Суды над карнікамі: Генпракуратура рыхтуе новы праект закона па генацыдзе

© Photo : Пресс-служба Генеральной прокуратуры БеларусиГенеральная пракуратура Беларусі
Генеральная пракуратура Беларусі - Sputnik Беларусь, 1920, 09.03.2023
Падпісацца
Размова ідзе аб тым, каб вызначыць прававы механізм прыцягнення да крымінальнай адказнасці асоб, якія маюць дачыненне да злачынстваў супраць міру і бяспекі чалавецтва, да ваенных злачынстваў.
МІНСК, 9 сак – Sputnik. Генеральная пракуратура Беларусі стварыла рабочую групу па падрыхтоўцы праекта закона, які датычыцца прыцягнення да крымінальнай адказнасці тых, хто мае дачыненне да генацыду беларускага народа ў гады ВАВ, паведамілі ў галоўным наглядным ведамстве.
"Гаворка ідзе аб вызначэнні парадку вытворчасці па крымінальных справах у дачыненні да памерлых асоб, якія маюць дачыненне да злачынстваў супраць міру і бяспекі чалавецтва, ваенных злачынстваў", - распавёў намеснік начальніка ўпраўлення Генпракуратуры Дзмітрый Брылёў.
Паводле яго слоў, група заклікана распрацаваць прававы механізм прыцягнення да крымінальнай адказнасці тых нацысцкіх злачынцаў і іх саўдзельнікаў, якія па шэрагу прычын (у тым ліку звязаных з палітыкай асобных дзяржаў) не паўсталі перад судом.
Брылёў адзначыў, што пасля ўнясення адпаведных змяненняў у заканадаўства стануць магчымы крымінальныя працэсы ў дачыненні да карнікаў беларускага народа ў гады Вялікай Айчыннай вайны. Будзе распрацаваны механізм прыцягнення да адказнасці нацысцкіх злачынцаў, якія не паўсталі перад судом.
Пра тое, што ў канцы гэтага года могуць прайсці першыя суды над карнікамі, якія маюць дачыненне да генацыду беларускага народа ў гады Вялікай Айчыннай вайны, нядаўна паведамляў генеральны пракурор Беларусі Андрэй Швед.
У пачатку 2022 года генпракуратура Беларусі ўзбудзіла крымінальную справу аб генацыдзе. У рамках справы было ўстаноўлена, у розных краінах свету пражываюць "не менш за 400 нацыстаў, якія маюць дачыненне да злачынстваў на тэрыторыі Беларусі".
Літва, Латвія, Польшча і яшчэ шэраг краін адмовілі Мінску ў прававой дапамозе па справе аб генацыдзе.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Швед анансаваў завочныя суды над датычнымі да генацыду беларускага народа
Памер шкоды Беларусі ад захопнікаў у гады ВАВ назвалі ў Генпракуратуры
Рассакрэчаны архівы: Гітлер хацеў ператварыць Беларусь у калонію яшчэ ў 1933 годзе
Архівы РФ даюць паток дакументаў для расследавання генацыду беларусаў – Швед
Еўропа на пляцоўцы ААН адмовілася выступіць супраць нацызму – Грызлоў
Стужка навiн
0