Новы рэспубліканскі медцэнтр адкрыўся ў Мінску
© Sputnik / Виктор Толочко
Падпісацца
Фінансаванне на будаўніцтва медыцынскай установы на першапачатковым этапе выдзелілі міжнародныя арганізацыі, аднак завяршаць аб’ект прыйшлося за кошт сродкаў рэспубліканскага бюджэту.
МІНСК, 2 ліс – Sputnik. Рэспубліканскі цэнтр прафесійнай атэстацыі і сімуляцыйнага навучання медыцынскіх і фармацэўтычных работнікаў адкрыўся ў Мінску, перадае карэспандэнт Sputnik.
Аб’ект адкрылі на базе Інстытута павышэння кваліфікацыі і перападрыхтоўкі работнікаў кадраў аховы здароўя БДМУ на вуліцы Петруся Броўкі.
Рэспубліканскі цэнтр прафесійнай атэстацыі і сімуляцыйнага навучання медыцынскіх і фармацэўтычных работнікаў
© Sputnik / Виктор Толочко
Ва ўрачыстай цырымоніі прынялі ўдзел прэм’ер-міністр Беларусі Раман Галоўчанка, міністр аховы здароўя Дзмітрый Піневіч, намеснік прэм’ер-міністра – міністр прамысловасці і гандлю Татарстана Алег Каробчанка і іншыя.
Прэм’ер-міністр расказаў, што будаўніцтва аб’екта пачыналася ў рамках праграмы супрацоўніцтва з міжнароднымі арганізацыямі, аднак у далейшым цэнтр прыйшлося дабудоўваць за кошт уласных сродкаў.
"На жаль, як і некаторыя іншыя аб’екты, ён быў кінуты нашымі "партнёрамі" на фактычна пачатковай стадыі будаўніцтва", - сказаў Галоўчанка.
На адкрыцці Рэспубліканскага цэнтра прафесійнай атэстацыі і сімуляцыйнага навучання медыцынскіх і фармацэўтычных работнікаў
© Sputnik / Виктор Толочко
Паводле яго слоў, невядома, па якіх меркаваннях гэта адбылося, аднак да таго моманту рэспубліка паспела ўжо асвоіць міжнародную фінансавую дапамогу прыкладна на 15-20%.
"Вядома ж, мы не маглі сабе дазволіць, каб краіна пазбавілася такога цэнтра, таму было прынята рашэнне, як і па многіх іншых аб’ектах, завяршыць яго будаўніцтва ўласнымі сіламі. І я мяркую, што мы сваю задачу выканалі", - падкрэсліў прэм’ер.
Пасля чаго ўдакладніў, што ўзвядзенне цэнтра, нягледзячы на цяжкасці з фінансаваннем, заняло менш за два гады. Абсталяванне, якім аснашчана ўстанова, не ўступае сусветным аналагам. У яго пастаўках дапамаглі калегі з Татарстана.
На адкрыцці Рэспубліканскага цэнтра прафесійнай атэстацыі і сімуляцыйнага навучання медыцынскіх і фармацэўтычных работнікаў
© Sputnik / Виктор Толочко
"Разлічваю, што наша медыцынская супольнасць скарыстаецца ў поўным аб’ёме тымі магчымасцямі, якія гэты цэнтр дае. І галоўная канчатковая мэта, гэта, вядома ж, умацаванне здароўя грамадзян і аказанне ім якаснай і даступнай медыцынскай дапамогі. Гэта – стрыжань нашай сістэмы аховы здароўя", - сказаў на заканчэнне Галоўчанка.
Клініка-трэнажор
Міністр аховы здароўя ў сваю чаргу адзначыў, што гэта важны цэнтр для 47 тысяч урачоў-практыкаў і 112 тысяч медработнікаў у цэлым. Праца цэнтра арганізавана па прынцыпе сімуляцыйнай клінікі, якая складаецца з некалькіх напрамкаў: медыцына катастроф, неадкладная дапамога і інтэнсіўная тэрапія, хірургія, педыятрыя і неанаталогія, акушэрства і гінекалогія, стаматалогія, ультрагукавая дыягностыка, эндаскапія, анатомія і рэфлексатэрапія.
Работа з муляжом у Рэспубліканскім цэнтры прафесійнай атэстацыі і сімуляцыйнага навучання медыцынскіх і фармацэўтычных работнікаў
© Sputnik / Виктор Толочко
Галоўная функцыя цэнтра – ацаніць практычныя навыкі-ўрачоў спецыялістаў. Штодзень ва ўстанове могуць вучыцца і праходзіць атэстацыю 140 чалавек пры працы ў дзве змены.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Гінцбург: "Спутник V" перастаў абараняць ад новых штамаў COVID-19
Беларусь і Новасібірская вобласць будуць супрацоўнічаць у кардыялогіі
Анішчанка пазітыўна ацаніў стварэнне савета біябяспекі ў Беларусі
