https://bel.sputnik.by/20250213/kubk-tsukru-rafnadu-rekordnaga-pameru-zrabl--belarus-1093610169.html
Кубік цукру-рафінаду рэкорднага памеру зрабілі ў Беларусі
Кубік цукру-рафінаду рэкорднага памеру зрабілі ў Беларусі
Sputnik Беларусь
Галоўны тэхнолаг аднаго з беларускіх цукровых камбінатаў расказаў, як на прадпрыемстве рабілі гіганцкі рафінад. 13.02.2025, Sputnik Беларусь
2025-02-13T17:52+0300
2025-02-13T17:52+0300
2025-02-13T17:52+0300
sputnik беларусь
мультымедыйны прэс-цэнтр sputnik беларусь
цукар
рэкорды
харчаванне
прадукты харчавання
навіны
эканоміка
у беларусі
беларусь
https://cdnn11.img.sputnik.by/img/07e8/0a/0f/1090312642_0:160:3072:1888_1920x0_80_0_0_706dc0aba9dfd66e48c01d49934fcf9c.jpg
МІНСК, 13 лют – Sputnik. Для вырабу рэкорднага па велічыні кубіка рафінаду прыйшлося выкарыстоўваць цукровую "тынкоўку", расказаў галоўны тэхнолаг ААТ "Гарадзейскі цукровы камбінат" Юрый Хмелінка на прэс-канферэнцыі ў мультымедыйным прэс-цэнтры Sputnik Беларусь.Вага атрыманага кавалка рафінаду аказалася 135 кг. Як растлумачыў Хмелінка, да гэтага ўдалося вырабіць і самы маленькі кубік цукру вагой каля трох грамаў."Прыйшла ідэя зрабіць адзін вялікі кубік адразу. Вядома, мы хацелі зрабіць куб – метр на метр… Але потым падумалі, што гэта крыху праблематычна. Гэта ўсё ўручную давядзецца рабіць. Яго трэба яшчэ і ўвільгатніць, і высушыць у пэўным тэмпературным рэжыме", - расказаў галоўны тэхнолаг.Ён растлумачыў, што трэба дакладна вытрымаць тэмпературны рэжым пры сушцы. Куб цукру не павінен разваліцца. Неабходна таксама захаваць яго грані і колер. У выніку было вырашана зрабіць куб у два разы меншым.Для гэтага заказалі адмысловую форму. Куб з яе дапамогай рабілі два чалавекі – начальнік вытворчасці і галоўны тэхнолаг. Цукар засыпалі ў форму яшчэ гарачым. Яго ўвільгатнялі і ўкладвалі пласт за пластом. Затым сушылі каля двух тыдняў, і аказалася, што ўся вада пайшла на дно формы."У выніку мы гэты цукар потым перавярнулі, яшчэ дасушвалі тыдзень… Потым былі яшчэ, гэтак кажучы, "тынкавальныя" працы і "малярныя". Гэта значыць, мы зачышчалі яго, шліфавалі акуратна", - дадаў прадстаўнік камбіната.Хмелінка патлумачыў, што ў якасці "тынкоўкі" выкарыстоўвалі цукровыя сіроп і пудру. Гэта значыць куб зроблены цалкам з натуральнай сыравіны і прыдатны для ўжывання ў ежу. Пакуль што яго вырашылі ўстанавіць на бачным месцы на ўваходзе на прадпрыемства.Камбінат паставіў яшчэ адзін рэкорд – па аб’ёме выпушчанай прадукцыі. У 2024 годзе сезон перапрацоўкі аказаўся доўгім з-за вялікага ўраджаю цукровых буракоў, хоць умовы надвор’я былі часам складаныя для гэтай культуры. "Тым не менш, мы атрымалі добры аб’ём – каля 1,5 млн тон цукровых буракоў. Такога таксама ніколі не было за 65 гадоў. Гэта рэкорд вырошчвання", - падкрэсліў галоўны тэхнолаг.З такога ўраджаю вырабілі максімальны аб’ём цукру – 191 тысячу тон. Разам з трыма астатнімі цукровымі прадпрыемствамі Беларусі камбінат поўнасцю забяспечвае патрэбнасці рынку. Нямала прадукцыі ідзе і на экспарт у краіны СНД, на азіяцкі і рынак, у Ізраіль. На беларускі цукар атрыманы сертыфікаты халяль і кашэр.Абодва рэкорды ААТ "Гарадзейскі цукровы камбінат" афіцыйна зафіксаваны. Галоўны эксперт нацыянальнага рэестра Кнігі рэкордаў Беларусі Кірыл Шымко ўручыў прадстаўніку прадпрыемства сертыфікаты.Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
https://bel.sputnik.by/20250210/rekordy-belarus-vyalzny-plaleny-syr--pastselnaya-byalzna-z-onam-srebra-1093497683.html
беларусь
Sputnik Беларусь
media@sputniknews.com
+74956456601
MIA „Rossiya Segodnya“
2025
Sputnik Беларусь
media@sputniknews.com
+74956456601
MIA „Rossiya Segodnya“
Навіны
ru_BY
Sputnik Беларусь
media@sputniknews.com
+74956456601
MIA „Rossiya Segodnya“
Sputnik Беларусь
media@sputniknews.com
+74956456601
MIA „Rossiya Segodnya“
sputnik беларусь, мультымедыйны прэс-цэнтр sputnik беларусь, цукар, рэкорды, харчаванне, прадукты харчавання, навіны , эканоміка, у беларусі, беларусь, кірыл шымко
sputnik беларусь, мультымедыйны прэс-цэнтр sputnik беларусь, цукар, рэкорды, харчаванне, прадукты харчавання, навіны , эканоміка, у беларусі, беларусь, кірыл шымко
Кубік цукру-рафінаду рэкорднага памеру зрабілі ў Беларусі
Галоўны тэхнолаг аднаго з беларускіх цукровых камбінатаў расказаў, як на прадпрыемстве рабілі гіганцкі рафінад.
