"Улада палітычных карлікаў": кіраўнік Sputnik Малдова аб прычынах дэпартацыі
10:59 14.09.2023 (абноўлена: 11:02 14.09.2023)
© Photo : Rutube / Sputnik на русском
Падпісацца
Не далі часу на зборы, але прапанавалі самому набыць сабе білет – кіраўнік Sputnik Малдова Віталій Дзянісаў распавёў пра тое, як напярэдадні яго экстрана дэпартавалі з Кішынёва і падзяліўся назіраннямі аб становішчы ў краіне.
Ніякіх прадчуванняў аб надыходзячай дэпартацыі не было, але нядаўні факт высылкі 40 расійскіх дыпламатаў прымусіў задумацца, распавёў па прылёце ў Маскву дэпартаваны з Кішынёва кіраўнік Sputnik Малдова Віталій Дзянісаў.
"Вы спіце, вам стукаюць у дзверы, там стаяць чацвёра ўпэўненых у сабе мужчын, якія кажуць, што трэба сабрацца і праз дзве хвіліны паехаць. Для чаго? Для размовы… Я паспеў апрануцца і ўсё ўвогуле… І ўжо ў машыне мне дастаюць паперу, падпісаную начальнікам міграцыйнай службы аб дэпартацыі", - распавёў Дзянісаў.
У дакуменце гаварылася аб тым, што матывацыяй для прыняцця рашэння аб дэпартацыі стала пагроза нацыянальнай бяспецы Малдовы, якую нібыта прадстаўляе Дзянісаў. Размовам па тэлефоне прадстаўнікі малдаўскіх спецслужбаў не перашкаджалі, але часу на тое, каб сабраць хаця б мінімальны набор рэчаў і вырашыць пытанне з катом, які застаўся ў кватэры – так і не далі. Цікава, што ў аэрапорце Дзянісаву прапанавалі самому купіць сабе білет, на што той нагадаў, што часу на тое, каб узяць з сабой грошы, яму не далі, да таго ж ён нікуды ляцець не збіраўся.
"Крычаць аб свабодзе слова, аб дэмакратычных каштоўнасцях і вось падобным займацца, – напэўна, гэта неяк разыходзіцца… Абстаноўка ў краіне зараз перманентна нервовая", - адзначыў Дзянісаў.
Ён расказаў, што ключы ад кватэры ўдалося перадаць калегу, які пад’ехаў у аэрапорт, цяпер кватэра не апячатана. "Мае калегі часова эвакуіравалі з кватэры ката. Ён пакуль што часова знаходзіцца ў аднаго з маіх калег", - дадаў Дзянісаў.
Калі да нядаўняга часу – месяцаў 5-6 таму – у сярэднім у Малдову не ўпускалі каля 35 чалавек у тыдзень, то цяпер гэтая лічба – у сярэднім каля 150 чалавек, большасць з іх – расійскія грамадзяне, расійскіх турыстаў у Малдове практычна няма, таму што могуць развярнуць на мяжы, растлумачыў ён.
"Паноптыкум, які мяжуе з вар’яцтвам. Улада нейкіх палітычных карлікаў, якія могуць вось толькі так, як яны павялі сябе ў адносінах да мяне, таму што на большае нешта ў іх няма ні сіл, ні магчымасцей, ні нават розуму", - распавёў Дзянісаў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Таксама на Sputnik:
"Акцыя запалохвання": журналіст аб дэпартацыі кіраўніка Sputnik Малдова
Часовы павераны Малдовы ў Маскве выкліканы ў МЗС Расіі
Кіраўніка Sputnik Малдова Віталія Дзянісава дэпартуюць з краіны
