Пуцін назваў прыярытэтам праект па развіцці беспілотнікаў

© Sputnik / Евгений Биятов / Перайсці ў медыябанкБеспілотнік, архіўнае фота
Беспілотнік, архіўнае фота - Sputnik Беларусь, 1920, 13.07.2023
Падпісацца на
Кіраўнік дзяржавы папрасіў улічыць гэты праект пры фарміраванні бюджэтаў на будучыя гады.
МІНСК, 13 ліп – Sputnik. Прэзідэнт Расіі Уладзімір Пуцін назваў прыярытэтным напрамкам развіццё беспілотных авіясродкаў, аб гэтым ён заявіў у чацвер на форуме будучых тэхналогій.
Кіраўнік дзяржавы адзначыў важнасць стварэння галін і рынкаў будучыні.
"Менавіта ў такой логіцы пабудаваны нацпраект па развіцці беспілотных авіяцыйных сістэм. Як мы і дамаўляліся з калегамі, прашу зацвердзіць яго да 1 верасня 2023 года, а таксама ўлічыць гэты прыярытэтны напрамак пры фарміраванні бюджэту на 2024 і планавы перыяд да 2026 года", - сказаў Пуцін.
Па словах прэзідэнта РФ, залежнасць ад замежных тэхналогій нясе пагрозы для нацыянальнай бяспекі, паслабленне і страту суверэнітэту. Кіраўнік дзяржавы заклікаў думаць аб гэтым і глядзець у будучыню.
"Менавіта да гэтага імкнуліся некаторыя краіны, калі любымі шляхамі спрабавалі ў літаральным сэнсе пасадзіць нашу краіну на замежныя тэхналагічныя платформы і стандарты. І трэба прызнаць – не без поспеху", - сказаў расійскі лідар.
Пуцін дадаў, што ўзаемасувязь непазбежна, але паміж агульнымі словамі аб адкрытасці і "ўласнай кашулі, якая бліжэй да цела", ёсць розніца.
Раней першы віцэ-прэм’ер РФ Андрэй Белавусаў даручыў да кастрычніка бягучага года распрацаваць у рэгіёнах праграмы развіцця беспілотных авіясістэм і прадставіць іх у Мінтранс і Расавіяцыю.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Таксама на Sputnik:
Выкарыстанне дронаў дапамагае перадаць маштаб падзей – эксперт
СПА Расіі за суткі збіла 31 беспілотнік УСУ – Мінабароны
Шайгу прадставіў да ўзнагарод пілотаў, якія суправаджалі амерыканскі беспілотнік
Стужка навiн
0