МІНСК, 18 чэр - Sputnik. Тэлеканал Euronews у сваім сюжэце распавёў пра ўнікальнасць Беларускага дзяржаўнага музея народнай архітэктуры і побыту пад Мінскам.
У роліку паказана традыцыйная беларуская вёска – з тагачаснымі забудовамі, народнымі песнямі і дзяўчатамі ў адмысловых строях. Менавіта ў гэтым, па меркаванні прадстаўнікоў еўрапейскага тэреканала, і складаецца выключнасць музея.
"Тут можна пазнаёміцца з побытам беларускай вёскі, народнымі абрадамі і паўдзельнічаць у народных забаўках. У нас ніколі не бывае сумна", - паведаміў навуковы супрацоўнік музея Аляксей Друпаў.
Беларускі музей архітэктуры і побыту адносіцца да тыпу музеяў пад адкрытым небам або музеяў-скансэнаў. Музеі гэтага тыпу – гэта адна з існуючых формаў захавання і паказу помнікаў гісторыі і культуры ў асяроддзі блізкім да натуральнага, ён дэманструе рэгіянальныя і лакальныя асаблівасці і адносіцца да музеяў рэспубліканскага значэння.
Чытайце таксама:
- Фотафакт: у Строчыцах адсвяткавалі Камаедзіцу
- Каваль куе, жалеза пяе: Дзень каваля адзначылі пад Мінскам
- Грамніцы-палова зіміцы: як лета ў Строчыцах сустракалі - фота
- Фотафакт: як у Строчыцы "Саракі" прыляцелі
- Зіму замыкаці, вясну загукаці: у Строчыцах спявалі вяснянкі і палілі кола