МІНСК, 21 жні - Sputnik. Арганізатары музычнага фестывалю "MuzzicLETO", які прайшоў у мінскім Батанічным садзе ў самым разгары лета, вырашылі падарыць яшчэ некалькі рамантычных вечароў аматарам добрай музыкі. Мінчан чакае "Пастскрыптум" – менавіта такую назву носіць цыкл канцэртаў, якія пройдуць у апошнія дні лета.
У праграме – піянеры новага беларускага соула, якія ўпэўнена рухаюцца па шматлікіх канцэртных пляцоўках – гурт Dee Tree, а таксама ансмбль салістаў "Парціта" і легендарнае этна-трыа "Тройца".
Маладыя беларускія выканаўцы з гурта Dee Tree абяцаюць слухачам прадставіць фанк і соул для душы і цела. Ансамбль "Парціта" разам з салістам Алегам Яцынам выканае шэдэўры Вівальдзі, Бакерыні і Гендаля. "Троіца" не проста зладзіць канцэрт, а прадставіць інтэрактыўную выставу аўтэнтычных беларускіх народных інструментаў з музея Івана Кірчука. Выступы адбудуцца 22 жніўня, 29 жніўня і 5 верасня адпаведна.
Патрапіць на мерапрыемства можна будзе па квітках Цэнтральнага батанічнага сада. Арганізатары раяць захваціць з сабо коўдру ці турыстычны дыванок, каб больш зручна размясціцца ў глядацкай зале пад адкрытым небам.