Галоўныя сакрэты антыквара: як не памыліцца з выбарам рарытэтнай ювеліркі
© Sputnik / Виктор Толочко
Падпісацца
Эксклюзіў
Каштоўнасці і ўпрыгажэнні з гісторыяй заўсёды прыцягваюць знатакоў прыгожага, але іх купля можа стаць сапраўдным расчараваннем, як не папасціся на біжутэрыю, даведаліся ў прафесіянала.
Купля антыкварных ювелірных вырабаў заўсёды было добрым укладаннем грошай: ва ўсім свеце антыкварыят з кожным годам толькі дадае ў цане. Беларусь не можа пахваліцца насычаным рынкам рарытэтных вырабаў, але сапраўдны антыкварыят можна набыць і ў нас.
Праўда, самыя цікавыя штучкі накіроўваюцца ў Маскву, таму што, як сказала карэспандэнту Sputnik дырэктар ТДА "Антыквар" Святлана Алейнікава, людзі разумеюць, што за вялікія грошы рэч могуць купіць толькі расіяне.
Дух эпохі
Адчуць дыханне мінулай эпохі, якая знікла зусім нядаўна, можна ў самым цэнтры беларускай сталіцы, проста зазірнуўшы ў антыкварную краму. Разглядаючы рэчы, якія яшчэ не так даўно ўпрыгожвалі побыт савецкіх людзей, разумееш, што гісторыя бывае і матэрыяльнай – яе можна ўзяць у рукі.
© Sputnik / Виктор Толочко
У краіне, дзе ў космас ляталі людзі з самымі шчырымі ўсмешкамі, як бы хто ні казаў, грамадзяне разумелі і ў эстэтыцы, і ў стылі. Савецкі гадзіннік у залатым корпусе – гэта не толькі і не проста ювелірны выраб, гэта вяршыня гадзіннікавага мастацтва.
© Sputnik / Виктор Толочко
Праверылі на сабе – наручны гадзіннік у антыкварным не проста ўпрыгожваюць стойку, але яшчэ і час паказвае дакладны, а ён, на хвіліначку, выкананы ў мініяцюры, таму што павінен насіцца на далікатным жаночым запясці.
© Sputnik / Виктор Толочко
Турысты, якія гуляюць па галоўным праспекце Мінска, зазіраюць не без цікавасці ў антыкварны, і перш за ўсё іх погляд падае на фарфор. Калекцыйныя наборы не толькі па-майстэрску выкананы, але і распісаны з вытанчанасцю, якая не ўласціва цяперашняй спажывецкай культуры мінімалізму.
© Sputnik / Виктор Толочко
Ювелірныя ўпрыгажэнні з каштоўнымі камянямі займаюць ганаровае цэнтральнае месца ў выставачным павільёне. Гэта і кольцы, і ланцужкі, і, вядома, завушніцы. Праўда, тут на адно пачуццё ўласнага густу спадзявацца не даводзіцца. Слова – прафесіяналам.
Савецкае золата
"У масквічоў грошай больш, і яны могуць дазволіць сабе купіць вельмі дарагія рэчы. Беларусам складана вырашыцца на куплю дарагіх прадметаў, таму не заўсёды, але часам купляюць", - адзначыла дырэктар ТДА "Антыквар".
Дырэктар ТДА "Антыквар" Святлана Алейнікава
© Sputnik / Виктор Толочко
Цяпер у беларусаў вялікай папулярнасцю карыстаюцца старыя савецкія ювелірныя вырабы. І гэта не проста ланцужок, кальцо з чырвоным каменьчыкам або бранзалецік, гаворка ідзе пра па-сапраўднаму цікавыя рэчы.
Прафесійны антыквар ведае, пра што гаворыць, добра што за плячамі больш за 30 гадоў вопыту. Старое савецкае золата, паводле яе слоў, выклікае большую цікавасць, чым сучасны імпарт. Савецкія вырабы 750-й пробы са ўстаўкамі з каштоўных камянёў сапраўды вельмі цікавыя, хоць тут пэўную ролю, вядома, яшчэ іграе і настальгія.
© Sputnik / Виктор Толочко
"Такія вырабы са смарагдамі і брыльянтамі ў нас купляюць адразу", - падкрэсліла Святлана Алейнікава.
