МІНСК, 1 кра – Sputnik. ФПБ адзначае рост цэн у сакавіку на некаторыя віды гародніны, а таксама сезоннае скарачэнне запасаў айчыннай плодаагародніннай прадукцыі.
Увесь сакавік Федэрацыя прафсаюзаў Беларусі праводзіла штотыднёвы маніторынг па пашыраным пераліку тавараў, якія карыстаюцца павышаным попытам у насельніцтва. Асобная ўвага - наяўнасці неабходных прадуктаў харчавання ў крамах.
"У сакавіку выраслі цэны на некаторую гародніну: бульба падаражэла амаль на 8 працэнтаў, морква і буракі - на 6,5 працэнта, лук на 5,7 працэнта", - паведамілі Sputnik напярэдадні ў Федэрацыі прафсаюзаў Беларусі.
Як адзначыла намеснік старшыні Федэрацыі прафсаюзаў Алена Манкевіч, факты росту цэн на традыцыйную гародніну выклікаюць занепакоенасць, бо практычна кожны прафсаюзны маніторынг фіксуе павышэнне цэн на іх.
Яна таксама прывяла даныя за 12 месяцаў - з сакавіка па сакавік бульба падаражэла амаль на 40%, морква - на 46%, капуста - на 9%, буракі - больш чым на 30%.
ФПБ звярнула ўвагу не толькі на павышэнне цэн на плодаагароднінную прадукцыю, але і на неабходнасць аператыўнага прыняцця рашэння па пытанні ўзаемадзеяння вытворцаў і прадстаўнікоў рознічных сетак.
"Мы звярталіся да ўрада з просьбай прапрацаваць новыя механізмы паставак беларускай агародніны на рынак. Адзначаем, што да веснавога сезона запасы гэтых прадуктаў значна скарачаюцца. Больш за тое, у крамах зноў з'яўляецца імпартная прадукцыя, цэны на якую, як правіла, вышэй", - адзначыла намеснік кіраўніка ФПБ
На яе думку, вырашыць дадзеную праблему маглі б стабілізацыйныя фонды, пытанне фарміравання якіх прафсаюзы ўжо шмат разоў узнімалі на розных узроўнях.
"У цяперашні час стабфонды могуць забяспечыць толькі нязначную долю патрэбы краіны ў гародніне, нягледзячы на добры ўраджай", - сказала яна.
Нагадаем, сярод прапаноў ФПБ - увядзенне ў практыку сістэмы доўгатэрміновых кантрактаў паміж вытворцамі і прадаўцамі. Гарантаваная аплата на ўвесь зімова-вясновы перыяд дазволіць зрабіць цэны больш стабільнымі і прадказальнымі, а таксама забяспечыць наяўнасць у крамах айчыннай гародніны ў неабходнай колькасці.
Чытайце таксама:
- Рост цэн на некаторыя лекі і сацыяльна значныя тавары абмяжуюць
- Паменшыць апетыты: ФПБ пачынае маштабны маніторынг цэн на лекі
- Кіраўнік ФПБ прапанаваў перагледзець сістэму налічэння пенсій