https://bel.sputnik.by/20240414/mnpratsy-u-belarus-prazhyvae-kalya-11-tys-veterana-vav-1085327363.html
Мінпрацы: у Беларусі пражывае каля 1,1 тыс ветэранаў ВАВ
Мінпрацы: у Беларусі пражывае каля 1,1 тыс ветэранаў ВАВ
Sputnik Беларусь
Больш за 10,5 млн рублёў будзе выдаткавана з бюджэту сёлета на выплаты ветэранам і іншым аналагічным катэгорыям людзей. 14.04.2024, Sputnik Беларусь
2024-04-14T10:49+0300
2024-04-14T10:49+0300
2024-05-06T16:41+0300
вялікая айчынная вайна
ветэраны
сацвыплаты
навіны
9 мая
грамадства
міністэрства працы і сацыяльнай абароны рэспублікі беларусь
у беларусі
беларусь
дзень перамогі
https://cdnn11.img.sputnik.by/img/07e7/05/09/1075343826_0:94:1800:1107_1920x0_80_0_0_64803a5f8333f3f3f006e121272197c6.jpg
МІНСК, 14 кра – Sputnik. Узрост большасці ветэранаў Вялікай Айчыннай вайны (ВАВ) наблізіўся да стогадовага, паведаміла начальнік галоўнага ўпраўлення сацыяльнага абслугоўвання і сацыяльнай дапамогі Мінпрацы і сацабароны Беларусі Кацярына Каляда, перадае карэспандэнт Sputnik Беларусь.Па словах Каляды, цяпер у краіне пражываюць каля 1 100 ветэранаў ВАВ.У сваю чаргу намеснік старшыні камітэта па працы, занятасці і сацабароне Мінгарвыканкама Вольга Васілеўская ўдакладніла, што 370 ветэранаў жыве ў Мінску."Вядома гэта зона асаблівай увагі мясцовых органаў улады і нашых сацыяльных службаў", - падкрэсліла яна.Раней паведамлялася, што сёлета для ветэранаў ВАВ і шэрага іншых такіх катэгорый прадугледжаны грашовыя выплаты. Па рашэнні беларускага ўрада грошы пералічаць з 25 красавіка па 4 мая, іх памер складзе ад адной тысячы да чатырох тысяч беларускіх рублёў. Сумы павялічаны ў параўнанні з мінулым годам – тады было ад 850 да 2 тысяч рублёў.Так, інваліды і ўдзельнікі вайны атрымаюць незадоўга да Дня Перамогі па чатыры тысячы рублёў. Такая ж сума належыць і тым, хто ўдзельнічаў "у баявых дзеяннях па абароне Айчыны да 3 верасня 1945 года" (вайна з Японіяй).Робяцца выплаты (па дзве тысячы рублёў) і тым, хто ўзнагароджаны ордэнамі або медалямі СССР за самаадданую працу і бездакорную воінскую службу ў тыле. Грошы дадуць і шэрагу іншых сацыяльных катэгорый.Каляда дадала, што ветэраны і ўдзельнікі вайны таксама маюць розныя льготы. У тым ліку больш за 330 чалавек атрымліваюць сацыяльныя паслугі дома.Акрамя таго, яны атрымліваюць розныя даплаты і надбаўкі да пенсіі. Звычайна гэта каля 600 рублёў і ў сярэднім пенсія за красавік у гэтай катэгорыі больш за 1 200 рублёў. Ёсць і выплаты на аздараўленне – па 10 базавых велічынь (400 рублёў).>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
https://bel.sputnik.by/20240223/brestskuyu-krepasts-khochuts-uklyuchyts-u-spsak-susvetnay-spadchyny-yuneska-1083895096.html
беларусь
Sputnik Беларусь
media@sputniknews.com
+74956456601
MIA „Rossiya Segodnya“
2024
Sputnik Беларусь
media@sputniknews.com
+74956456601
MIA „Rossiya Segodnya“
Навіны
ru_BY
Sputnik Беларусь
media@sputniknews.com
+74956456601
MIA „Rossiya Segodnya“
Sputnik Беларусь
media@sputniknews.com
+74956456601
MIA „Rossiya Segodnya“
вялікая айчынная вайна, ветэраны, сацвыплаты, навіны , 9 мая, грамадства, міністэрства працы і сацыяльнай абароны рэспублікі беларусь, у беларусі, беларусь
вялікая айчынная вайна, ветэраны, сацвыплаты, навіны , 9 мая, грамадства, міністэрства працы і сацыяльнай абароны рэспублікі беларусь, у беларусі, беларусь
Мінпрацы: у Беларусі пражывае каля 1,1 тыс ветэранаў ВАВ
10:49 14.04.2024 (абноўлена: 16:41 06.05.2024) Больш за 10,5 млн рублёў будзе выдаткавана з бюджэту сёлета на выплаты ветэранам і іншым аналагічным катэгорыям людзей.
МІНСК, 14 кра – Sputnik. Узрост большасці ветэранаў Вялікай Айчыннай вайны (ВАВ) наблізіўся да стогадовага, паведаміла начальнік галоўнага ўпраўлення сацыяльнага абслугоўвання і сацыяльнай дапамогі Мінпрацы і сацабароны Беларусі Кацярына Каляда, перадае карэспандэнт Sputnik Беларусь.
"На выплаты (ветэранам і іншым сацкатэгорыям - Sputnik) будзе выдзелена больш за 10,5 млн рублёў", - дадала прадстаўнік Мінпрацы.
Па словах Каляды, цяпер у краіне пражываюць каля 1 100 ветэранаў ВАВ.
У сваю чаргу намеснік старшыні камітэта па працы, занятасці і сацабароне Мінгарвыканкама Вольга Васілеўская ўдакладніла, што 370 ветэранаў жыве ў Мінску.
"Вядома гэта зона асаблівай увагі мясцовых органаў улады і нашых сацыяльных службаў", - падкрэсліла яна.
Раней паведамлялася, што сёлета для ветэранаў ВАВ і шэрага іншых такіх катэгорый прадугледжаны грашовыя выплаты. Па рашэнні беларускага ўрада грошы пералічаць з 25 красавіка па 4 мая, іх памер складзе ад адной тысячы да чатырох тысяч беларускіх рублёў. Сумы павялічаны ў параўнанні з мінулым годам – тады было ад 850 да 2 тысяч рублёў.
Так, інваліды і ўдзельнікі вайны атрымаюць незадоўга да Дня Перамогі па чатыры тысячы рублёў. Такая ж сума належыць і тым, хто ўдзельнічаў "у баявых дзеяннях па абароне Айчыны да 3 верасня 1945 года" (вайна з Японіяй).
Робяцца выплаты (па дзве тысячы рублёў) і тым, хто ўзнагароджаны ордэнамі або медалямі СССР за самаадданую працу і бездакорную воінскую службу ў тыле. Грошы дадуць і шэрагу іншых сацыяльных катэгорый.
Каляда дадала, што ветэраны і ўдзельнікі вайны таксама маюць розныя льготы. У тым ліку больш за 330 чалавек атрымліваюць сацыяльныя паслугі дома.
Акрамя таго, яны атрымліваюць розныя даплаты і надбаўкі да пенсіі. Звычайна гэта каля 600 рублёў і ў сярэднім пенсія за красавік у гэтай катэгорыі больш за 1 200 рублёў. Ёсць і выплаты на аздараўленне – па 10 базавых велічынь (400 рублёў).
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте" 
