МІНСК, 9 жні - Sputnik. Беларускі народ вельмі дрэнна ведае гісторыю сваёй дзяржавы, такое меркаванне выказаў беларускі рэжысёр Уладзімір Янкоўскі ў эфіры тэлеканала АНТ.
Не так даўно завяршыліся здымкі галоўнага нацыянальнага кінапраекта апошніх гадоў - фільма пра жыццёвы і творчы шлях беларускага паэта Янкі Купалы, рэжысёрам якога стаў Уладзімір Янкоўскі. Першы паказ запланаваны на Дзень беларускага кіно, а прэм'ера для шырокага гледача адбудзецца толькі ў 2020 годзе.
"Каля і пачаў здымкі, вельмі дасканала вывучаў гісторыю гэтага паэта, нашай краіны і мовы. Калі размаўляў са сваімі сябрамі – адукаванымі і сучаснымі беларусамі – высветлілася, што яны думаюць, что беларуская мова – гэта штучна створаная мова. Беларусы вельмі дрэнна ведаюць сваю гісторыю, хаця ўсё гэты ёсць у Вікіпедыі", - падкрэслі ён.
На пачатку чэрвеня "Беларусьфільм" прадставіў трэйлер фільма, які атрымаў вялікую колькасць станоўчых водгукаў.
Янкоўскі падкрэсліў, што з дапамогай трэйлера хацеў паказаць той якасны узровень кіно, які ён хацеў зрабіць.
"Я хацеў распавесці, што мы – беларусы, наша мова самая прыгожая, наша паэзія – высокага класа, а Купала быў неардынарнай асобай", - пракаментаваў рэжысёр.
Ён таксама падкрэсліў, што стужку нельга назваць крамольнай, бо знятая яна на падставе фактаў біяграфіі паэта пра гістарычныя падзеі, што адбываліся ў тыя часы.
"Наш фільм дарагі для Беларусі"
Патлумачыў Янкоўскі і выбар выключна беларускай каманды для здымак у фільме.
"Гэта быў усвядомлены крок. Мы хацелі зрабіць нацыянальны праект і такую задачу перад намі ставіла дзяржава", - распавёў ён.
Самай складанай задачай быў пошук акцёра на галоўную ролю. Янкоўскі ўпэўнены, што літоўскі акцёр з беларускімі каранямі Мікалай Шостак вельмі харызматычны артыст і вельмі падобны да Купалы.
"У Беларусі я артыстаў такога ўзроўню не знайшоў. Мы праводзілі кастынгі нават у Расіі ", - патлумачыў ён.
Па словах рэжысёра, нават Леанарда Дзі Капрыа мог стаць Купалай, але нават дзесяцігадовага бюджэту беларускага кіно не хапіла б на рэалізацыю гэтай ідэі.
Тым не менш, Янкоўскі ўпэўнены, што для таго, каб кіно стала паспяховым у пракаце, яно неабавязкова павінна быць высокабюджэтным, але абавязкова – таленавітым.
Разважаючы пра планы на будучыню, рэжысёр паведаміў, што хацеў бы зняць фільмы пра Радзівілаў, пра Грунвальдскую бітву. Магчыма, такія праекты патрабуюць аб'яднання з калегамі з іншых краін. Але, калі адыйсці ад тэмы баёпікаў, беларускаму кіно, па меркаванні Янкоўскага, не хапае добрых сцэнароў пра звычайнага чалавека.
"Перыяд Купалы цікавы яшчэ і тым, што гэтыя людзі жылі ў цалкам шалёны і драматычны час – за сваё кароткае жыццё бачылі дзве вайны, рэвалюцыю і рэпрэсіі і, нягледзячы на ўсё гэта, заставаліся людзьмі і любілі сваю радзіму ", - падкрэсліў ён.