https://bel.sputnik.by/20250913/rys-na-samakatakh-ggantskaya-ezha--17-festyvalya-gomelyu-sponlasya-883-1099851570.html

Рысі на самакатах, гіганцкая ежа і 17 фестываляў: Гомелю споўнілася 883

Рысі на самакатах, гіганцкая ежа і 17 фестываляў: Гомелю споўнілася 883

Sputnik Беларусь

Свой дзень нараджэння Гомель святкуе максімальна маштабна, і размова не толькі пра шматлікія фестывалі, іх карэспандэнт Sputnik налічыла не менш за 17. На... 13.09.2025, Sputnik Беларусь

2025-09-13T17:33+0300

2025-09-13T17:33+0300

2025-09-13T17:33+0300

гомель

рэпартаж

свята

дзень горада

грамадства

навіны

культура

музыка

беларусь

у беларусі

https://cdnn11.img.sputnik.by/img/07e9/09/0d/1099844239_0:79:1280:799_1920x0_80_0_0_5f1f5a31a5c5bb07fb666c238b545a6a.jpg

Святочны дзень у абласным цэнтры пачалі з тэатралізаванага шэсця па галоўнай гарадской плошчы. У пачатку калоны шматдзетныя сем’і пранеслі вялізны флаг з гербам Гомеля, а за імі на роліках, самакатах і веласіпедах пранеслася больш за 50 касцюміраваных рысей. Завяршылі шэсце маштабным флэшмобам ад студэнтаў, які сабраў каля тысячы танцораў.Канцэртныя пляцоўкі разгарнуліся ва ўсіх раёнах горада. З галоўнай святочнай сцэны на плошчы Леніна сёння прагучаць музычныя віншаванні ад вядомых беларускіх выканаўцаў і спецыяльнага госця з Расіі – опернага спевака Васіля Герэлы. Увечары на сцэну выйдуць "Дразды", "Добрыя людзі" і "КозаНостра".17-кілаграмовая цукерка і гіганцкі пірогНабярэжная ў святы заўсёды ператвараецца ў вялікі фудкорт, але каб гасцей частавалі гіганцкай ежай у такой колькасці, мабыць, такое арганізавалі ўпершыню.Для фестывалю "Гігантаманія" пекары "Гомельхлебпрама" папрацавалі над стварэннем вялізнага пірага са здобнага цеста з начынкай з карыцы і маку.Перакусіць гасцям свята прапанавалі двухмятровай варана-вэнджанай каўбасой ад мясцовага мясакамбіната і свежым бутэрбродам такога ж памеру.Для дзяцей кандытарская фабрыка "Спартак" прыгатавала асаблівы падарунак – 50-кілаграмовую цукерку "Аэрафлоцкая", прынеслі якую чацвёра моцных мужчын. А фабрыка марожанага пачаставала гамяльчан і гасцей гіганцкім ласункам аб’ёмам 15 літраў.Феерверкі вышынёй са шматпавярхоўкуДа 883-годдзя Гомеля гарадскія прадпрыемствы арганізуюць у 22:00 незабыўнае піратэхнічнае шоу на набярэжнай. Кожная з арганізацый-удзельніц прадставіць свой піратэхнічны нумар з унікальнымі спецэфектамі і музыкай.Для запуску эфектнага феерверку выбраны некалькі кропак – спецыяльная плывучая сцэна, Навабеліцкі мост і пляж. "Вогненныя кветкі" ў небе распусцяцца пад нумары прафесійных утаймавальнікаў агню – фаершчыкаў з Беларусі.Замест звыклых пяці хвілін залпы будуць радаваць публіку больш працяглы час. У фінале шоу з марцір стрэляць у пэўнай паслядоўнасці на вышыні са шматпавярховага дома зарады адразу некалькіх вядучых прадпрыемстваў горада.Падарункі горадуНапярэдадні памятных дат і дзяржаўных свят у горадзе над Сожам стала добрай традыцыяй адкрываць новыя аб’екты.Своеасаблівым падарункам гамяльчанам да Дня горада стала малая архітэктурная форма "Рысь" з моцнага металу, якую ўстанавілі ў зоне адпачынку "Пруды" Навабеліцкага раёна.Напярэдадні Дня горада ў Гомельскім палацава-паркавым ансамблі адбылася цырымонія адкрыцця закладнога каменя, на месцы якога будзе ўстаноўлены помнік выбітнаму палкаводцу Расійскай імперыі XIX стагоддзя – Івану Фёдаравічу Паскевічу."Мы ганарымся тым, што Гомель стаў часткай жыцця і спадчыны Івана Фёдаравіча Паскевіча. Яго ўклад у развіццё горада, у архітэктурнае аблічча, у культурную спадчыну – неацэнны", - распавялі падчас адкрыцця закладнога каменя.Ва ўрачыстай цырымоніі прынялі ўдзел саветнік пасольства Расійскай Федэрацыі ў Беларусі Сяргей Афонін і намеснік начальніка Упраўлення Прэзідэнта Расійскай Федэрацыі па дзяржаўнай палітыцы ў гуманітарнай сферы Мікалай Аўсіенка.Сярод падарункаў гораду таксама новая шматфункцыянальная спартыўна-гульнявая пляцоўка на вуліцы Барыса Царыкава ў Сельмашаўскім мікрараёне Чыгуначнага раёна і скейт-парк у 104 мікрараёне Навабеліцкага раёна горада Гомеля.У Дзень горада пасля рэканструкцыі адкрылі сквер імя выдатнага авіяканструктара, таленавітага інжынера і патрыёта нашай краіны – Паўла Восіпавіча Сухога. Разыначкай сквера стаў фантан з паменшанай мадэллю легендарнага самалёта СУ.Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"

https://bel.sputnik.by/20250913/dukh-dlya-mera--defle-pagranchnka-dzen-gorada-prakhodzts-u-gomel--vdea-1099850003.html

гомель

беларусь

2025

Навіны

ru_BY

гомель, рэпартаж, свята, дзень горада, грамадства, навіны , культура, музыка, беларусь, у беларусі