https://bel.sputnik.by/20230320/s-tsznpn-uparta-rukhatstsa-da-novykh-perspekty-druzhby-ktaya--ras-1073413702.html

Сі Цзіньпін: упарта рухацца да новых перспектыў дружбы Кітая і Расіі

Сі Цзіньпін: упарта рухацца да новых перспектыў дружбы Кітая і Расіі

Sputnik Беларусь

Аўтарскі артыкул старшыні КНР Сі Цзіньпіна эксклюзіўна для РІА Навіны і "Российской газеты" 20.03.2023, Sputnik Беларусь

2023-03-20T12:07+0300

2023-03-20T12:07+0300

2023-03-20T14:20+0300

сі цзіньпін

артыкул

ріа навіны

палітыка

грамадства

бяспека

эканоміка

расія

у свеце

меркаванне

https://cdnn11.img.sputnik.by/img/07e7/03/0a/1073075438_0:213:3072:1941_1920x0_80_0_0_d53f8365289248b932f35b0bccf439d0.jpg

Па запрашэнні прэзідэнта Уладзіміра Пуціна буду наведваць Расійскую Федэрацыю з дзяржаўным візітам. Дзесяць гадоў таму першы мой замежны візіт пасля выбрання на пасаду старшыні КНР быў здзейснены менавіта ў Расію. На працягу дзесяці гадоў я ўжо восем разоў наведваў Расію. Дзякуючы гэтым паездкам, якія заўсёды прыносяць вялікае задавальненне і вынікі, мы з прэзідэнтам У. У. Пуціным адкрылі новы раздзел у летапісе кітайска-расійскіх адносін.Кітай і Расія – найбуйнейшыя суседзі, стратэгічныя партнёры ўсёабдымнага ўзаемадзеяння, вядучыя сусветныя дзяржавы і пастаянныя члены Савета Бяспекі ААН. Абедзве краіны праводзяць незалежную і самастойную знешнюю палітыку, разглядаюць адносіны паміж Кітаем і Расіяй як адзін з асноўных прыярытэтаў у дыпламатыі.Кітайска-расійскія адносіны развіваюцца па дакладнай гістарычнай логіцы і на магутным унутраным драйверы. На працягу дзесяці гадоў двухбаковае супрацоўніцтва дынамічна развіваецца па ўсіх азімутах і ўпэўненымі крокамі ўступае ў новую эпоху.– Кантакты на высокім і вышэйшым узроўні гуляюць важную ролю і маюць непераходзячае стратэгічнае значэнне. Дасканалыя механізмы абменаў і кантактаў на высокім і вышэйшым узроўні, разгалінаваная структура шматпланавага супрацоўніцтва служаць важным сістэматычным і інстытуцыйным суправаджэннем развіцця двухбаковых адносін. За гэтыя гады мы з прэзідэнтам У. У. Пуціным падтрымлівалі цесныя працоўныя сувязі. У ходзе больш як 40 сустрэч на двухбаковых і міжнародных пляцоўках расстаўляліся прыярытэты практычнага супрацоўніцтва ва ўсіх сферах, мы своечасова звяраем гадзіны па актуальных міжнародных і рэгіянальных пытаннях, якія ўяўляюць узаемную цікавасць, і задаём тон устойліваму развіццю двухбаковых адносін.– Бакі бесперапынна ўмацоўваюць палітычны ўзаемадавер, ствараючы новую парадыгму адносін паміж буйнымі дзяржавамі. Кітай і Расія прытрымліваюцца канцэпцыі вечнага сяброўства і ўзаемавыгаднага супрацоўніцтва. Двухбаковыя адносіны грунтуюцца на прынцыпах недалучэння, неканфрантацыі і ненакіраванасці супраць трэціх бакоў. Дзве краіны цвёрда падтрымліваюць адна адну ў руху па шляху развіцця згодна з нацыянальнымі рэаліямі, у ажыццяўленні прагрэсу і адраджэння. Сталыя і ўстойлівыя двухбаковыя сувязі ўвесь час набіраюць новую сілу і служаць эталонам міждзяржаўных адносін новага тыпу, якія характарызуюцца ўзаемнай павагай, мірным суіснаваннем і ўзаемавыгадным супрацоўніцтвам.