Як будуць выглядаць беларускія алімпійцы ў Токіа - фота

Форма распрацавана і выраблена на беларускім прадпрыемстве "Сола-Пінск", якое са спартыўнымі камандамі супрацоўнічае ўжо сем гадоў. Аднак на ўзровень алімпійскай зборнай пінчане выйшлі ўпершыню.

Раней беларускую каманду экіпіравалі выключна замежныя вытворцы.

Пінскія дызайнеры пастараліся ўлічыць пажаданні саміх атлетаў, а таксама сучасныя тэндэнцыі ў свеце моды і зрабіць вопратку зручнай і прыгожай. Ацаніце самі, што ў іх атрымалася - глядзіце кадры, зробленыя на прэзентацыі ў спартыўна-забаўляльным комплексе Falcon Club Arena.

Чытайце таксама:

НАК прадставіў форму алімпійцаў: яе ўпершыню прыдумалі і пашылі ў Беларусі
30 гадоў і 3 прэзідэнты: НАК Беларусі адзначае юбілей
Алімпіяда ў Токіа пройдзе без замежных балельшчыкаў

1 / 12

Першы раз у гісторыі Беларусі на Алімпійскіх гульнях спартсмены будуць экіпіраваныя сіламі айчыннага легпрама.

2 / 12

Прэзентацыя спартыўнай формы для беларускіх атлетаў адбылася напярэдадні ў Мінску.

3 / 12

Для дэлегацыі, якая адпраўляецца на Алімпійскія гульні, звычайна шыюць два камплекты адзення: парадна-грамадзянскі (за яго адказвае Міністэрства спорту і турызму) і спартыўны (ён ў падпарадкаванні НАК).

4 / 12

Якая форма была раней? На Алімпіядах у Атланце і Нагана яны насілі касцюмы ад нямецкай фірмы Adidas, у Сіднэі і Афінах - ад італьянскага брэнда Fila, у Пекіне і Лондане - кітайскае адзенне кампаніі з Ганконга, у Сочы, Рыа-дэ-Жанейра і Пхенчхане - літоўскай фірмы Audimas.

5 / 12

Алімпійская форма распрацавана і выраблена на беларускім прадпрыемстве "Сола-Пінск", якое са спартыўнымі камандамі супрацоўнічае ўжо сем гадоў. Аднак на ўзровень алімпійскай зборнай пінчане выйшлі ўпершыню.

6 / 12

Як распавёў Sputnik генеральны дырэктар "Сола-Пінск" Васіль Горагляд, для ўсіх работнікаў прадпрыемства вялікі гонар шыць форму для ўдзельнікаў Алімпійскіх гульняў.

7 / 12

Да гэтага самы буйны заказ, які выконвалі пінскія вытворцы, - спартыўная экіпіроўка, а таксама форма для валанцёраў II Еўрапейскіх гульняў.

8 / 12

Распрацоўшчыкі прыслухаліся да пажаданняў спартсменаў і не забаяліся выкарыстоўваць новыя колеры: напрыклад, мятны.

9 / 12

Паводле задумы распрацоўшчыкаў, прынт на экіпіроўцы адлюстроўвае беларускую прыроду: палі, рэкі, лясы.

10 / 12

На распрацоўку дызайну экіпіроўкі сышло два гады.

11 / 12

Камплект формы складаецца з 44 прадметаў.

12 / 12

Вытворцы запэўніваюць, што ўлічылі кліматычныя ўмовы ў летнім Токіа.