Беларусаў на мяжы папросяць адказаць на пытанні Белстата

© SputnikПункта пропуску "Паддабранка"
Пункта пропуску Паддабранка - Sputnik Беларусь, 1920, 09.04.2023
Падпісацца
Выбарачнае абследаванне фізічных асоб, якія перасякаюць дзяржаўную мяжу, будзе праводзіцца ананімна і добраахвотна, узяць удзел у апытанні змогуць толькі паўналетнія грамадзяне.
МІНСК, 9 кра – Sputnik. Беларусаў на мяжы папросяць прайсці анкетаванне і адказаць на некалькі пытанняў, пастанову аб гэтым прыняў Белстат.
Нацыянальны статыстычны камітэт зацвердзіў інструкцыю па арганізацыі і правядзенні выбарачнага абследавання фізічных асоб у аўтадарожных пунктах пропуску праз дзяржмяжу. Сутнасць яе ў тым, каб вывучыць структуру неарганізаванага ўвозу і вывазу тавараў фізічнымі асобамі і накіраванасць патокаў міжнароднага турызму.
Абследаванне будзе праводзіцца на мяжы Беларусі з краінамі ЕС, а таксама з Украінай. Напрыклад, на беларуска-польскай мяжы гэта пагранпераходы "Бераставіца", "Брэст", "Брузгі", "Дамачава", "Пясчатка" (цяпер з гэтых пунктаў пропуску працуе толькі адзін – "Брэст").
На мяжы з Літвой апытанне будуць праводзіць у "Беняконях", "Каменным Логу", "Катлоўцы" і "Прывалцы".
На мяжы з Латвіяй – ва "Урбанах" і "Грыгароўшчыне". На мяжы з Украінай – у "Новай Гуце", "Новай Рудні" і "Макранах".
Адзначаецца, што выбарачнае абследаванне правядуць "на прынцыпах ананімнага і добраахвотнага ўдзелу фізічных асоб, якія дасягнулі 18-гадовага ўзросту і перасякаюць дзяржаўную мяжу".
Анкетаванне будуць праводзіць органы дзяржаўнай статыстыкі і працаўнікі мытнай службы. Яго плануецца арганізоўваць толькі два разы на год у другім і чацвёртым кварталах. Даты і час правядзення абследавання вызначаюцца па ўзгадненні паміж Белстатам і ДМК.
Пастанова набыла моц з 6 красавіка 2023 года.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
ДПК: больш за 100 тыс грамадзян суседніх краін ЕС прыехалі па бязвізе ў гэтым годзе
Больш за дзве тысячы фур чакаюць уезд у краіны Еўрасаюза – ДПК
Польскі бок за выхадныя выціснуў у Беларусь 12 бежанцаў – ДПК
Стужка навiн
0