Лукашэнка: значная частка ядзернай зброі ўжо завезена ў Беларусь
17:17 27.06.2023 (абноўлена: 17:19 27.06.2023)
© Sputnik / РИА Новости
/ Падпісацца
Раней Мінск і Масква дамовіліся, што ў рэспубліку даставяць тактычныя ядзерныя зарады, якія можна выкарыстоўваць на самалётах Су-25 і комплексах "Искандер".
МІНСК, 27 чэр – Sputnik. Ядзерную зброю, якую завезлі ў Беларусь, ахоўваюць расійскія і беларускія ваеннаслужачыя, паведаміў кіраўнік беларускай дзяржавы Аляксандр Лукашэнка.
"Палякі і іншыя лічаць, што – я папрасіў, каб далі мне са СМІ – "Вагнер" будзе ахоўваць ядзерную зброю і гэтак далей. Ніякую ядзерную зброю "Вагнер" ахоўваць не будзе. Там будуць ахоўваць, і ахоўваюць сёння, паколькі ўжо частка ядзернай зброі, не буду казаць, колькі, большая частка завезена ў Беларусь. Дзіўна, што не адсачылі. Ахоўваюць расіяне і беларусы", - сказаў Лукашэнка.
Ён адзначыў, што ў Беларусі няма вопыту працы з такой зброяй.
"Працуем разам... Абслугоўваюць расіяне. Мы дапамагаем абслугоўваць гэту ядзерную зброю. Аказваецца, гэтае мерапрыемства няпростае", - растлумачыў Лукашэнка.
Прэзідэнт Беларусі дадаў, што заявы ў адносінах да ПВК "Вагнер" і ядзернай зброі – "звычайны ўкід".
"Ніякі "Вагнер" не будзе ахоўваць ядзерную зброю. Гэта наша задача. І за захаванасць зброі персанальную адказнасць нясу перш за ўсё я. Таму мы на гэта ніколі не пойдзем. У нас дастаткова рабят, якія здольны ахоўваць гэты аб’ект разам з расіянамі", - сказаў Лукашэнка.
Умовы размяшчэння
Лукашэнка раней неаднаразова заяўляў, што размяшчэнне ядзернай зброі ў Беларусі было яго просьбай расійскаму боку. Але першым аб планах прывезці тактычную ядзерную зброю (ТЯЗ) у Беларусь паведаміў 25 сакавіка прэзідэнт Расіі Уладзімір Пуцін. Тады ён адзначыў, што гэты крок не парушыць міжнародных абавязацельстваў.
Праз два месяцы, 25 мая, міністры абароны Беларусі і Расіі Віктар Хрэнін і Сяргей Шайгу падпісалі дакументы аб парадку ўтрымання расійскай ядзернай зброі ў спецсховішчах на беларускай тэрыторыі. Тады Шайгу растлумачыў, што рашэнне аб выкарыстанні ТЯЗ застаецца за Расіяй.
Але пры гэтым беларускія ваенныя лётчыкі і ракетчыкі прайшлі спецыяльную падрыхтоўку ў Расіі. Яны вывучалі, у тым ліку, як выкарыстоўваць зарады ТЯЗ з дапамогай штурмавікоў Су-25 і комплексаў "Искандер-М".
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Беларусь гарантуе бяспеку любымі сіламі і сродкамі – Вальфовіч
МЗС РФ растлумачыла, колькі часу ядзерная зброя можа знаходзіцца ў Беларусі
Лукашэнка прызнаўся, што патрабаваў у Расіі ядзерную зброю
