"Калядныя забавы" сабралі ў Батанічным садзе гледачоў усіх узростаў

У гэтым годзе праграма свята складалася з дзвюх частак — музычнай і інтэрактыўнай. Асаблiвую ўвагу арганізатары надалі традыцыйным беларускім абрадам, якія звязаныя з Калядамі.

"Каляды" у Дудутках: танцы і забавы ад душы

24 снежня 2017, 13:02

Самых маленькіх гледачоў прыемна здзівілі прагулкі на сапраўднай брычцы, запрэжанай канём, і сапраўдны паўночны алень.

Усім аматарам праверыць сваю сілу і цягавітасць далі магчымасць паўдзельнічаць у перацягванні каната і бітве на падушках.

Завяршыліся "Калядныя забавы" ў Цэнтральным батанічным садзе эфектным фаер-шоу.

1 / 14

У цэнтральным батанічным садзе праходзілі святочныя гулянні ў гонар Каляд. Не абышлося без традыцыйнага прадстаўлення з казой.

2 / 14

Гарэзныя калядоўшчыкі праводзяць яго з жартамі-прымаўкамі і ў інтэрактыўным выкананні: наведвальнікі ўдзельнічаюць у танцах, песнях і конкурсах.

3 / 14

Каза нечакана падае з ног, а каб вярнуць любімага дзіцячага героя да жыцця, трэба напоўніць мяшок калядоўшчыкаў падарункамі.

4 / 14

Напрыканцы імпрэзы бадзёрую казу можна пакратаць і нават абняць. Кажуць, гэта прынясе ўдачу і дабрабыт у новым годзе.

5 / 14

Госці фестывалю змаглі прыняць удзел у майстар-класе па народных танцах. Узроставых абмежаванняў не было: пусціцца ў скокі мог і дарослы, і дзіця.

6 / 14

На свята прыехаў нават паўночны алень, з ім наведвальнікі маглі сфатаграфавацца.

7 / 14

У зоне фестывалю арганізаваны невялікі базар, на якім можна купіць гарачае пітво і закускі, а таксама тавары рамеснікаў.

8 / 14

Старадаўняя забава - спаборніцтвы па перацягванні ліны - усё так жа выклікае захапленне ў дзятвы.

9 / 14

Дарослыя таксама маглі знайсці цікавыя для сябе актыўнасці і праверыць свае сілу і спрыт.

10 / 14

Перакусіць можна было на месцы: гасцям прапанавалі ежу, прыгатаваную на агні.

11 / 14

На працягу ўсяго фестывалю для дзяцей быў даступны атракцыён з катаннем на кані. Для тых, хто баіцца хвацкай язды ў адкрытай брычцы, можна было проста пагутарыць з прыязнай і разумнай жывёлінай.

12 / 14

Паспаборнічаць за каштоўныя прызы можна было ў бітве мяшкамі.

13 / 14

Для маленькіх наведвальнікаў былі арганізаваны творчыя пляцоўкі.

14 / 14

Свята скончылася выступам тэатра агню.