Галоўчанка назваў галоўныя праблемы ў школах
© Sputnik / Виктор Толочко
Падпісацца
Беларускія ўлады вядуць падрыхтоўку да новага навучальнага года, але частка ўстаноў адукацыі так і не атрымала яшчэ сертыфікаты прыдатнасці.
МІНСК, 23 жні – Sputnik. Адукацыя – гэта найважнейшы сацыяльны інстытут і яго развіццё шмат у чым вызначае і развіццё грамадства, заявіў прэм’ер-міністр Раман Галоўчанка на нарадзе аб падрыхтоўцы да новага навучальнага года, перадае карэспандэнт Sputnik.
Па словах Галоўчанкі, на фінансаванне галіны ў гэтым годзе будзе накіравана звыш 10 мільярдаў рублёў з бюджэту. Да новага навучальнага года будуць уведзены ў эксплуатацыю дзве новыя школы, чатыры дзіцячыя сады. Усяго да канца года ўвядуць дзевяць дзіцячых садоў.
"Нацыянальная сістэма адукацыі ў цэлым функцыянуе дастаткова эфектыўна", - лічыць кіраўнік урада.
Пры гэтым Галоўчанка звярнуў увагу, што ў рабоце сістэмы адукацыі ёсць шэраг недахопаў і праблем, якія выяўляюцца органамі адукацыі і кантралюючымі арганізацыямі. На мінулай нарадзе ў кіраўніка дзяржавы, прысвечанай гэтай тэматыцы, адзначалася недапушчальнасць нават асобных недаглядаў.
"Летні канікулярны перыяд – гэта традыцыйна час падрыхтоўкі ўстаноў адукацыі, інфраструктуры да новага навучальнага года", - нагадаў кіраўнік урада.
За гэты час павінны быць створаны камфортныя і бяспечныя ўмовы для навучэнцаў.
"Разам з тым на сённяшні дзень некаторая колькасць устаноў адукацыі яшчэ не завяршыла падрыхтоўку да навучальнага года (не маюць сертыфікатаў гатоўнасці). За што нясуць адказнасць іх заснавальнікі", - канстатаваў Галоўчанка.
Кіраўніцтва аблвыканкамаў запэўнівае, што сертыфікаты гатоўнасці будуць выдадзены школам да пачатку навучальнага года.
"Паглядзім ці так гэта на самай справе", - папярэдзіў ён кіраўнікоў рэгіёнаў на нарадзе.
Ён нагадаў, што кіраўнік дзяржавы паставіў задачу правесці дэталёвы разбор і выпрацаваць аператыўны план па ўстараненні недахопаў да пачатку навучальнага года.
Паводле слоў Галоўчанкі, у дакладах профільных чыноўнікаў павінны быць агучаны наступныя блокі пытанняў:
гатоўнасць устаноў адукацыі (пашпарты гатоўнасці, санітарна-тэхнічны стан),
бяспека знаходжання навучэнцаў (кантроль доступу, пажарная і дарожная бяспека),
арганізацыя харчавання навучэнцаў,
арганізацыя падвозу і размеркаванне па школах,
матэрыяльнае забеспячэнне дзяцей-сірот і іншых катэгорый маючых патрэбу,
работа па паляпшэнні якасці навучальных дапаможнікаў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Лукашэнка запатрабаваў вырашыць пытанне з перапоўненасцю школ
Школьных повараў апрануць у адзіную форму
Лукашэнка патрабуе скончыць вакханаліі пры арганізацыі ўступнай кампаніі
