"На Беларусі Бог жыве": як прайшоў Траецкі фэст у Гервятах

Урачыстасць Найсвяцейшай Тройцы ў Гервятах штогод збірае сотні вернікаў. Апагеем свята становіцца нядзеля, калі праходзіць урачыстая імша.

У гэтым годзе на свята прыехалі пасол Літоўскай Рэспублікі ў Рэспубліцы Беларусь Андрус Пулокас, епіскап вільнюскі Арунас Панішкайціс і шматлікія святары Астравеччыны. Маліліся на трох мовах – беларускай, літоўскай і польскай.

У сваёй прамове Арунас Панішкайціс распавёў, што па дарозе ў Гервяты яго найбольш здзівілі ўсталяваныя на скрыжаваннях дарог крыжы. Па словах вільнюскага епіскапа, гэта яскравае сведчанне таго, што на Беларусі і на Астравеччыне жыве Бог. Скончылася святочная імша працэсіяй вакол касцёла.

Як прайшоў міжнародны Траецкі фэст у Гервятах, глядзіце ў фотастужцы Sputnik.

Чытайце таксама:

Вось Бог, а вось цяжкі рок: святар слухае метал і піша рэп-казкі
Айцец Юрый Кулай: як у сцяне касцёла ў Мядзелі знайшлі мошчы святых
Ксёндз Чырвонага касцёла выканаў трук на гіраскутары – відэа

1 / 14

Траецкі фэст у Гервятах штогод збірае сотні вернікаў. У гэтым годзе свята прайшло 15-16 чэрвеня.

2 / 14

У першы дзень у сценах касцёла адкрылася фотавыстава Валерыя Вядрэнкі "Містэрыя Гервят".

3 / 14

Беларускі фатограф, мастак і публіцыст Валерый Вядрэнка працуе ва ўсіх жанрах фатаграфіі, аддаючы перавагу пейзажу і метафарычнаму лічбаваму мантажу. Яго творы знаходзяцца ў дзяржаўных музеях Беларусі і ў прыватных калекцыях Расіі, Літвы, Польшчы, ЗША.

4 / 14

На фота - касцёл і яго інтэр'ер у розныя гадзіны дня і ночы, а таксама фотапластычныя кампазіцыі на тэмы Евангелля.

5 / 14

Па словах аўтара, праект "Містэрыя Гервят" - гэта знак удзячнасці стваральнікам касцёла за ўвасабленне хрысціянскай ідэі, "якая сцвярджае на зямлі праўду, прыгажосць і веру".

6 / 14

Апагеем Траецкага фэсту стала нядзеля, калі адбылася ўрачыстая імша на беларускай, літоўскай і польскай мовах.

7 / 14

У гэтым годзе на свята прыехалі пасол Літоўскай Рэспублікі ў Рэспубліцы Беларусь Андрус Пулокас, епіскап вільнюскі Арунас Панішкайціс і шматлікія святары Астравеччыны.

8 / 14

У сваёй прамове Арунас Панішкайціс распавёў, што па дарозе ў Гервяты яго найбольш здзівілі ўсталяваныя на скрыжаваннях дарог крыжы.

9 / 14

Па словах вільнюскага епіскапа, гэта яскравае сведчанне таго, што на Беларусі і на Астравеччыне жыве Бог.

10 / 14

Абавязковая частка святочнай імшы - працэсія вакол касцёла, у якой удзельнічаюць усе госці свята.

11 / 14

У гэтым годзе ўздельнічалі ў свяце каля тысячы гасцей.

12 / 14

Вернікі прыехалі з розных куткоў Беларусі і Літвы.

13 / 14

Лічыцца, што калі на Тройцу ідзе дождж, лета будзе вельмі прыемным - і не жаркім, і не засушлівым.

14 / 14

Ва ўрачыстую нядзелю дождж ішоў у Гервятах ад самай раніцы і скончыўся як раз перад пачаткам святочнага шэсця.