Курс – на Данбас: з Мінска адпраўляюць гуманітарку ў прыфрантавыя раёны
© Sputnik / Виктор Толочко
Падпісацца
Эксклюзіў
Валанцёры павязуць пацярпелым жыхарам расійскага рэгіёна прадукты харчавання, а таксама жыццёва важныя прадметы – цёплыя рэчы, сродкі асабістай гігіены, інвалідныя каляскі і іншае.
Збор гуманітарнай дапамогі для пацярпелых ад рэгулярных абстрэлаў УСУ жыхароў Данбаса быў аб’яўлены ў рэспубліцы яшчэ 15 снежня мінулага года. За месяц удалося сабраць каля 40 тон рознага грузу – не толькі харчовага, але і рэчавага. Падключыліся ўсе рэгіёны Беларусі – а гэта тысячы людзей. У бліжэйшы час доўгачаканыя пасылкі атрымаюць жыхары ДНР, ЛНР, Херсонскай і Запарожскай абласцей.
Карэспандэнты Sputnik паглядзелі, як гумадапамогу рыхтуюць да адпраўкі і паразмаўлялі з арганізатарамі маштабнай гуманітарнай акцыі.
Усім мірам
Ідэя арганізаваць дастаўку гумадапамогі з Беларусі належыць рэспубліканскаму грамадскаму аб'яднанню "Белая Русь" і Рускаму дому ў Мінску. Акцыя стартавала 15 снежня і завяршылася праз месяц, 15 студзеня.
1/6
© Sputnik / Виктор Толочко
Гуманітарная дапамога для Данбаса
2/6
© Sputnik / Виктор Толочко
Гуманітарная дапамога для Данбаса
3/6
© Sputnik / Виктор Толочко
Валанцёры збіраюць гуманітарную дапамогу для Данбаса
4/6
© Sputnik / Виктор Толочко
Валанцёры збіраюць гуманітарную дапамогу для Данбаса
5/6
© Sputnik / Виктор Толочко
Валанцёры збіраюць гуманітарную дапамогу для Данбаса
6/6
© Sputnik / Виктор Толочко
Гуманітарная дапамога для Данбаса
1/6
© Sputnik / Виктор Толочко
Гуманітарная дапамога для Данбаса
2/6
© Sputnik / Виктор Толочко
Гуманітарная дапамога для Данбаса
3/6
© Sputnik / Виктор Толочко
Валанцёры збіраюць гуманітарную дапамогу для Данбаса
4/6
© Sputnik / Виктор Толочко
Валанцёры збіраюць гуманітарную дапамогу для Данбаса
5/6
© Sputnik / Виктор Толочко
Валанцёры збіраюць гуманітарную дапамогу для Данбаса
6/6
© Sputnik / Виктор Толочко
Гуманітарная дапамога для Данбаса
Гуманітарную дапамогу, якую збіралі ва ўсіх рэгіёнах краіны, даставяць тым, каму яна так неабходна ў Данбасе ўжо ў канцы студзеня-пачатку лютага – у першую чаргу дзецям.
"Кінулі вялікі кліч аб дапамозе. Далучыліся не толькі прадпрыемствы, але і школы, бальніцы, прыватныя асобы. Людзі проста цікавіліся, куды можна прынесці штосьці, і неслі ўсё", - распавядае намеснік старшыні РГА "Белая Русь" Андрэй Басак.
Паводле яго слоў, шэрагі грамадскага аб’яднання налічваюць больш за 230 тысяч чалавек, і калі не кожны, то пераважная большасць яго членаў унесла свой маленькі ўклад.
Намеснік старшыні РГА "Белая Русь" Андрэй Басак
© Sputnik / Виктор Толочко
"Дзеці не вінаватыя, яны павінны жыць пад мірным небам, павінны развівацца і радавацца жыццю. Мы ведаем, што ў тых раёнах, куды гэта дапамога накіроўваецца, дзеці ў ёй вельмі маюць патрэбу. Яны часта пакутуюць, і мы хочам аблягчыць жыццё гэтым дзецям", - адзначае субяседнік.
