https://bel.sputnik.by/20260703/z-pesnyam--saldatskay-kashay-mnsk-svyatkue-dzen-nezalezhnasts-1108784311.html

З песнямі і салдацкай кашай: Мінск святкуе Дзень Незалежнасці

З песнямі і салдацкай кашай: Мінск святкуе Дзень Незалежнасці

Sputnik Беларусь

Нягледзячы на капрызнае надвор’е і невялічкі дождж, беларуская сталіца 3 ліпеня гуляе шырока і душэўна: з канцэртамі ў розных раёнах горада і насычанай... 03.07.2026, Sputnik Беларусь

2026-07-03T21:25+0300

2026-07-03T21:25+0300

2026-07-03T21:47+0300

мінск

дзень незалежнасці рэспублікі беларусь

свята

рэпартаж

навіны

грамадства

гісторыя

вялікая айчынная вайна

беларусь

у беларусі

https://cdnn11.img.sputnik.by/img/07ea/07/03/1108780110_0:161:3071:1888_1920x0_80_0_0_941aa4a156460d9e3148e288850f0ff2.jpg

Дзень Незалежнасці ў Беларусі – гэта не проста чырвоная дата ў календары. 3 ліпеня 1944 года падчас аперацый "Баграціён" савецкія войскі вызвалілі Мінск ад нямецка-фашысцкіх захопнікаў. І сёння, праз 82 гады, гэты дзень застаецца сімвалам свабоды і агульнай гістарычнай памяці.Па ўсім горадзе разгарнуліся народныя гулянні: у кожным раёне – свае пляцоўкі, свая музыка і актыўнасці. Недзе ўпор зрабілі на ваенную тэхніку, недзе – на спорт, а недзе – проста на добры настрой пад парасонамі.Карэспандэнты Sputnik прайшліся па галоўных святочных пляцоўках, паспрабавалі салдацкай кашы і даведаліся, як Мінск адзначае 3 ліпеня.Парк Перамогі: тэхніка, каша і жывая гісторыяЗ раніцы сюды пацягнуліся сем’ямі, парамі, са сцягамі і кветкамі. Каля музея гісторыі Вялікай Айчыннай вайны асабліва заўважная група людзей са сцягамі СССР і Беларусі.Святлана Піваварава, дацэнт Полацкага дзяржаўнага ўніверсітэта, кандыдат тэхнічных навук, прыехала ў Мінск на свята спецыяльна.Што глядзець: ад "Паланэза" да легендарнага Т-35Галоўны магніт Парку Перамогі – выстава ваеннай тэхнікі. І калі дарослыя падыходзяць з акуратнай цікавасцю, то дзеці літаральна "акупіруюць" машыны.Сучасны гонар Беларусі – рэактыўная сістэма залпавага агню "Паланэз" (далёкасць – да 300 км), ЗРК С-300, БТР-80. Хлопчыкі і дзяўчынкі з захапленнем залазяць у кабіны, круцяць абаранак, прымяраюць ролю камандзіра або стралка ля кулямёта на бронетэхніцы.Наталля прыйшла з сынам, пакуль муж на працы."У таты сёння не атрымалася, на жаль. Вось мы з сынам вывучаем тэхніку. Яму ўсё падабаецца, асабліва тая, куды можна залезці. У планах – яшчэ на карабліках пакатацца і на канцэрт схадзіць", - расказвае яна.Побач – рэтра-зона: легендарныя танкі 1930-х гадоў – Т-26, Т-28, хуткаходныя БТ-2 і БТ-7, а таксама арыгінальны цяжкі, які захаваўся адзін у свеце, пяцівежавы танк Т-35. На яго ўжо не залезеш – музейная каштоўнасць, але госці і жыхары Мінска ахвотна з ім фатаграфуюцца.Ад зборкі АК да палявой кухніВаенныя падрыхтавалі не толькі відовішчы, але і выпрабаванні для ўсіх жадаючых. Самае папулярнае месца – майстар-клас па зборцы-разборцы аўтамата Калашнікава.