https://bel.sputnik.by/20250423/karatkevch-bulgaka--remark-yakya-kng-chytayuts-belarusy-1095675959.html
Караткевіч, Булгакаў і Рэмарк: якія кнігі чытаюць беларусы
Караткевіч, Булгакаў і Рэмарк: якія кнігі чытаюць беларусы
Sputnik Беларусь
У апошні час адзначаецца рост папулярнасці беларускай літаратуры – у асноўным твораў класікаў. 23.04.2025, Sputnik Беларусь
2025-04-23T14:27+0300
2025-04-23T14:27+0300
2025-04-23T14:27+0300
віктар шніп
беларуская літаратура
літаратура
навіны
грамадства
у беларусі
беларусь
https://cdnn11.img.sputnik.by/img/101722/01/1017220179_0:64:1200:739_1920x0_80_0_0_9a7e566f3936f7cc1f81378d12d30dfb.jpg
Сусветны дзень кнігі і аўтарскага права быў заснаваны ЮНЕСКА ў 1995 годзе і штогод адзначаецца 23 красавіка, што зараз чытаюць беларусы і якім аўтарам аддаюць перавагу, высвятляў Sputnik.Намеснік генеральнага дырэктара ААТ "Белкніга" Інга Бекіш агенцтву распавяла, што сярод самых папулярных беларускіх пісьменнікаў апынуліся класікі – Уладзімір Караткевіч ("Дзікае паляванне караля Стаха", "Каласы пад сярпом тваім", "Чорны замак Альшанскі"), Якуб Колас ("Людзі на балоце"), Максім Багдановіч ("Выбраныя творы" і "Вянок"), а таксама Васіль Быкаў ("Жураўліны крык").Карыстаюцца папулярнасцю ў беларусаў і расійскія пісьменнікі: Міхаіл Булгакаў ("Майстар і Маргарыта"), Фёдар Дастаеўскі ("Злачынства і пакаранне", "Браты Карамазавы"), Аляксандр Пушкін ("Яўген Анегін") і Віктар Пялевін ("Generation P").Сярод кніг, якія найбольш часцей купляюцца, таксама "Спяшайся любіць" Нікаласа Спаркса, "Смутак сатаны" Марыі Карэлі, "Кветкі для Элджэрнона" Дэніела Кіза, "Джэйн Эйр" Шарлоты Бронтэ, "Маленькі прынц" Антуана дэ Сэнт-Экзюперы, "Кафэ на краі зямлі" Джона Стралекі, "Граф Монтэ-Крыста" Аляксандра Дзюма і "Трыумфальная арка" Эрыха Марыі Рэмарка.Паводле яе слоў, самыя папулярныя жанры ў беларускіх чытачоў – раман, дэтэктыў, паэзія, фэнтэзі, фантастыка. Часта людзі цікавяцца кнігамі па самаразвіцці і псіхалогіі.Попыт на беларускую літаратуру расцеНамеснік дырэктара выдавецтва "Мастацкая літаратура" – галоўны рэдактар часопіса "Полымя", пісьменнік Віктар Шніп у сваю чаргу адзначыў, што ў кожнага аўтара ёсць кнігі, якія трэба прачытаць.Шніп удакладніў, што на Міжнароднай кніжнай выставе-кірмашы, якая прайшла ў Мінску, было прадстаўлена мноства кніг, каля 90% з іх – мастацкага жанру, на беларускай мове."Мы бачым, што ў параўнанні з мінулым годам вырас попыт на беларускую літаратуру, у першую чаргу на прозу і паэзію, дзіцячыя кнігі", - паведаміў субяседнік Sputnik, падкрэсліўшы, што гэта гаворыць аб духоўным багацці народа.Папяровыя, электронныя ці аўдыё?Шніп адзначае, што зараз электронныя і аўдыёкніжкі карыстаюцца попытам, і гэта добра, сучасна. У той жа час кніга ў друкаваным варыянце па-ранейшаму застаецца добрым падарункам.Што чытаюць мінчане?Sputnik вырашыў правесці невялікае апытанне, каб высветліць літаратурныя перавагі жыхароў сталіцы."