Майстар-клас па стварэнні навін прайшоў на пляцоўцы Sputnik Беларусь – фота

Семінар аб рабоце з навінамі правяла кіраўнік рэдакцыі маніторынгу і каардынацыі галоўнай дырэкцыі інфармацыі медыягрупы "Россия сегодня" Яна Аўдзеева.

Яна распавяла аб тым, якім у ідэале павінен быць кантэнт навін (ад загалоўка да бэкграўнду), чым адрозніваецца інфармацыя на сайце і ў Telegram-канале і як зрабіць так, каб чытачам было цікава.

Па словах кіраўніка рэдакцыі, інфармацыя павінна быць якаснай, праверанай і дакладнай.

Аднак гэтага мала: яркія загалоўкі і ліды – гэта тое, на што ў першую чаргу "клюе" чытач.

Самае важнае для любога журналіста – гэта давер яго чытачоў. Таму галоўнае – ставіцца да іх з павагай, даваць правераную інфармацыю, напісаную нармальнай мовай і без канцылярызмаў, упэўнена Яна Аўдзеева.

Акрамя таго, прадстаўнік медыягрупы "Россия сегодня" падзялілася са слухачамі, як сёння можна выкарыстоўваць розныя крыніцы інфармацыі і ствараць навіны, грунтуючыся толькі на фота- ці відэаматэрыялах.

У заключэнне эксперт назвала асноўныя прынцыпы добрага кантэнту навін – гэта эксклюзіўнасць, дакладнасць, хуткасць, аб’ектыўнасць і камандная праца. Пры гэтым дакладнасць не павінна прыносіцца ў ахвяру хуткасці.

SputnikPro – гэта міжнародны асветніцкі праект у галіне медыя, ініцыяваны інфармацыйным агенцтвам Sputnik. Гэта сістэма ўнікальных семінараў, лекцый і майстар-класаў лепшых расійскіх і замежных медыяменеджараў, экспертаў і вядучых спецыялістаў агенцтва для журналістаў, прэс-сакратароў, блогераў і студэнтаў старэйшых курсаў профільных аддзяленняў ВНУ.