Як галасуюць на самым спартыўным і вядомым выбарчым участку Беларусі
© Sputnik / Виктор Толочко
Падпісацца
Эксклюзіў
У Беларусі 21 студзеня пачалося датэрміновае галасаванне на прэзідэнцкіх выбарах, Sputnik пабываў на самым вядомым выбарчым участку краіны, дзе ў асноўны дзень выбараў галасуе прэзідэнт Беларусі Аляксандр Лукашэнка.
Датэрміновае галасаванне на прэзідэнцкіх выбарах Беларусі пачалося роўна апоўдні 21 студзеня, па ўсёй краіне адкрыліся больш за 5,3 тыс выбарчых участкаў. Sputnik паглядзеў, як адкрыўся для датэрміновага галасавання не толькі самы вядомы, але і самы спартыўны ўчастак для галасавання.
Участак №478 ужо больш за 20 гадоў размяшчаецца ў БДУФК, дзе рыхтуюць кадры для айчыннага спорту і турызму. Галасаваць на ўчастак выбаршчыкі – студэнты ўніверсітэта і грамадзяне, якія да яго прыпісаны, – прыйшлі загадзя. Роўна ў 12:00 старшыня выбарчай камісіі на ўчастку №478 Аляксей Гататулін апячатаў скрыню для бюлетэняў у прысутнасці членаў выбарчай камісіі, назіральнікаў, якія пераканаліся, што скрыня пустая.
"З першых хвілін пачатку датэрміновага галасавання на ўчастак прыйшла вялікая колькасць выбаршчыкаў. Яны рэгіструюцца, атрымліваюць бюлетэні, галасуюць. Кабіны для галасавання падрыхтаваны, ёсць інклюзіўная кабіна для людзей з абмежаванымі магчымасцямі", - расказвае старшыня камісіі.
Датэрміновае галасаванне ў Мінску
© Sputnik / Виктор Толочко
Паводле яго слоў, сёлета ўсім маладым грамадзянам краіны, якія галасуюць упершыню, уручаюцца кнігі "Сімвалы сучаснай Беларусі".
Усім маладым грамадзянам краіны, якія галасуюць упершыню, уручаюцца кнігі "Сімвалы сучаснай Беларусі"
© Sputnik / Виктор Толочко
Адказваючы на пытанне аб тым, чым адрозніваецца ад усіх астатніх гэты ўчастак, на якім у асноўны дзень выбараў галасуе кіраўнік дзяржавы, старшыня камісіі адзначыў, што гэта звычайны ўчастак, да якога прыпісана больш за 2 тысячы грамадзян Беларусі, якія маюць права выбарчага голасу.
"Адзінае адрозненне – гэта тое, што на нашым участку галасуе шмат маладых спартсменаў – гэта студэнты нашай ВНУ. А ў астатнім – такі ж участак, як мноства іншых", - растлумачыў субяседнік агенцтва.
Самы першы выбаршчык
Хаця на гэтым выбарчым участку галасуюць у асноўным студэнты-спартсмены, першым выбаршчыкам, які прагаласаваў, стала Ганна Полісава, выкладчык Мінскага гарадскога музычнага каледжа імя М.І. Глінкі.
Ганна Полісава стала першым выбаршчыкам, які прагаласаваў на гэтым участку
© Sputnik / Виктор Толочко
"Прыйшла да 12:00, каб аддаць свой голас. Я выканала свой грамадзянскі абавязак, прагаласавала датэрмінова. Таму што ў асноўны дзень галасавання буду сама працаваць у выбарчай камісіі", - распавяла яна.
Члены выбарчай камісіі
© Sputnik / Виктор Толочко
На ўчастку знаходзяцца назіральнікі, якія манітораць ход датэрміновага галасавання.
Назіральнік ад Федэрацыі прафсаюзаў Беларусі Ілья
© Sputnik / Виктор Толочко
"Датэрміновае галасаванне праходзіць у рамках заканадаўства, усё на вышэйшым узроўні, выбарчая камісія працуе па штатным раскладзе, участак адкрыўся своечасова. У першыя хвіліны прыйшла вялікая колькасць выбаршчыкаў, каб прагаласаваць", - распавёў Sputnik назіральнік ад Федэрацыі прафсаюзаў Беларусі Ілья.
Без абеду
Выбарчыя ўчасткі падчас датэрміновага галасавання, якое працягнецца да 25 студзеня ўключна, будуць працаваць з 12:00 да 19:00 без перапынку на абед.
© Sputnik / Виктор Толочко
Як і на ўсіх іншых выбарчых участках Беларусі, тут ёсць трафарэты для таго, каб можна было прагаласаваць людзям са слабым зрокам. А для людзей з абмежаванымі магчымасцямі прадугледжана спецыяльная кабіна для галасавання, да якой можна пад’ехаць на калясцы.
Трафарэт і лупа для выбаршчыкаў са слабым зрокам
© Sputnik / Виктор Толочко
У асноўны дзень галасавання на ўчастку замест адной празрыстай скрыні для галасавання ўстановяць дзве.
© Sputnik / Виктор Толочко
Сёння пасля 20:00 ЦВК Беларусі паведаміць даныя аб тым, колькі выбаршчыкаў апусцілі бюлетэні ў скрыні ў першы дзень датэрміновага галасавання.
© Sputnik / Виктор Толочко
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
