Расія настойвае на ўдзеле ў расследаванні па "Паўночных патоках" – Патрушаў
© Sputnik
Падпісацца
Выбухі на двух падводных газаправодах адбыліся ў верасні мінулага года, высвятленнем прычын дыверсіі займаюцца некалькі еўрапейскіх краін.
МІНСК, 13 сак – Sputnik. Расія настойвае на сваім удзеле ў расследаванні выбухаў на газаправодах "Паўночныя патокі", заявіў сакратар Савета бяспекі РФ Мікалай Патрушаў.
Ён падкрэсліў, што Масква так і не была падключана да расследавання ў адрозненне ад Германіі, Швецыі і Даніі, якія займаюцца высвятленнем прычын дыверсіі з верасня мінулага года. На яго думку, няўдзел расійскага боку ў расследаванні можа прывесці да агучвання аднабаковых суб’ектыўных версій тэракта.
"Таму ў Маскве настойваюць на правядзенні аб’ектыўнага расследавання з удзелам Расіі і іншых зацікаўленых дзяржаў", - адзначыў Патрушаў у інтэрв’ю "Аргументам і фактам".
Версія аб "украінскім следзе"
Каментуючы версію аб тым, што тэракт на "Паўночных патоках" маглі ўчыніць украінскія спецслужбы, сакратар расійскага Савета бяспекі растлумачыў, што Кіеву ні для чаго было б узрываць газаправоды.
"Кіеў нічога не страціў і не набыў ад знішчэння газаправода. Больш за тое, рэжыму Зяленскага, які па сутнасці стаіць у Берліне з працягнутай рукой у надзеі на павелічэнне ваеннай і іншай дапамогі, учыненне такога акта ні для чаго", - сказаў ён.
Што тычыцца Германіі, якая таксама, на думку некаторых, можа стаяць за інцыдэнтамі, Патрушаў заявіў, што для Берліна гэта азначала б адно – заняпад нямецкай эканомікі.
Хто яшчэ можа стаяць за тэрактам?
Ён дадаў, што для выканання такіх дыверсій прыцягваюцца падраздзяленні спецназа з высокай падрыхтоўкай і адпаведным абмундзіраваннем. Такія баявыя вадалазы, паводле яго слоў, ёсць у ЗША і Англіі.
"Яны сапраўды ёсць у ЗША і Англіі. Іншыя краіны НАТА таксама выкарыстоўваюць баявых плыўцоў для выканання дыверсійных задач, але толькі з адабрэння і падтрымкі краіны, якая дыктуе асноўны парадак дня ў Паўночнаатлантычным альянсе", - канстатаваў Патрушаў.
Выбухі на "Паўночных патоках" і расследаванне
Два расійскія марскія газаправоды – "Паўночны паток - 1" і "Паўночны паток - 2" – былі падарваны 26 верасня 2022 года. У выніку трубы атрымалі сур’ёзныя пашкоджанні, спынілася падача газу з Расіі ў Еўропу.
Расследаваннем прычын заняліся Германія, Швецыя і Данія, вынікі пакуль што не апублікаваны.
Расійскі прэзідэнт Уладзімір Пуцін назваў інцыдэнт відавочным тэрактам.
У лютым 2023 года журналіст з ЗША, лаўрэат Пулітцэраўскай прэміі Сеймур Херш апублікаваў артыкул з расследаваннем здарэння. На яго думку, да тэракта на "Паўночных патоках" маюць дачыненне амерыканскія вадалазы. Пасля артыкула Херша Масква заклікала правесці міжнароднае расследаванне.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Англасаксы мітусяцца: Пяскоў аб свежых публікацыях па "Паўночных патоках"
Мядзведзеў назваў тупой прапагандай новую версію падрыву "Паўночных патокаў"
Крэмль заклікае правесці міжнароднае расследаванне пасля артыкула Херша
Пуцін аб дыверсіі на "Паўночных патоках": англасаксы арганізавалі выбухі