Тушонка, згушчанка, памперсы
Цэнтралізаваным месцам збору гуманітарнай дапамогі з надпісам "для Данбаса" стала тэрыторыя сталічнага Рускага дома на Ракаўскай. Сюды ўжо даставілі каробкі з харчаваннем і не толькі з усяго Мінска, Мінскай і Гомельскай абласцей.
На нашых вачах прыехалі яшчэ дзве машыны з Брэсцкай вобласці, якія прывезлі 7 тон тавараў першай неабходнасці.
Валанцёры разгружаюць фуры з гумдапамогай для Данбаса
© Sputnik / Виктор Толочко
Валанцёры, якія дапамагаюць сартаваць прадукцыю, аператыўна сталі ў ланцужок і сталі падаваць адзін аднаму цяжкія каробкі. А ў іх – тушонка, згушчанка, крупы, паштэты, сокі, сушкі, сухарыкі, цукеркі, шакаладкі, кансерваваная прадукцыя, соль, цукар, спецыі, памперсы і шмат чаго іншага.
"Закуплены інвалідныя крэслы – іх каля 30 штук, падушачкі і коўдры для нованароджаных, дзіцячыя каляскі, памперсы, сродкі гігіены, медыцынскія, канцылярскія, спартыўныя тавары – тое, што неабходна цяпер дзецям і чаго яны пазбаўлены", - канстатуе намеснік кіраўніка "Белай Русі" .
Кіраўнік Рускага дома ў Мінску Юрый Макушын у сваю чаргу падкрэсліў, што беларусы не засталіся абыякавымі да таго, што адбываецца ў Данбасе, і тых нягод, якія закранулі літаральна кожнага яго жыхара.
Кіраўнік беларускага прадстаўніцтва Рассупрацоўніцтва Юрый Макушын
© Sputnik / Виктор Толочко
"Акцыя атрымала сапраўды ўсерэспубліканскі маштаб, і людзі ва ўсіх рэгіёнах сабралі вельмі вялікую колькасць гуманітарнай дапамогі, якая ў бліжэйшы час адправіцца ў Данбас", - адзначыў ён.
Мінск – Масква – Растоў-на-Доне – Данбас
Дастаўляць груз будуць супрацоўнікі і валанцёры аўтаномнай некамерцыйнай арганізацыі "Русская гуманитарная миссия". Для гэтых мэт задзейнічаюць як мінімум шэсць фур. З Мінска каробкі з гумадапамогай спачатку пераедуць у Маскву, дзе іх старанна адсартуюць. Пасля чаго – у Растоў-на-Доне, а далей груз развязуць па населеных пунктах ДНР, ЛНР, Херсонскай і Запарожскай абласцей.
Яўген Фядзішаў – супрацоўнік "Русской гуманитарной миссии", яго каманда ездзіць у Данбас з пачатку спецыяльнай ваеннай аперацыі, працуе і ў іншых гарачых кропках. За плячамі – Сірыя, краіны Лацінскай Амерыкі, Блізкі Усход, Цэнтральная і Сярэдняя Азія, Усходняя Еўропа, Каўказ.
Намеснік гендырэктара "Русской гуманитарной миссии" (РГМ) па лагістыцы і забеспячэнні Яўген Фядзішаў
© Sputnik / Виктор Толочко
"Русская гуманитарная миссия" з сакавіка 2022 года актыўна дастаўляе гуманітарныя грузы ў Данбас. За гэты перыяд мы даставілі каля 4 тысяч тон гуманітарнай дапамогі. У снежні 2023 года да нас звярнулася грамадскае аб’яднанне "Белая Русь". І тут у Мінску сумесна з Рускім домам рабяты прарабілі вялікую працу – сабралі вялікую колькасць гуманітарнай дапамогі, якую вельмі чакаюць у Данбасе", - кажа намеснік гендырэктара Рускай гуманітарнай місіі па лагістыцы і забеспячэнні Яўген Фядзішаў.
У сераду, 24 студзеня, з Мінска ў Маскву будуць адпраўлены першыя 10 тон грузу. Праз два дні яшчэ адна фура павязе груз у Растоў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