Раней, у маладосці, любіў гістарычную літаратуру, а таксама творы Чэхава і Гогаля. Цяпер вольнага часу мала, але працягваю чытаць, напрыклад, дэтэктывы такіх аўтараў як Лявонаў і Усцінава. Фантастыку яшчэ люблю", - сказаў Рыгор.Мінчанін лічыць сябе прасунутым чытачом: значная частка яго бібліятэкі заўсёды з сабой – у смартфоне."У электронных і аўдыёкнігах мне падабаецца кампактнасць, бо заўсёды можна ў вольную хвіліну паслухаць або пачытаць, у мяне запампавана каля 100 гігабайт такіх кніг", - распавёў мужчына.Сваім меркаваннем падзялілася і Ганна – студэнтка біялагічнага факультэта БДУ. Паводле яе слоў, нягледзячы на нагрузку на вучобе, яна знаходзіць час на чытанне. Яе любімы жанр – навуковая фантастыка, але цікавіцца і іншымі напрамкамі. Апошняя кніга, якую прачытала, – "Шляхціц Завальня, або Беларусь у фантастычных апавяданнях", напісаная класікам беларускай літаратуры Янам Баршчэўскім. Студэнтка аддае перавагу папяровым кнігам, але часам слухае і іх аўдыёверсіі."Калі хочаш учытацца, знайсці нешта цікавае, нейкія дасылкі, то ў такім выпадку адназначна выбіраю друкаваны фармат. Калі хочацца адпачыць, тады слухаю аўдыёкніжкі", - адзначыла Ганна.Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
https://bel.sputnik.by/20250326/fotadakumentalst-yuryy-vano-prezentava-drug-tyrazh-svay-kng-1094824708.html
беларусь
Sputnik Беларусь
media@sputniknews.com
+74956456601
MIA „Rossiya Segodnya“
2025
Sputnik Беларусь
media@sputniknews.com
+74956456601
MIA „Rossiya Segodnya“
Навіны
ru_BY
Sputnik Беларусь
media@sputniknews.com
+74956456601
MIA „Rossiya Segodnya“
Sputnik Беларусь
media@sputniknews.com
+74956456601
MIA „Rossiya Segodnya“
віктар шніп, беларуская літаратура, літаратура, навіны , грамадства, у беларусі, беларусь
віктар шніп, беларуская літаратура, літаратура, навіны , грамадства, у беларусі, беларусь
Караткевіч, Булгакаў і Рэмарк: якія кнігі чытаюць беларусы
У апошні час адзначаецца рост папулярнасці беларускай літаратуры – у асноўным твораў класікаў.
Сусветны дзень кнігі і аўтарскага права быў заснаваны ЮНЕСКА ў 1995 годзе і штогод адзначаецца 23 красавіка, што зараз чытаюць беларусы і якім аўтарам аддаюць перавагу, высвятляў Sputnik.
Намеснік генеральнага дырэктара ААТ "Белкніга" Інга Бекіш агенцтву распавяла, што сярод самых папулярных беларускіх пісьменнікаў апынуліся класікі – Уладзімір Караткевіч ("Дзікае паляванне караля Стаха", "Каласы пад сярпом тваім", "Чорны замак Альшанскі"), Якуб Колас ("Людзі на балоце"), Максім Багдановіч ("Выбраныя творы" і "Вянок"), а таксама Васіль Быкаў ("Жураўліны крык").
Карыстаюцца папулярнасцю ў беларусаў і расійскія пісьменнікі: Міхаіл Булгакаў ("Майстар і Маргарыта"), Фёдар Дастаеўскі ("Злачынства і пакаранне", "Браты Карамазавы"), Аляксандр Пушкін ("Яўген Анегін") і Віктар Пялевін ("Generation P").
