Крым зацікаўлены пастаўляць у Беларусь свае знакамітыя віны
15:15 11.07.2023 (абноўлена: 18:10 11.07.2023)
© Sputnik / Виктор Толочко
Падпісацца
У Доме Масквы ў Мінску з 10 па 12 ліпеня праходзяць Дні Крыма ў Беларусі, у рамках якіх абмяркоўваюцца пытанні супрацоўніцтва рэспублік.
МІНСК, 11 ліп – Sputnik. Рэспубліка Крым у мінулым годзе паставіла ў Беларусь сельскагаспадарчай прадукцыі на 2 мільёны долараў – у асноўным гэта былі крымскія віны, паведаміў намеснік міністра сельскай гаспадаркі Крыма Арсен Арзіеў.
"У цэлым Рэспубліка Крым са сваім аграпрамысловым патэнцыялам цесна супрацоўнічае з Беларуссю. Па выніках 2022 года з рэспублікі Крым накіравана ў Беларусь прадукцыі больш як на 2 мільёны долараў, гэта вінаробная прадукцыя, якая з’яўляецца нашай візітнай карткай", - заявіў журналістам намеснік міністра сельскай гаспадаркі Крыма.
Крым таксама пастаўляе ў Беларусь птушкагадоўчую прадукцыю, іншыя тавары.
Гаворачы пра беларускі экспарт у Крым, ён адзначыў, што гэты рэгіён РФ актыўна ўзаемадзейнічае з МТЗ і Гомсельмашам.
Намеснік міністра сельскай гаспадаркі Крыма Арсен Арзіеў
© Sputnik / Виктор Толочко
"Штогод нам пастаўляецца вялікая колькасць беларускай сельскагаспадарчай тэхнікі", - сказаў Арзіеў.
Паводле яго слоў, да 25% паставак у Крым сельскагаспадарчай тэхнікі – беларускай вытворчасці, яна карыстаецца вялікім попытам у крымскіх аграрыяў.
"Візітнай карткай Крыма ў частцы сельскай гаспадаркі з’яўляецца наша садоўніцтва, вінаградарства, вінаробства. І менавіта гэту прадукцыю мы гатовы адпраўляць у Беларусь", - сказаў міністр.
Паводле яго слоў, у гэтым напрамку ёсць вялікі патэнцыял, у тым ліку і дзякуючы дзяржаўнай падтрымцы, бо ў рэгіёне з кожным годам растуць аб’ёмы валавога прадукту.
Намеснік міністра сельскай гаспадаркі Крыма Арсен Арзіеў і часова выкончаючы абавязкі пастаяннага прадстаўніка Рэспублікі Крым пры прэзідэнце Расійскай Федэрацыі Міхаіл Саломенцаў
© Sputnik / Виктор Толочко
10-12 ліпеня ў Доме Масквы праходзяць Дні Крыма ў Беларусі. Афіцыйную дэлегацыю расійскага рэгіёна ўзначальвае часова выкончаючы абавязкі пастаяннага прадстаўніка Рэспублікі Крым пры Прэзідэнце Расійскай Федэрацыі Міхаіл Саломенцаў.
11 ліпеня на пляцоўцы Дома Масквы праходзяць прэзентацыя турыстычнага, эканамічнага і інвестыцыйнага патэнцыялу Рэспублікі Крым, дзелавыя перагаворы ў фармаце b2b, экспертная дыскусія "Союзное Государство: значение межрегионального и межмуниципального сотрудничества" і прэзентацыя праекта "Республика Крым – Южные морские ворота Союзного государства".
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Таксама на Sputnik:
Беларуска-расійская рыбалоўная флатылія можа быць створана ў Крыме
Кіраўнік Крыма: нягледзячы на санкцыі, мы адчуваем шырокую падтрымку
