Сёмая інаўгурацыя прэзідэнта Лукашэнкі – самыя яркія моманты на відэа
© Sputnik
Падпісацца
Эксклюзіў
Прэзідэнт Беларусі Аляксандр Лукашэнка 25 сакавіка, сёмы раз уступаючы на пасаду кіраўніка дзяржавы, прынёс прысягу і звярнуўся да суграмадзян. Самыя яркія моманты інаўгурацыі глядзіце на відэа.
Традыцыйна цырымонія інаўгурацыі была разлічана па хвілінах – пакуль картэж кіраўніка дзяржавы ў суправаджэнні эскорту з 9 матацыклістаў накіроўваўся па вуліцах Мінска, каля Палаца Незалежнасці і нацыянальнага выставачнага цэнтра на праспекце Пераможцаў завяршаліся фінальныя падрыхтоўкі.
Перад пачаткам цырымоніі ў запрошаных гасцей была магчымасць азнаёміцца з вялікай калекцыяй падарункаў, якія ў розныя гады свайго прэзідэнцтва Аляксандр Лукашэнка атрымліваў ад калег-лідараў і ад гасцей Беларусі.
Сярод гасцей інаўгурацыі – многія вядомыя ў Беларусі персоны, палітыкі, парламентарыі, журналісты, кіраўнікі рэлігійных канфесій, кіраўнікі рэгіёнаў, прадпрыемстваў і арганізацый, а таксама культурныя і грамадскія дзеячы. У прыватнасці, заслужаны артыст краіны Аляксандр Саладуха скарыстаўся магчымасцю выканаць для кіраўніка дзяржавы фрагмент сваёй песні.
На інаўгурацыі прысутнічалі і трое сыноў Аляксандра Лукашэнкі. Малодшы з іх, Мікалай адзначыў, што для яго цяперашняя цырымонія – гэта "адчуванне свята, гонару і выкананага абавязку ў пэўны перыяд часу".
Пасля прыбыцця картэжу беларускі лідар увайшоў у Палац Незалежнасці пад апладысменты прысутных. Тэкст прысягі традыцыйна прагучаў на беларускай мове, пасля чаго кіраўнік ЦВК Ігар Карпенка ўручыў Аляксандру Лукашэнку прэзідэнцкае пасведчанне.
Значная частка інаўгурацыі – размова кіраўніка дзяржавы пасля афіцыйнага ўступлення на пасаду. Лукашэнка гаварыў аб прыярытэтах развіцця краіны на бліжэйшую пяцігодку, ён падзякаваў за падтрымку саратнікаў і звярнуўся да сапернікаў, а таксама адзначыў, што пра беларускую "дыктатуру" марыць паўсвету, і што ён як прэзідэнт краіну і беларускі народ "ніколі не кідаў і не кіне, не здрадзіць і не збяжыць".
Цырымонія інаўгурацыі працягнулася на плошчы Дзяржаўнага сцяга, дзе беларускі лідар паявіўся ў форме галоўнакамандуючага, а ваенныя прынеслі прысягу яму і беларускаму народу.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