Канкурэнцыя тут сур’ёзная, і, што цікава, мужчыны выстройваюцца ў чаргу, каб праверыць свой спрыт. Працуе і пляцоўка сапёраў, тут вучаць выяўляць небяспечныя прадметы.А вось гастранамічны хіт дня – палявая кухня. Ваеннаслужачыя ў форме раздаюць невялікія вайсковыя порцыі: ячныя крупы з тушонкай, гарачая гарбата з вялізнага тэрмаса – усё гэта абсалютна бясплатна. Палатка са сталамі і лаўкамі забіты да канца.Працуе ў парку і выязны гандаль, праўда, цэны высокія. Паесці свінога шашлыку (100 грамаў) абыдзецца ў 8,50 бел. руб. Каўбаскі з мяса птушкі (100 грамаў) прадаюць па 6,50 бел. руб. Сасіска ў цесце каштуе 2,50.Тым не менш, жадаючыя знаходзяцца, хаця канкурыраваць выязному гандлю з бясплатнай, найсмачнейшай салдацкай кашай цяжка.Правер сваю сілуЯшчэ адна пляцоўка разгарнулася каля "Чыжоўка-Арэны". Тут акцэнт зрабілі на фізічную сілу і драйв.Самае відовішчнае спаборніцтва – перацягванне аўтамабіля. Адзін з удзельнікаў пад аглушальныя крыкі групы падтрымкі: "Давай, мы ў цябе верым!" – зрушвае машыну з месца. Натоўп радуецца. Хлопец спраўляецца, машына коціцца – эмоцый праз край.Тут жа – выстава грамадзянскай і ваеннай тэхнікі. Але асаблівая любоў гледачоў – службовыя сабакі. Пад наглядам кінолагаў чацвераногія байцы паказваюць цуды паслухмянасці: каманды выконваюцца імгненна, а за кожнае правільнае дзеянне – заахвочванне і захапленне навакольных.На святочнай пляцоўцы сустракаем Антона з дачкой. Ён расказвае, што ў Заводскім раёне жыве з сям’ёй з 2016 года, працуе на МЗКЦ.Па словах Антона, Дзень Незалежнасці – гэта свята, якое аб’ядноўвае сем’і і паказвае, наколькі беларусы любяць сваю краіну.Канцэрт пад дажджомНадвор’е ў Мінску ў пятніцу капрызнае. Але калі ў Парку Перамогі дождж толькі імжыў, то ля "Першага нацыянальнага гандлёвага дома" ён разышоўся сур’ёзна. Аднак людзі не думалі разыходзіцца.Тут праходзіў конкурс кавер-бэндаў. Музыканты выйшлі на сцэну з парасонамі над галовамі, і першым жа акордам грымнула папулярная песня "Касіў Ясь канюшыну".Знаёмы матыў спрацаваў як магніт: людзі пачалі падцягвацца да сцэны, хтосьці танцаваў прама пад дажджом, хтосьці слухаў з-пад паветкі, ядучы шашлык. Свята не змагло сапсаваць нават не самае ветлае надвор’е.Працягнуліся святкаванні канцэртам у 21:00 каля стэлы "Мінск – горад-герой", там выступяюць вядучыя беларускія калектывы. Каля 23:00 пройдзе традыцыйная акцыя "Праспяваем гімн разам", а затым у сямі пунктах горада прагрымяць святочныя феерверкі.І гэта не фінал. Арганізатары падрыхтавалі праграму на два дні наперад: 4 і 5 ліпеня ў Мінску працягне гучаць музыка, будуць працаваць культурныя пляцоўкі падчас летняга сезона.Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, MAX і Viber, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"

https://bel.sputnik.by/20260703/yak-u-grodne-svyatkuyuts-dzen-nezalezhnasts--vdea-1108759099.html

мінск

беларусь

2026

Навіны

ru_BY

мінск, дзень незалежнасці рэспублікі беларусь, свята, рэпартаж, навіны , грамадства, гісторыя, вялікая айчынная вайна, беларусь, у беларусі