У ноч з суботы на нядзелю больш за 80 краін часткова ці цалкам пяройдуць на летні час, а гэта значыць, што спаць цяпер трэба будзе на гадзіну менш.
Спрэчкі аб тым, варта ці не пераводзіць гадзіннікі, не суціхаюць: у свеце і сёння праводзяцца даследаванні на тэму рацыянальнасці і яе адсутнасці.
Прыхільнікі пераводу сцвярджаюць, што падобная мера дазваляе правільна выкарыстоўваць светлы час сутак і тым самым эканоміць энергарэсурсы. Праціўнікі жа падобных дзеянняў запэўніваюць, што перавод гадзіннікаў не толькі нічога не эканоміць, але яшчэ і наносіць шкоду здароўю чалавека, негатыўна адбіваючыся на біярытмах.
Так ці інакш, практычна ўсе краіны Еўропы, за выключэннем трох, працягваюць двойчы ў год пераводзіць стрэлкі гадзіннікаў.
Беларусь уваходзіць у тройку краін, якія адмовіліся ад сезоннага пераводу часу. Апошні раз стрэлкі гадзіннікаў зрушвалі 27 сакавіка 2011 года.
У 2014 годзе спыніла пераходзіць на летні час і Расія. Трэцяй дзяржавай з'яўляецца Ісландыя.
У адрозненне ад Беларусі і Расіі, суседзі з Украіны перасунуць стрэлкі гадзінніка у ноч з 30 на 31 сакавіка а 03-й. Такім чынам, Мінск і Кіеў зраўняюцца па часе.
Жыхары Літвы таксама перавядуць час - розніцы ў часе ў Вільні і Мінску не будзе. Польшча ссуне стрэлкі, гэта значыць, што розніца ў часе паміж Варшавай і Мінскам стане не дзве гадзіны, а адна. У лік краін, якія зменяць час, уваходзіць і ЗША.
Навошта ведаць аб пераходзе на летні і зімовы час
Ведаць аб пераводзе стрэлак асабліва важна вандроўнікам. Гэта звязана з тым, што, напрыклад, час адпраўлення транспарту заўсёды паказваецца па мясцовым часе. І гэта з'яўляецца, бадай, галоўнай прычынай.
Што рабіць з тэхнікай
Практычна ўся сучасная тэхніка мае функцыю аўтаматычнага пераходу на летні і зімовы час, ручнога пераводу патрабуюць толькі механічныя гадзіннікі. Беларусам варта звярнуць увагу на тое, што тэхніка можа самастойна падладзіцца, тым самым збіўшы актуальны час.