Рост мытных даходаў, прывядзенне заканадаўства Беларусі ў адпаведнасць з нормамі ЕАЭС, а таксама гатоўнасць мытных службаў да II Еўрапейскіх гульняў і пытанні тэхнічнага перааснашчэння сталі асноўнымі тэмамі сустрэчы прэзідэнта Аляксандра Лукашэнкі са старшынёй Дзяржаўнага мытнага камітэта Юрыем Сянько.
"Мы на сённяшні дзень забяспечваем бяспеку на знешніх контурах і Саюзнай дзяржавы, і Еўразійскага эканамічнага саюза, таму кожная краіна павінна ў сваёй частцы дакладна выконваць задачы", - адзначыў кіраўнік ДМК па выніках дакладу прэзідэнту.
Таксама кіраўнік мытнага камітэта паведаміў пра планамернае павышэнне якасці работы мытных службаў, у тым ліку і за кошт тэхнічнага перааснашчэння, пра што і паведаміў кіраўніку дзяржавы.
"Літаральна ў красавіку-маі перад II Еўрапейскімі гульнямі мы атрымаем у якасці тэхнічнай дапамогі абсталяванне на 12 з паловай мільёнаў долараў, якое будзе размеркавана па пагранічных пунктах мытнага афармлення", - распавёў Сянько.
Па словах кіраўніка ДМК, са з'яўленнем новага абсталявання спросцяцца "тыя кантрольныя фармальнасці, якія сёння праводзяць службовыя асобы мытнай службы".
Акрамя таго, у ходзе дакладу беларускі лідар пацікавіўся ў кіраўніка Дзяржаўнага мытнага камітэту тым, як заканадаўства Беларусі прыводзіцца ў адпаведнасць з мытнымі нормамі ЕАЭС і ці не былі дапушчаныя памылкі ў гэтым кірунку.
Каментар старшыні Дзяржаўнага мытнага камітэта Юрыя Сянько слухайце на радыё Sputnik Беларусь.
Чытайце таксама:
- Пінчук: як медыцынскія службы рыхтуюцца да II Еўрапейскіх гульняў
- Беларусі не даюць акрэдытаваць сваю антыдопінгавую лабараторыю
- У Еўрапейскіх гульнях будуць удзельнічаць 200 беларускіх спартсменаў