Ювелірная формула
Цана на ювелірныя вырабы – гэта заўсёды кампраміс паміж жаданнем прадаўца і меркаваннем спецыяліста антыкварнай крамы. Кошт ювелірнага выраба – гэта сапраўдная формула, якая складаецца з мноства складальнікаў.
Антыквары ў першую чаргу звяртаюць увагу на вагу ўпрыгажэння, затым ідзе проба (750-я даражэй, 583-я танней, 375-я яшчэ танней) плюсам да цаны будзе ювелірная ўстаўка.
© Sputnik / Виктор Толочко
Гемолаг выстаўляе характарыстыкі, і гэта дазваляе вызначыць кошт каштоўнага каменя ў залежнасці ад яго вагі, чысціні, агранкі і віду.
За апошні месяц самы дарагі выраб, прададзены ў антыкварнай краме, каштаваў 10 тыс беларускіх рублёў (3 135 долараў, ці 285 тысяч расійскіх рублёў).
"Гэта было старое савецкае кальцо са ўстаўкай з брыльянта са смарагдам", - удакладніла Святлана Алейнікава.
© Sputnik / Виктор Толочко
Раней асноўнымі пакупнікамі антыкварных ювелірных вырабаў у Мінску былі расіяне, якія прыязджалі ў беларускія санаторыі і падчас прагулак па сталіцы проста заходзілі ў антыкварныя крамы.
"Цяпер яны таксама заходзяць да нас у краму, але ўжо не купляюць так, як гэта было раней. Цяпер купляюць менш. Рускія зараз больш прадукты нашы купляюць", - пажартавала антыквар.
© Sputnik / Виктор Толочко
Сайты аб’яў
Цяпер усё больш пакупак людзі робяць у інтэрнэце, і гэтая тэндэнцыя натуральным чынам распаўсюджваецца і на ювелірныя вырабы. Людзі купляюць на адкрытых не спецыялізаваных аўкцыённых пляцоўках каштоўнасці, нават толкам не разгледзеўшы іх і не ацаніўшы.
"У нас ёсць ужо выпадкі, калі людзі купілі ў інтэрнэце ўпрыгажэнні і вырашылі іх здаць у антыкварную краму. Нядаўна так прынеслі кальцо з брыльянцікам. Бярэ яго гемолаг у рукі і кажа, а ў вас не брыльянт. Як не брыльянт? Вось так", - апісала сітуацыю Святлана Алейнікава.
Спецыяліст канстатавала: каб рабіць такія пакупкі на сайтах аб’яў, трэба або самому разбірацца ў ювелірнай справе, або прыцягваць прафесійнага ацэншчыка.
Справа ў тым, што вырабы на такіх сайтах могуць быць з дэфектамі, якія не бачны на здымках, камяні могуць быць склеены, і гэта не бачна без спецыяльнага абсталявання.
Купляйце беларускае
"Людзі, якія хочуць сапраўды добрую рэч, прыйдуць у антыкварны, возьмуць яе ў рукі і паглядзяць. Па-першае, калі ёсць дэфекты – гэта адразу пазначана. Усе пробы пацвярджаюцца, а камяні ацэньваюцца гемолагам", - звярнула ўвагу антыквар.
© Sputnik / Виктор Толочко
Цяпер у Беларусі, каб прадаць любы ювелірны выраб з каштоўных металаў, набыты за мяжой, неабходна пацвердзіць спачатку яго якасць у інспекцыі прабірнага нагляду на Мяснікова, 74.
"У інтэрнэце дзяўчына купіла гарнітур са срэбра, але потым перадумала насіць. Аднесла яго ў прабірную інспекцыю, і аказалася, што гэта нават не срэбра. Свой гарнітур яна здала нам ужо як біжутэрыю", - канстатавала дырэктар ТДА "Антыквар".
Падобныя гісторыі адбываюцца і з людзьмі, якія купляюць золата ў Эміратах. На Усходзе любяць высакапробнае золата. Але ў Беларусі 900-я проба не атрымлівае пацвярджэння, і вырабам выстаўляюць як правіла толькі 750-ю. Раней было папулярным вазіць легкаважнае золата з Польшчы, і яго проба таксама далёка не заўсёды пацвярджаецца.
© Sputnik / Виктор Толочко
У антыкварнай краме, дзе ёсць свае спецыялісты і рэактывы для праверак каштоўных вырабаў, не страшна, а купля з рук ці на сайце аб’яў можа прывесці да самай нечаканай і далёка не прыемнай развязкі.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
