Цэны пакусваюцца: Галоўчанка растлумачыў, як зрабіць агародніну танней
© Sputnik
Падпісацца
Праблем з так званым "баршчовым наборам" у Беларусі няма, а вось такая сезонная агародніна, як памідоры і агуркі, кожную зіму сур’ёзна даражэе.
МІНСК, 7 сак – Sputnik. У Беларусі ёсць праблемы з сезоннай агароднінай, якая расце ў цяпліцах у міжсезонне, аб тым, як урад будзе вырашаць пытанне з цэнамі на агародніну, расказаў прэм’ер-міністр Раман Галоўчанка, наведваючы цяплічныя вытворчасці "ДОРОРС", перадае карэспандэнт Sputnik.
Традыцыйная агародніна, якую нарыхтоўваюць па восені ў стабфонды, вырабляецца нават вышэй запатрабаванняў унутранага рынку. Пытанне з "баршчовым наборам" вырашана даўно.
Ёсць пытанні па агародніне, якую вырошчваюць у цяпліцах – яе зімой моцна не хапае, таму цэны такія высокія.
"Гэта агурок, тамат, зеляніна і вострыя травы. Хоць тут таксама так цікава пытанне стаіць: гадавы аб’ём вытворчасці ў нас таксама больш унутранага попыту. Але ёсць праблема з міжсезонкай – нам не хапае ўнутраных аб’ёмаў вытворчасцей. Па агурках мы толькі каля 40% у міжсезонку закрываем, па таматах і таго менш", - распавёў Галоўчанка.
Пры гэтым прэм’ер адзначыў: праблемы вырашаюцца за кошт імпарту з Расіі і "дружалюбных краін", але пытанне ў цэнах.
"Я думаю, мы ўсе адчуваем, як у асенне-зімовы перыяд цэны пакусваюцца. Таму стаіць задача збалансаваць вытворчасць у краіне, каб у нас не было правалу ў зімовы перыяд па аб’ёмах вытворчасці. Тэхналагічна зрабіць гэта не складана, патрэбны пэўныя рэсурсы і тэхналогіі", - заявіў кіраўнік урада.
Ён адзначыў, што ў Беларусі не хапае вытворчасцей для агуркоў і таматаў "з дасветкай" – гэта значыць "працуючых" кругласутачна ў кароткія зімовыя светлавыя дні. На нарадзе гэта пытанне абмяркоўвалася на прыкладзе вытворчасцей "ДОРОРС", якія ўжо будуюць такія цяпліцы чацвёртага і пятага пакаленняў.
"Тэхналагічна рашэнне зразумела… неабходна разлічыць, які аб’ём нам неабходна данакіраваць на рынак, крыніцы інвестыцый і хто будзе рэалізоўваць гэтыя праекты. Так што на працягу некалькіх гадоў пытанне з забеспячэннем міжсезоннай прадукцыяй будзе ў прынцыпе вырашана", - запэўніў прэм’ер-міністр.
Паводле яго слоў, гэта будуць эканамічна выгадныя для прадпрыемстваў праекты. Каб так і было на практыцы, урад можа дапамагчы.
"Таму што асноўны артыкул у затратах на вытворчасць такой прадукцыі – гэта энергетыка. Прыродны газ і электраэнергія. Таму тут дзяржава можа прымаць пэўныя меры, каб знізіць затраты для канкрэтных вытворцаў", - адзначыў Галоўчанка.
Для такіх гаспадарак ужо існуе льготны тарыф на электраэнергію: для прадпрыемства ён будзе танней.
"Мы павінны зацікавіць вытворцу будаваць больш магутнасцей, і ў цэлым для яго кошт энергетыкі будзе таннейшы ў яго праекце", - дадаў прэм’ер.
Колькі агуркоў трэба беларусам
Адказваючы на пытанне, колькі такіх цяпліц спатрэбіцца рэспубліцы, каб закрыць патрэбнасць у агародніне зімой, прэм'ер адзначыў: не так шмат. Беларусам зімой не хапае "прыкладна 23 тысячы тон агуркоў і 30 з невялікім тысяч тон таматаў". Гэта той аб’ём, які трэба вырасціць у гэтых сучасных цяпліцах.
"Я сёння паставіў задачу падлічыць усё дасканала. ...Лічбы зразумелыя, усё павінна быць дакладна пралічана, дзе і што. Сёння мы пакуль што выйшлі на лічбу, што нам трэба каля 30 гектараў зрабіць гэтых сучасных цяпліц для таго, каб гэтую праблему звесці пад корань", - заявіў Галоўчанка.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Беларусь вырошчвае агародніны больш, чым спажывае – Галоўчанка
Заяц: дзяржава гатова закупляць агародніну ў фермераў
Нафта не дае такой рэнтабельнасці, як сельская гаспадарка – Лукашэнка
