Спецыялісты ТВВОД выратавалі больш за сто чалавек з пачатку купальнага сезона
© Sputnik / Максим Богодвид
/ Падпісацца
У выхадныя і святочныя дні ТВВОД сумесна з МНС і МУС правядзе прафілактычныя рэйды ў месцах масавага адпачынку на вадаёмах.
МІНСК, 30 чэр – Sputnik. У Беларусі прымаюцца ўсе меры, каб выключыць выпадкі гібелі людзей на вадзе. Пра гэта распавёў выконваючы абавязкі Старшыні Рэспубліканскага Савета ТВВОД Анвар Ігамбердыеў у мультымедыйным прэс-цэнтры Sputnik Беларусь.
Афіцыйна купальны сезон у Беларусі пачынаецца з 1 мая і працягваецца да 31 верасня. Тым часам папулярныя для адпачынку вадаёмы знаходзяцца ў зоне павышанай увагі спецыялістаў ТВВОД.
"У гэтым годзе абсталявана 385 месцаў для камфортнага адпачынку грамадзян. Для параўнання, у мінулым, такіх было 365. Але адпачынак павінен быць не проста камфортным, але і бяспечным. У нас працуе 68 выратавальных станцый, 110 выратавальных пастоў і каля 100 сезонных пастоў", - распавёў Ігамбердыеў.
Ён адзначыў, што менавіта ў месцах, абсталяваных для купання, грамадзяне могуць адчуваць сябе ў бяспецы. З пачатку купальнага сезона было выратавана 110 чалавек, у тым ліку больш за 20 непаўналетніх. Фактычна гэта дапамагло прадухіліць трагедыю. Ён прывёў прыклад, калі бацька, пасадзіўшы трохгадовае дзіця на шыю, паспрабаваў пераплысці вадаём. Удалечыні ад берага мужчына пачаў тануць разам з дзіцем. Дапамога прыбыла своечасова. Дарэчы, да купальнага сезона было падрыхтавана больш за 800 матросаў-ратавальнікаў.
Як адзначыў Ігамбердыеў, на жаль, трагедыі на вадзе пазбегнуць не ўдалося. З пачатку сезона загінула 14 чалавек, у тым ліку трое дзяцей. Трагедыі адбыліся ў месцах, не абсталяваных ці забароненых для купання.
"Гэта толькі ў фільмах, калі чалавек тоне, ён крычыць, махае рукамі. На самай справе навакольныя нават не заўважаюць, калі ён сыходзіць пад ваду. Як паказвае статыстыка, утапленне стаіць на другім месцы па колькасці гібелі дзяцей да 15 гадоў пасля ДТЗ. Пры гэтым малышы тонуць літаральна побач з бацькамі", - адзначыў галоўны вадалазны спецыяліст рэспубліканскага аддзела вадалазна-выратавальнай службы ТВВОД Аляксей Карпека.
У якасці прыкладу ён прывёў выпадак, калі бацькі літаральна на некалькі хвілін пакінулі дзіця без увагі на беразе, але і гэтага было дастаткова, каб адбылася трагедыя. Таксама спецыяліст асабліва адзначыў, што вельмі небяспечна выкарыстоўваць надзіманыя матрацы для плавання. Апынуўшыся ўдалечыні ад берага, дзеці панікуюць, падаюць у ваду і тонуць.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Таксама на Sputnik:
Як звязаны адпачынак на вадзе са статыстыкай трагедый – відэа
Пляжы ў Мінску і прыгарадзе: дзе можна пакупацца і пазагараць
Чаму нельга піць, як ныраць у ваду і ратаваць тапельцаў, распавялі ў ТВВОД
