Расія далёка наперадзе ЗША па ядзернай зброі – Кавальчук
17:58 29.03.2023 (абноўлена: 18:31 29.03.2023)
© Пресс-служба Минобороны РФ
/ Падпісацца на
Вельмі добра, што Расія змагла захаваць і нават нарасціць свой ядзерны патэнцыял пасля развалу Савецкага Саюза, лічыць кіраўнік даследчага цэнтра, які займаецца развіццём атамных тэхналогій.
МІНСК, 29 сак – Sputnik. Расія моцна апярэдзіла ЗША ў тэхналогіях па распрацоўцы ядзернай зброі, заявіў журналістам прэзідэнт Курчатаўскага інстытута Міхаіл Кавальчук, перадае карэспандэнт Sputnik.
"Мы шмат чаго захавалі і не страцілі. Прывяду адзін просты, але вельмі важны для сённяшняга дня прыклад. Мы заўсёды адставалі ад Злучаных Штатаў у распрацоўцы ядзернай зброі. Сёння мы першы раз за ўсю гісторыю далёка наперадзе па ўсіх артыкулах. Мы павінны гэта выразна разумець. І гэта звязана з тым, што ў нас у Расіі атрыманы новыя прарыўныя вынікі", - распавёў ён падчас адкрыцця філіяла Курчатаўскага інстытута ў Мінску.
Паводле яго слоў, ядзерныя даследаванні сёння актыўна прыжываюцца не толькі ў ваеннай галіне, але і ў сферы мірнага атама – у ядзернай медыцыне, прамысловасці, сельскай гаспадарцы і гэтак далей.
Расійская ядзерная зброя ў Беларусі
Размовы аб магчымасці прымянення ядзернай зброі вядуцца ўжо некалькі гадоў. Асабліва гэтая тэма абвастрылася пасля пачатку расійскай СВА ва Украіне.
На мінулым тыдні прэзідэнт Расіі Уладзімір Пуцін заявіў, што на беларускай тэрыторыі ўзводзіцца сховішча для размяшчэння тактычнай ядзернай зброі, яно будзе гатова да 1 ліпеня 2023 года.
Многія заходнія краіны прыйшлі да высновы, што гэта парушае міжнародныя абавязацельствы і падрывае стратэгічную стабільнасць у рэгіёне. Аднак у Крамлі падкрэслілі, што рэакцыя Захаду ніяк не паўплывае на планы Расіі размясціць тактычную ядзерную зброю ў Беларусі.
У беларускім МЗС адказалі, што такім чынам рэспубліка робіць вымушаныя дзеянні ў адказ па ўмацаванні ўласнай бяспекі і абараназдольнасці.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Трамп заклікаў амерыканцаў маліцца пасля рашэння размясціць ТЯЗ у Беларусі
Пасол РФ адказаў на папрокі ЗША з-за размяшчэння ядзернай зброі ў Беларусі
Кіеў заявіў аб магчымасці адкрыцця другога фронту з Беларуссю
Пяскоў: на планы РФ размясціць ядзерную зброю ў Беларусі ніхто не паўплывае
Расія размесціць у Беларусі тактычную ядзерную зброю