МІНСК, 13 лют – Sputnik. Для вырабу рэкорднага па велічыні кубіка рафінаду прыйшлося выкарыстоўваць цукровую "тынкоўку", расказаў галоўны тэхнолаг ААТ "Гарадзейскі цукровы камбінат" Юрый Хмелінка на
прэс-канферэнцыі ў мультымедыйным прэс-цэнтры Sputnik Беларусь.
Вага атрыманага кавалка рафінаду аказалася 135 кг. Як растлумачыў Хмелінка, да гэтага ўдалося вырабіць і самы маленькі кубік цукру вагой каля трох грамаў.
"Прыйшла ідэя зрабіць адзін вялікі кубік адразу. Вядома, мы хацелі зрабіць куб – метр на метр… Але потым падумалі, што гэта крыху праблематычна. Гэта ўсё ўручную давядзецца рабіць. Яго трэба яшчэ і ўвільгатніць, і высушыць у пэўным тэмпературным рэжыме", - расказаў галоўны тэхнолаг.
Ён растлумачыў, што трэба дакладна вытрымаць тэмпературны рэжым пры сушцы. Куб цукру не павінен разваліцца. Неабходна таксама захаваць яго грані і колер. У выніку было вырашана зрабіць куб у два разы меншым.
Для гэтага заказалі адмысловую форму. Куб з яе дапамогай рабілі два чалавекі – начальнік вытворчасці і галоўны тэхнолаг. Цукар засыпалі ў форму яшчэ гарачым. Яго ўвільгатнялі і ўкладвалі пласт за пластом. Затым сушылі каля двух тыдняў, і аказалася, што ўся вада пайшла на дно формы.
"У выніку мы гэты цукар потым перавярнулі, яшчэ дасушвалі тыдзень… Потым былі яшчэ, гэтак кажучы, "тынкавальныя" працы і "малярныя". Гэта значыць, мы зачышчалі яго, шліфавалі акуратна", - дадаў прадстаўнік камбіната.
Хмелінка патлумачыў, што ў якасці "тынкоўкі" выкарыстоўвалі цукровыя сіроп і пудру. Гэта значыць куб зроблены цалкам з натуральнай сыравіны і прыдатны для ўжывання ў ежу. Пакуль што яго вырашылі ўстанавіць на бачным месцы на ўваходзе на прадпрыемства.
Камбінат паставіў яшчэ адзін рэкорд – па аб’ёме выпушчанай прадукцыі. У 2024 годзе сезон перапрацоўкі аказаўся доўгім з-за вялікага ўраджаю цукровых буракоў, хоць умовы надвор’я былі часам складаныя для гэтай культуры. "Тым не менш, мы атрымалі добры аб’ём – каля 1,5 млн тон цукровых буракоў. Такога таксама ніколі не было за 65 гадоў. Гэта рэкорд вырошчвання", - падкрэсліў галоўны тэхнолаг.
З такога ўраджаю вырабілі максімальны аб’ём цукру – 191 тысячу тон. Разам з трыма астатнімі цукровымі прадпрыемствамі Беларусі камбінат поўнасцю забяспечвае патрэбнасці рынку. Нямала прадукцыі ідзе і на экспарт у краіны СНД, на азіяцкі і рынак, у Ізраіль. На беларускі цукар атрыманы сертыфікаты халяль і кашэр.
Абодва рэкорды ААТ "Гарадзейскі цукровы камбінат" афіцыйна зафіксаваны. Галоўны эксперт нацыянальнага рэестра Кнігі рэкордаў Беларусі Кірыл Шымко ўручыў прадстаўніку прадпрыемства сертыфікаты.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте" 
