https://bel.sputnik.by/20230802/shmat-ekshena-drony--skachk-desantnk-magutna-adznachyl-sva-svyata-1078087923.html

Шмат экшэна, дроны і скачкі: дэсантнікі магутна адзначылі сваё свята

Шмат экшэна, дроны і скачкі: дэсантнікі магутна адзначылі сваё свята

Sputnik Беларусь

У сераду, 2 жніўня, у Беларусі адзначаюць Дзень дэсантнікаў і сіл спецыяльных аперацый. З гэтай нагоды дэмбелі надзелі адпрасаваныя цяльняшкі, нацягнулі на... 02.08.2023, Sputnik Беларусь

2023-08-02T17:57+0300

2023-08-02T17:57+0300

2023-08-02T18:15+0300

дэсантнікі

дзень паветрана-дэсантных войскаў

свята

грамадства

бяспека

рэпартаж

https://cdnn11.img.sputnik.by/img/07e7/08/02/1078072850_0:161:3071:1888_1920x0_80_0_0_9cc811248b47a7188ccb1e8a8dab04ab.jpg

У Мар’інай Горцы, якая па праве лічыцца сталіцай беларускага вайсковага спецназа і дзе ўжо больш за 60 гадоў дыслацыруецца 5-я асобная брыгада спецыяльнага прызначэння, сёння таксама было шмат дэсантнікаў.Сотні дэмбеляў розных гадоў у кампаніі жонак, дзяцей, сяброў і саслужыўцаў прыйшлі ў часць паглядзець, як сёння вучаць дэсантнікаў-разведчыкаў гэтага элітнага злучэння. Карэспандэнты Sputnik таксама далучыліся да галоўнага свята "блакітных берэтаў".Чыстага неба і пабольш грошайВітаючы адзін аднаго, суровыя мужчыны ў цяльняшках і берэтах, з зялёна-блакітнымі сцягамі ў руках магутна выкрыквалі "Слава ПДВ", а ў адказ атрымлівалі традыцыйнае "Ніхто, акрамя нас".Дэмбелі са стажам удараліся ва ўспаміны: гаварылі пра Афган, пра хлопцаў, якія не вярнуліся, і заводзілі дыскусіі наконт сучаснага стану Узброеных сіл Беларусі. Маладзейшыя здзіўляліся новай экіпіроўцы спецназаўцаў, аглядалі выставу ўзбраення і будавалі актыўныя планы на вечар.Намеснік камандуючага сіл спецыяльных аперацый Дзмітрый Собаль, звяртаючыся з трыбуны да вайскоўцаў і ветэранаў гэтага роду войск, пажадаў чыстага і мірнага неба, а таксама заставацца дэсантнікамі не толькі на святы.Дэпутат Палаты прадстаўнікоў, былы начальнік Генштаба Узброеных сіл краіны Алег Белаконеў адзначыў, што ў кожнага вайскоўца свой шлях прыходу ў сілы спецыяльных аперацый: кагосьці адабралі ў ваенкамаце па стане здароўя, хтосьці скончыў факультэт ваеннай разведкі, хтосьці прыйшоў адразу служыць па кантракце.Так працуюць ССАПасля ўсіх урачыстых прамоў на пляцы брыгады раздаліся выбухі. Разведчыкі зладзілі паказальныя выступленні, спрытна і метадычна абыходзячыся са зброяй і нажамі.Асаблівую радасць гэта давала дзеткам, якія, куляючыся па траве, нязграбна спрабавалі паўтарыць рухі спецназаўцаў.Потым былі скачкі з парашутам з верталёта Мі-8, пасля чаго перад гасцямі выступіў ваенны аркестр.Вялікай папулярнасцю карысталася выстава ўзбраенняў, якую разгарнулі каля вайсковага пляца.Можна было ўзяць у рукі рознакаліберную стралковую зброю, ацаніць поспехі айчыннага ваенпрама ў галіне стварэння беспілотнікаў і пасядзець за рулём кітайскіх браневікоў.Цэнтральнымі экспанатамі стала прадукцыя віцебскага "Дысплея" – ударныя дроны і беспілотныя авіяцыйныя комплексы, якія з нядаўняга часу стаяць на ўзбраенні ў брыгадзе.Дзед Мароз ПДВМногія з тых, хто прыйшоў сёння ў частку, як ужо гаварылася вышэй, былыя афганцы.Юрый Петруковіч родам з беларускага Белазерска, у 1985-1987 гадах праходзіў службу ў Афгане. Пасля вучэння ў Ташкенце трапіў кулямётчыкам у 668-ы атрад спецыяльнага прызначэння, які стаяў на мяжы з Пакістанам.Некаторыя бацькі і дзяды, якія служылі ў ПДВ у савецкі час, прывялі на свята дзяцей, каб яны з малых гадоў прасякаліся атмасферай дэсантнага адзінства.Аляксандр Сяргеевіч прызываўся ў 1972 годзе яшчэ пры Маргелаве. Усё жыццё ён праслужыў у 5-й брыгадзе – і тэрмінова, і на кантракце. Свае пагоны старэйшага прапаршчыка і форму "кавунка" з медалямі ён апранае толькі 2 жніўня."У мяне прозвішча знакамітае на ўвесь свет – Мароз. Унучкі мае так мяне і называюць – Дзед Мароз. Свята адзначаем усёй сям’ёй – жонка, дачка, унучкі побач. Самы душэўны дзень", - прызнаўся дэсантнік.Каб далучыцца да дэсантнага братэрства, камусьці прыйшлося нават узяць адгул на працы. Аляксандр і Віктар кожны год на працягу вось ужо 19 гадоў прыязджаюць у "пяцёрку".>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"Таксама на Sputnik:

2023

Навіны

ru_BY

дэсантнікі, дзень паветрана-дэсантных войскаў, свята, грамадства, бяспека, рэпартаж