Ад Камчаткі да Арла: выбары ў Дзярждуму РФ праходзяць у Гомелі
14:58 20.09.2026 (абноўлена: 15:00 20.09.2026)
© Sputnik / Татьяна Федоренко
Падпісацца
Выбары ў Дзярждуму РФ праходзяць у Беларусі ў Адзіны дзень галасавання. На гомельскім выбарчым участку галасуюць сем’ямі і нават з гадаванцамі. Аб тым, якая атмасфера пануе на ўчастку, у рэпартажы Sputnik.
Упершыню свой голас за будучы курс краіны на бліжэйшую пяцігодку сёння аддала Юлія Жыркова. Дзяўчына нядаўна атрымала расійскі пашпарт і лічыць сваім абавязкам выказаць грамадзянскую пазіцыю ўжо ў афіцыйным статусе расіянкі.
Яе муж Антон прагаласаваў анлайн. Пара падышла да галасавання адказна, вывучыўшы ініцыятывы ўсіх палітычных партый, зарэгістраваных у федэральных спісках кандыдатаў.
Сям'я Жырковых
© Sputnik / Татьяна Федоренко
"Прагаласавалі не для "птушкі". Увесь вечар напярэдадні знаёміліся з праграмамі кандыдатаў. Аддаём голас за партыю, курс развіцця краіны якой нам бліжэй", - дзеляцца муж і жонка.
Выбаршчыкі ідуць сем’ямі, парамі і нават з любімымі гадаванцамі. Чыхуахуа Татошка – беларус, яго гаспадары – расіяне.
Расіянка Ірына Мурзіч прыйшла на выбарчы ўчастак у Гомелі з любімым гадаванцам
© Sputnik / Татьяна Федоренко
"Татошцы ўсяго 10 месяцаў, ён нарадзіўся ў Беларусі, значыць беларус. А вось мы з мужам расіяне, жывем у Яраслаўлі, хаця карані ў нас беларускія. Нашы продкі былі вымушаны пераехаць у час Вялікай Айчыннай вайны, паводле нашых даных яны маюць дачыненне да роду Румянцавых-Паскевічаў", - дзеліцца гісторыяй роду Ірына Мурзіч.
Яна суправаджае мужа падчас камандзіроўкі ў Беларусь, а заадно і выказвае сваю грамадзянскую пазіцыю.
"Мы патрыёты сваёй краіны. Гэта наш абавязак аддаць свой голас", - дадала расіянка.
За захаванне традыцый сёння адказвае старэйшае пакаленне. Сям’я Яфрэмавых пераадолела амаль 10 тыс км, прыехаўшы з Камчаткі ў Гомель, каб аздаравіцца ў беларускім санаторыі. Разам пары 60 гадоў, такой жа стабільнасці яна жадае і любімай роднай краіне.
Сям'я Яфрэмавых прыехала з Камчаткі
© Sputnik / Татьяна Федоренко
"Месяц таму адзначылі брыльянтавае вяселле. Залог сямейнага шчасця – уменне дамаўляцца і паважаць адзін аднаго. Гэтыя якасці цэнім і ў палітыках", - дзеляцца Яфрэмавы, настальгіруючы па часах, калі яны жылі ў Гомелі.
Адзін з яркіх успамінаў – самалёты, якія ўзлятаюць над мікрараёнам "Стары аэрадром". Цяпер на ўездзе ў мікрараён гараджан сустракае копія самалёта АН-2.
Паміж працэдурамі і адпачынкам у санаторыі не забылі пра грамадзянскі абавязак і сяброўкі Іна і Алена з Арла.
"Даведаліся, што адкрыўся ўчастак у Гомелі, выклікалі таксі і прыехалі з санаторыя, каб прагаласаваць за свайго кандыдата. Надвор’е ў горадзе цудоўнае, настрой святочны, усё арганізавана годна", - адзначылі выбаршчыцы.
Ірына і Алена з горада Арол галасуюць у Гомелі
© Sputnik / Татьяна Федоренко
Пенсіянер Віктар Лявонцьеў нарадзіўся ва Украіне, у горадзе Крывы Рог, у сям’і ваенных, таму аб’ездзіў практычна ўвесь Савецкі Саюз. Ён лічыць, што Расія належна выглядае на сусветнай арэне.
Пенсіянер Віктар Лявонцьеў на выбарчым участку ў Гомелі
© Sputnik / Татьяна Федоренко
"Я бачыў, што было з маёй краінай у 90-я гады, і лічу, што цяпер яна ў лепшай сваёй форме. Дай бог сіл нашаму прэзідэнту. Наша краіна будзе яшчэ больш прыгожай і лепшай", - кажа мужчына.
Па словах старшыні ўчастковай выбарчай камісіі Уладзіміра Ваньке, на ўчастку ў Гомелі наладжана цеснае супрацоўніцтва з расійскімі калегамі, органамі мясцовай і праваахоўнай улады. Усе пытанні бяспекі для выбаршчыкаў забяспечаны.
1/4
© Sputnik / Татьяна Федоренко
2/4
© Sputnik / Татьяна Федоренко
3/4
© Sputnik / Татьяна Федоренко
4/4
© Sputnik / Татьяна Федоренко
1/4
© Sputnik / Татьяна Федоренко
2/4
© Sputnik / Татьяна Федоренко
3/4
© Sputnik / Татьяна Федоренко
4/4
© Sputnik / Татьяна Федоренко
Апоўдні на выбарчым участку ў Гомелі прагаласавалі ўжо больш за 200 расійскіх грамадзян.
"Гэта падзея для краіны максімальна важная. Выбары праходзяць у штатным рэжыме без парушэнняў згодна з пратаколам. Для грамадзян створаны ўсе ўмовы", - рэзюміравала назіральнік грамадскай палаты Аляксандра Звягіна.
Назіральнік грамадскай палаты Аляксандра Звягіна
© Sputnik / Татьяна Федоренко
У Гомелі выбарчы ўчастак размешчаны ў Расійскім цэнтры навукі і культуры па адрасе вул. 50 БССР, 7. Прымаць грамадзян тут будуць да 20:00.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, MAX і Viber, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