Сярод кніг, якія найбольш часцей купляюцца, таксама "Спяшайся любіць" Нікаласа Спаркса, "Смутак сатаны" Марыі Карэлі, "Кветкі для Элджэрнона" Дэніела Кіза, "Джэйн Эйр" Шарлоты Бронтэ, "Маленькі прынц" Антуана дэ Сэнт-Экзюперы, "Кафэ на краі зямлі" Джона Стралекі, "Граф Монтэ-Крыста" Аляксандра Дзюма і "Трыумфальная арка" Эрыха Марыі Рэмарка.
Паводле яе слоў, самыя папулярныя жанры ў беларускіх чытачоў – раман, дэтэктыў, паэзія, фэнтэзі, фантастыка. Часта людзі цікавяцца кнігамі па самаразвіцці і псіхалогіі.
Попыт на беларускую літаратуру расце
Намеснік дырэктара выдавецтва "Мастацкая літаратура" – галоўны рэдактар часопіса "Полымя", пісьменнік Віктар Шніп у сваю чаргу адзначыў, што ў кожнага аўтара ёсць кнігі, якія трэба прачытаць.
"А для тых, хто хоча пазнаёміцца з беларускай літаратурай, рэкамендую пачынаць з беларускага класіка Уладзіміра Караткевіча", - сказаў ён.
Шніп удакладніў, што на Міжнароднай кніжнай выставе-кірмашы, якая прайшла ў Мінску, было прадстаўлена мноства кніг, каля 90% з іх – мастацкага жанру, на беларускай мове.
"Мы бачым, што ў параўнанні з мінулым годам вырас попыт на беларускую літаратуру, у першую чаргу на прозу і паэзію, дзіцячыя кнігі", - паведаміў субяседнік Sputnik, падкрэсліўшы, што гэта гаворыць аб духоўным багацці народа.
Папяровыя, электронныя ці аўдыё?
Шніп адзначае, што зараз электронныя і аўдыёкніжкі карыстаюцца попытам, і гэта добра, сучасна. У той жа час кніга ў друкаваным варыянце па-ранейшаму застаецца добрым падарункам.
"Папера хоць і мяняецца, але застаецца паперай, а вось электронныя трансфармуюцца – раней былі дыскеты, потым дыскі, цяпер ужо флэшкі. Я думаю, што розныя фарматы кніг будуць існаваць паралельна, гаворкі пра канец гісторыі друкаваных кніг не ідзе", - сказаў ён.
Sputnik вырашыў правесці невялікае апытанне, каб высветліць літаратурныя перавагі жыхароў сталіцы.
"Раней, у маладосці, любіў гістарычную літаратуру, а таксама творы Чэхава і Гогаля. Цяпер вольнага часу мала, але працягваю чытаць, напрыклад, дэтэктывы такіх аўтараў як Лявонаў і Усцінава. Фантастыку яшчэ люблю", - сказаў Рыгор.
Мінчанін лічыць сябе прасунутым чытачом: значная частка яго бібліятэкі заўсёды з сабой – у смартфоне.
"У электронных і аўдыёкнігах мне падабаецца кампактнасць, бо заўсёды можна ў вольную хвіліну паслухаць або пачытаць, у мяне запампавана каля 100 гігабайт такіх кніг", - распавёў мужчына.
Сваім меркаваннем падзялілася і Ганна – студэнтка біялагічнага факультэта БДУ. Паводле яе слоў, нягледзячы на нагрузку на вучобе, яна знаходзіць час на чытанне. Яе любімы жанр – навуковая фантастыка, але цікавіцца і іншымі напрамкамі. Апошняя кніга, якую прачытала, – "Шляхціц Завальня, або Беларусь у фантастычных апавяданнях", напісаная класікам беларускай літаратуры Янам Баршчэўскім. Студэнтка аддае перавагу папяровым кнігам, але часам слухае і іх аўдыёверсіі.
"Калі хочаш учытацца, знайсці нешта цікавае, нейкія дасылкі, то ў такім выпадку адназначна выбіраю друкаваны фармат. Калі хочацца адпачыць, тады слухаю аўдыёкніжкі", - адзначыла Ганна.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте" 
