыту прадукцыі", - дадаў намеснік міністра.
Пытанні імпартазамяшчэння
Як адзначыў намеснік міністра, працягваецца работа па рэалізацыі сумесных беларуска-расійскіх праектаў па імпартазамяшчэнні.
Паводле яго слоў, некаторыя праекты пачынаюць ужо ўваходзіць у стадыю фінансавання і набыцця абсталявання, а па некаторых ідзе ўдакладненне бізнес-планаў і тэрмінаў акупнасці. Акрамя таго, шэраг праектаў знаходзяцца на стадыі ўзгаднення ці ўдакладнення з расійскімі партнёрамі.
"Напрыклад, "Гомсельмаш" ужо выйшаў на этап атрымання фінансавых рэсурсаў у банку для наступнага набыцця абсталявання. Таксама добра прасоўваюцца праекты Мінскага завода шасцерняў, падшыпнікавага завода, "Салеа" і шэрага іншых прадпрыемстваў", - паведаміў Харытончык.
Нагадаем, Беларусь і Расія падпісалі міжурадавае пагадненне аб выдзяленні беларускаму боку крэдыту на суму 105 мільярдаў расійскіх рублёў на рэалізацыю імпартазамяшчальных праектаў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Лукашэнка: саюзныя праграмы выкананы на 80%
Беларусь і Валагодская вобласць плануюць буйныя сумесныя праекты
Беларусь пачала атрымліваць крэдыт ад РФ на імпартазамяшчэнне – Грызлоў
Пагадненне аб адзінай прамысловай палітыцы падпісалі Беларусь і Расія
Беларусь актыўна ўключылася ў імпартазамяшчэнне ў Расіі – Авярчук