– Бакі фарміруюць архітэктуру ўсёабдымнага і шматвектарнага ўзаемадзеяння. Дзякуючы сумесным намаганням тавараабарот па выніках 2022 года склаў рэкордныя 190 мільярдаў долараў ЗША і павялічыўся на 116 працэнетаў у параўнанні з паказчыкам дзесяцігадовай даўнасці. Кітай 13 гадоў запар пазіцыянуе сябе як найбуйнейшага гандлёвага партнёра Расіі. Аб’ём узаемных інвестыцый дзвюх краін прадаўжае расці. Удала рэалізуецца шэраг стратэгічна значных праектаў супрацоўніцтва ў сферы энергетыкі, космасу, авіяцыі і транспартнай узаемазвязанасці. Высокую дынаміку захоўвае супрацоўніцтва ў такіх новых галінах, як навукова-тэхнічная інавацыя і трансгранічная электронная камерцыя. Міжрэгіянальнае партнёрства імкліва набірае абароты. Усё гэта не толькі прыносіць рэальныя выгады простым людзям, але і надае невычэрпны імпульс развіццю абедзвюх краін.– Бакі ажыццяўляюць канцэпцыю ўзаемаразумення, якое перадаецца з пакалення ў пакаленне, з дня ў дзень мацнее традыцыйная дружба. Напярэдадні 20-годдзя Дагавора аб добрасуседстве, дружбе і супрацоўніцтве паміж Кітаем і Расіяй мы з прэзідэнтам У. У. Пуціным прынялі рашэнне прадоўжыць і напоўніць Дагавор актуальным зместам з улікам сучасных рэалій. Паспяховае правядзенне тэматычных перакрыжаваных гадоў расійска-кітайскага супрацоўніцтва па васьмі напрамках выводзіць дружбу і супрацоўніцтва на новыя вышыні. Народы нашых краін аказалі адзін аднаму матэрыяльную і маральную падтрымку ў барацьбе з каронавірусам, што стала яшчэ адным сведчаннем таго, як "сябры пазнаюцца ў бядзе".– Бакі цесна ўзаемадзейнічаюць на міжнароднай арэне і нясуць вялікую адказнасць як вялікія дзяржавы. Кітай і Расія цвёрда адстойваюць аанцэнтрычную міжнародную сістэму і светапарадак, заснаваныя на міжнародным праве, а таксама асноўныя нормы і прынцыпы міжнародных адносін, якія базіруюцца на мэтах і прынцыпах Статута ААН, ажыццяўляюць цесную каардынацыю і ўзаемадзеянне ў рамках ААН, ШАС, БРІКС, Групы дваццаці і іншых міжнародных пляцовак, прыкладаюць сумесныя намаганні ў прасоўванні да шматпалярнасці і дэмакратызацыі міжнародных адносін. Бакі дзейснымі крокамі ажыццяўляюць сапраўдную шматпалярнасць, развіваюць агульначалавечыя каштоўнасці і выступаюць за фарміраванне міжнародных адносін новага тыпу і супольнасці адзінага лёсу чалавецтва.За 70 з лішнім гадоў кітайска-расійскія адносіны прайшлі вельмі няпросты шлях. Азіраючыся на мінулае, мы глыбока ўсведамляем, што сённяшні ўзровень кітайска-расійскіх адносін даўся нялёгка, варта беражліва захоўваць неўвядальную дружбу паміж Кітаем і Расіяй. Гісторыя і практыка паказваюць, што ва ўмовах глабальнай турбулентнасці кітайска-расійскія адносіны вытрымалі выпрабаванні на трываласць дзякуючы таму, што мы ўсталі на правільны шлях наладжвання міждзяржаўных сувязей.Будучы мой візіт у Расію накіраваны на ўмацаванне дружбы, супрацоўніцтва і міру. Я гатоў разам з прэзідэнтам Уладзімірам Пуціным намеціць новыя планы і меры ў імя адкрыцця новых перспектыў кітайска-расійскіх адносін усёабдымнага партнёрства і стратэгічнага ўзаемадзеяння.