Ехалі за 200 кіламетраў: як у Гомелі выбіраюць прэзідэнта Расіі
16:10 17.03.2024 (абноўлена: 09:36 18.03.2024)
© Sputnik / Татьяна Федоренко
Падпісацца
У абласным цэнтры галасуюць з самай раніцы. Сваю грамадзянскую пазіцыю ўжо выказалі некалькі соцень чалавек. Многія прыехалі здалёк спецыяльна, каб аддаць свой голас за кандыдата.
З якім настроем прыходзяць людзі на выбарчы ўчастак, чаго чакаюць і якім бачаць лідара Расіі? Пра гэта – у фотарэпартажы Sputnik з участку для галасавання ў Гомелі.
Выбарчы ўчастак для галасавання ў Гомелі
© Sputnik / Татьяна Федоренко
Галасаванне ў Гомельскай вобласці арганізавана ў Расійскім Цэнтры навукі і культуры па адрасе: вуліца 50 год БССР, 7. Участак адкрыты з 8:00 да 20:00. Галасуюць грамадзяне РФ, якія пражываюць ці знаходзяцца на тэрыторыі Беларусі. Пры сабе дастаткова мець агульнаграмадзянскі замежны пашпарт ці ўнутраны.
© Sputnik / Татьяна Федоренко
Сям’я з Ельска пераадолела амаль 200 кіламетраў, каб аддаць голас за свайго кандыдата. Галасаваў кіраўнік сям’і Віктар Івановіч, група падтрымкі – жонка, дачка і ўнучка. Муж, са слоў жонкі, свайму прэзідэнту давярае.
"Муж – сапраўдны патрыёт, падняў сям’ю з самай раніцы і сказаў: едзем галасаваць за свайго прэзідэнта. Чамусьці ён яму давярае, мы спадзяемся, што яго кандыдат пройдзе. Ён верыць у яго цалкам і акрамя гэтага кандыдата нікога не бачыць. Нягледзячы на доўгую дарогу рады, што выказалі грамадзянскую пазіцыю", - дзеліцца Людміла Шаўчэнка.
Віктар Шаўчэнка – сапраўдны патрыёт, пераадолеў з сям'ёй амаль 200 кіламетраў
© Sputnik / Татьяна Федоренко
У гэты час падыходзіць муж Віктар Івановіч. На твары ўсмешка і палягчэнне – зараз і яго голас можа паўплываць на далейшы лёс Расіі.
Непадалёк эфектна ўляцела на выбарчы ўчастак Любоў Раманаўна Жукава са сваім гадаванцам Дзімонам. Яна яшчэ на стары манер гаворыць Ленінград замест Санкт-Пецярбурга: ёй так больш звыкла і родна. Там яна нарадзілася, але пасля смерці бацькоў засталася жыць у Беларусі.
Любоў Жукава прыйшла галасаваць са сваім гадаванцам Дзімонам
© Sputnik / Татьяна Федоренко
"Галасую за светлую будучыню, за добрае жыццё, за мір і перамогу, за ўсё добрае", - з усмешкай на твары кажа выбаршчыца з любімым гадаванцам на руках.
82-гадовая Анастасія Малашэнка галасуе не першы раз, у кандыдаце ўпэўнена
© Sputnik / Татьяна Федоренко
Пенсіянерцы Настассі Малашэнка 82 гады, кажа, што прыйшла прагаласаваць за мір і перамогу. З Навазыбкава яе 17 гадоў таму забралі ў Беларусь дзеці. Розніцы паміж беларусамі і расіянамі яна не бачыць, мяркуе, што ўсе мы браты.
Прадпрымальнік з Гомеля галасуе за стабільнасць і мір
© Sputnik / Татьяна Федоренко
"За мір!" - апускаючы бюлетэнь у скрыню, кажа прадпрымальнік Дзмітрый Пасвалюк. У Гомель ён пераехаў з Санкт-Пецярбурга пасля ўніверсітэта, наладзіў бізнес і час ад часу прыязджае на радзіму.
У Жанны Гулеўскай галасаванне заняло некалькі секунд. Жанчына патлумачыла, што выбар зрабіла даўно
© Sputnik / Татьяна Федоренко
Усяго некалькі секунд у адной з кабінак у колерах трыкалора – і выбар зроблены. На пытанне, чаму так хутка, Жанна Гулеўская патлумачыла: "Дык выбар зрабілі ўжо даўно, заставалася толькі задакументаваць". Раней яна жыла ў Нарыльску Краснаярскага краю, у Гомель жанчыну занесла па жыццёвых абставінах.
© Sputnik / Татьяна Федоренко
Старшыня ўчастковай выбарчай камісіі ў Гомелі Вадзім Сцепанюк адзначае вялікую актыўнасць насельніцтва, паводле яго слоў, ужо з самай раніцы было шматлюдна і нават утварыліся невялікія чэргі, нягледзячы на тое, што месцаў для прыёму галасуючых дастаткова.
Галасаванне на выбарах прэзідэнта РФ у Гомелі
© Sputnik / Татьяна Федоренко
Прыходзяць цэлымі сем’ямі, нават з груднымі дзецьмі на руках. Былі і прадстаўнікі акцёрскай дынастыі: самі муж і жонка грамадзяне Расіі, але служаць ужо некалькі дзесяцігоддзяў у Гомельскім абласным драмтэатры. З Мазыра прыехаў аўтобус з супрацоўнікамі аднаго з прадпрыемстваў, якія з’яўляюцца грамадзянамі РФ.
Старшыня ўчастковай выбарчай камісіі ў Гомелі Вадзім Сцепанюк
© Sputnik / Татьяна Федоренко
"Я лічу, што людзі разумеюць, што ад іх выбару залежыць іх будучыня, і многія, з кім я размаўляў на ўчастку, гэта пацвярджаюць. Людзі прыходзяць сюды выказаць сваю грамадзянскую пазіцыю, падтрымаць свайго кандыдата, хто гэта? Даведаемся, калі будзем падлічваць бюлетэні. Людзі, зацікаўленыя ў лёсе сваёй гістарычнай Радзімы, прыходзяць выказаць сваю пазіцыю. Мы галасуем за сваю будучыню", - падкрэсліў старшыня ўчастковай выбарчай камісіі ў Гомелі Вадзім Сцепанюк.
© Sputnik / Татьяна Федоренко
Назіральнік на выбарах прэзідэнта Расіі ў Гомелі Алена Шацько адзначыла добрую арганізацыю ўчастка для галасавання.
Галасаванне на выбарах прэзідэнта РФ у Гомелі
© Sputnik / Татьяна Федоренко
"Я тут з самай раніцы, усё арганізавана дакладна. Вялікая камісія дазваляе не ствараць чэрг, усіх прымаюць аператыўна. Прыемна, што людзі каменціруюць свой прыход і гавораць, што па-іншаму нельга, усе нацэлены на мір і дабрабыт краіны", - адзначыў назіральнік.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
