МІНСК, 21 сту - Sputnik. Аляксандр Лукашэнка даручыў прафсаюзам ліквідаваць непаразуменні, якія ўзнікаюць з налічэннем пенсійнага стажу шматдзетных маці паведаміў у эфіры тэлеканала "Беларусь 1" старшыня Федэрацыі прафсаюзаў Беларусі Міхаіл Орда.
"Мы лічым, што гэта непаразуменне, нонсэнс: на траіх дзяцей сёння стаж маме налічваецца, на чацвёртага дзіцяці не налічваецца. Прэзідэнт даў даручэнне, у прыватнасці Міністэрству працы, паглядзець і разабрацца з гэтым пытаннем і аператыўна ўнесці прапановы для ліквідацыі гэтага непаразумення", - расказаў Міхаіл Орда.
Згодна з дзеючым заканадаўствам у стаж максімальна могуць уключыць 9 гадоў дэкрэтнага адпачынку. Для маці, у якіх чацвёра дзяцей, не захоўваюцца тыя льготы, якія ёсць у жанчын з вялікай колькасцю дзяцей. Такія мамы рызыкуюць не набраць неабходны стаж для працоўнай пенсіі і застацца толькі на сацыяльнай.
Чытайце таксама:
- Шматдзетным сем'ям не прыйдзецца стаяць у чарзе на жыллё больш за год
- Стала вядома, колькі сем'яў скарысталіся дэпазітам "Сямейны капітал"