Бакі павінны канцэнтравацца на комплексным планаванні з прыцэлам на задачы нацыянальнага развіцця, інавацыйным падыходам, адкрываць новыя магчымасці і культываваць новыя драйверы. Важна ўмацоўваць узаемны давер і раскрываць патэнцыялы ў мэтах захавання ўстойлівай дынамікі развіцця кітайска-расійскіх адносін на высокім узроўні.Неабходна прасоўваць паралельнае нарошчванне аб’ёмаў і якасці інвестыцыйнага і гандлёва-эканамічнага супрацоўніцтва, умацоўваць палітычныя каардынацыі, ствараць больш спрыяльныя ўмовы для высакаякаснага развіцця інвестыцыйнага супрацоўніцтва, павялічваць маштаб двухбаковага гандлю, пашыраць агульнасць інтарэсаў і адшукваць новыя пункты росту, фарміраваць структуру развіцця, якая адрозніваецца ўзаемадапаўняльнасцю традыцыйнага гандлю і новых форм супрацоўніцтва, працягваць сумесную працу па спалучэнні ініцыятывы "Адзін пояс і адзін шлях" і ЕАЭС для інстытуцыйнага суправаджэння двухбаковага супрацоўніцтва і рэгіянальнай інтэграцыі.Неабходна паглыбляць культурна-гуманітарныя сувязі, на высокім узроўні арганізаваць Гады супрацоўніцтва ў галіне фізічнай культуры і спорту, раскрываць патэнцыял механізма міжрэгіянальнага супрацоўніцтва, актывізаваць кантакты паміж пабрацімскімі правінцыямі, абласцямі і гарадамі, заахвочваць людскія абмены, аднаўляць турыстычнае супрацоўніцтва дзвюх краін, праводзіць такія мерапрыемствы, як летні лагер, сумесная навучальная ўстанова, у інтарэсах бесперапыннага ўмацавання дружбы і ўзаемаразумення паміж народамі, у першую чаргу па лініі моладзі.У сучасным свеце адбываюцца найглыбокія перамены. Мір, развіццё, супрацоўніцтва і ўзаемны выйгрыш – гэта нястрымны гістарычны павеў. Шматпалярнасць, эканамічная глабалізацыя і дэмакратызацыя міжнародных адносін – незваротная тэндэнцыя. У той жа час хутка нарастаюць як традыцыйныя, так і нетрадыцыйныя выклікі бяспецы. Дзеянні гегемоніі, дэспатызму і цкавання прычыняюць свету сур’ёзную шкоду. Для аднаўлення сусветнай эканомікі трэба пераадолець вельмі доўгі шлях. У міжнароднай супольнасці б’юць вялікую трывогу, як ніколі маюць патрэбу ў шляхах выхаду з крызісу.У сакавіку 2013 года я выступіў у МДІМА і згадаў, што "ўзаемасувязь і ўзаемазалежнасць усіх краін дасягнулі беспрэцэдэнтна высокага ўзроўню. Чалавецтва жыве ў адной глабальнай вёсцы, становіцца цеснай супольнасцю адзінага лёсу". Вылучаныя мной потым ініцыятывы "Адзін пояс і адзін шлях", Ініцыятыва па глабальным развіцці, Ініцыятыва па глабальнай бяспецы і Ініцыятыва глабальных цывілізацый сталі карысным напаўненнем сутнасці канцэпцыі супольнасці адзінага лёсу чалавецтва і сродкаў яе рэалізацыі, што паслужыла кітайскім варыянтам адэкватнага рэагавання на змены свету, эпохі і гісторыі.