Работа ПВО группировки войск Запад в зоне спецоперации - Sputnik Беларусь, 1920
Ваенная спецаперацыя РФ у Данбасе
Прэзідэнт Расіі Уладзімір Пуцін аб’явіў аб правядзенні ваеннай спецаперацыі ў Данбасе. Ён выступіў са зваротам да расіян, у якім паведаміў, што ДНР і ЛНР папрасілі Расію аб дапамозе. Падрабязнасці аб спецаперацыі РФ чытайце ў матэрыялах Sputnik.

Еўропа выбрала шлях вайны з Расіяй – Лаўроў

© Sputnik / Пресс-служба МИД РФ / Перайсці ў медыябанкМіністр замежных спраў РФ Сяргей Лаўроў
Міністр замежных спраў РФ Сяргей Лаўроў - Sputnik Беларусь, 1920, 06.06.2023
Падпісацца
У міністэрстве замежных спраў Расіі падкрэсліваюць, што Масква дасягне сваіх мэт у абвешчанай супраць яе вайне з боку краін Еўропы.
МІНСК, 6 чэр – Sputnik. Еўрапейскія краіны выбралі для сябе шлях вайны з Расіяй, і калі гэта так, то Масква павінна дасягнуць сваіх мэт, пра гэта заявіў кіраўнік расійскага знешнепалітычнага ведамства Сяргей Лаўроў.

"У нашай канцэпцыі знешняй палітыкі сказана, што Еўропа выбрала шлях вайны з намі. Нам, зразумела, усё роўна жыць з імі разам бок у бок, але калі гэта вайна, то, значыць, мы павінны дасягнуць сваіх мэт", - сказаў Лаўроў.

Ён падкрэсліў, што ў параўнанні з еўрапейцамі ў Масквы мэты больш высакародныя.
"Яны хочуць чужога, а мы – свайго. Ніколі не хацелі чужога. Усе тыя, хто далучаўся да нашай краіны з часоў Расійскай імперыі, рабілі гэта добраахвотна", - дадаў міністр.

Эскалацыя з Захаду

Кіраўнік МЗС лічыць, што пастаўкі Украіне самалётаў F-16 толькі ўзмоцняць эскалацыю, але на Захадзе не разумеюць, што адна з мадыфікацый гэтага самалёта фактычна можа несці ядзерны зарад.
Аднак, паводле слоў дыпламата, ад кіраўніцтва ЗША і іншых краін Захаду, якіх "Вашынгтон поўнасцю падмяў пад сябе", можна чакаць чаго заўгодна.
"Яны (кіраўнікі ЗША і іншых еўрапейскіх краін - Sputnik) гэта ўжо даказваюць, калі следам за сучаснымі дальнабойнымі гарматамі, танкамі, цяпер сур’ёзна "рыхтуюць" F-16", - адзначыў Лаўроў.
Па паведамленнях з адных крыніц, можа быць перададзена дзве эскадрыллі, а па іншых – восем, дадаў ён. Кіраўнік дыпламатычнага ведамства лічыць, што такім чынам хочуць прадоўжыць эскалацыю вайны, якая была развязана супраць Расіі.
"Шмат размоў аб тым, адкуль гэтыя самалёты будуць узлятаць. Нашы Узброеныя сілы і Генеральны штаб УС Расіі ўсё выдатна разумеюць і дакладваюць Вярхоўнаму галоўнакамандуючаму. Мы павінны мець на ўвазе, што адна з мадыфікацый F-16 можа "змяшчаць" ядзерную зброю", - сказаў міністр.
Калі ж ЗША і краіны Еўропы гэтага не разумеюць, то "грош цана ім як ваенным стратэгам і планіроўшчыкам", заявіў кіраўнік МЗС Расіі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Таксама на Sputnik:
Прэм’ер Польшчы: канфлікт ва Украіне – шанс начарціць новую карту Еўропы
Лукашэнка: Захад цягнуў час, каб падрыхтавацца да вайны ва Украіне
Лаўроў назваў планы Захаду па раздзяленні Расіі "жартамі з агнём"
Стужка навiн
0