За дзесяць гадоў агульначалавечыя каштоўнасці – такія як мір, развіццё, роўнасць, справядлівасць, дэмакратыя і свабода – глыбока ўкараніліся ў сэрцах людзей. Усё больш краін аб’ядноўвае агульнае імкненне да пабудовы чыстага і цудоўнага свету, дзе запануюць трывалы мір, усеагульная бяспека, сумесны росквіт, адкрытасць і талерантнасць. Міжнародная супольнасць аддае сабе ясную справаздачу ў тым, што ні адна краіна ў свеце не пераўзыходзіць усе астатнія. Не бывае ўніверсальнай мадэлі дзяржаўнага кіравання, не існуе светапарадку, дзе вырашальнае слова належыць асобнай краіне. Салідарнасць і мір на планеце без расколу і ўзрушэнняў адпавядаюць агульным інтарэсам усяго чалавецтва.З пачатку мінулага года назіраецца татальнае абвастрэнне ўкраінскага крызісу. Кітай на аснове самой сутнасці таго, што адбываецца, нязменна займае аб’ектыўную і бесстароннюю пазіцыю, прыкладае актыўныя намаганні ў садзейнічанні прымірэнню і мірным перагаворам. Агучаны мной шэраг бачанняў служыць асноватворным прынцыпам Кітая пры ўкраінскім урэгуляванні. Размова, у прыватнасці, ідзе аб неабходнасці выконваць мэты і прынцыпы Статута ААН, паважаць слушныя заклапочанасці ўсіх дзяржаў у галіне бяспекі, падтрымліваць усе намаганні, накіраваныя на мірнае ўрэгуляванне ўкраінскага крызісу, і забяспечваць стабільнасць глабальных ланцужкоў вытворчасці і паставак. Апублікаваная нядаўна "Пазіцыя Кітая па палітычным урэгуляванні ўкраінскага крызісу" з улікам рацыянальных заклапочанасцей усіх бакоў максімальна адлюстроўвае адзінства поглядаў сусветнай супольнасці на пераадоленне ўкраінскага крызісу. Дакумент служыць канструктыўным фактарам у нейтралізацыі наступстваў крызісу і прасоўванні палітычнага ўрэгулявання. Складаныя праблемы не маюць простых рашэнняў. Мы перакананы, што рацыянальны выхад з украінскага крызісу і шлях да трывалага міру і ўсеагульнай бяспекі ў свеце знойдуцца, калі ўсе будуць кіравацца канцэпцыяй агульнай, комплекснай, сумеснай і ўстойлівай бяспекі, працягваць дыялог і кансультацыі ў раўнапраўным, разважлівым і прагматычным ключы.Перш чым рашаць глабальныя праблемы, трэба ўладзіць уласныя справы. Камуністычная партыя Кітая, згуртоўваючы і ведучы за сабой кітайскі народ, усебакова імкнецца да вялікага адраджэння кітайскай нацыі шляхам кітайскай мадэрнізацыі, якая адрозніваецца ахопам вялізнай колькасці насельніцтва, дасягненнем усеагульнай заможнасці, узгодненым развіццём матэрыяльнай і духоўнай культуры, гарманічным суіснаваннем чалавека і прыроды, рухам па шляху мірнага развіцця. Гэтыя адметныя рысы Кітая сфарміраваны на аснове шматгадовай практыкі і глыбокага абагульнення міжнароднага вопыту. Мы будзем рашуча прасоўваць справу кітайскай мадэрнізацыі, прыкладаць намаганні для ажыццяўлення высакаякаснага развіцця, няўхільна пашыраць знешнюю адкрытасць. Перакананы, што гэта дасць новыя магчымасці ўсім краінам свету, у тым ліку Расіі.Год пачынаецца з вясны, а поспех – са справы. Ёсць поўныя падставы меркаваць, што Кітай і Расія, як спадарожнікі ў развіцці і адраджэнні, будуць уносіць большы ўклад у справу прагрэсу чалавечай цывілізацыі.>>> Хочаце яшчэ больш актуальных і цікавых навін – падпісвайцеся на Telegram-канал Sputnik БеларусьЧытайце таксама:

расія

кітай

кнр

2023

Навіны

ru_BY

сі цзіньпін, артыкул, ріа навіны, палітыка, грамадства, бяспека, эканоміка, расія, у свеце, меркаванне, кітай, кнр