МІНСК, 2 кра – Sputnik. Праекты законаў аб супрацьдзеянні экстрэмізму, недапушчэнні рэабілітацыі нацызму разгледзяць сёння дэпутаты Палаты прадстаўнікоў Нацыянальнага схода Беларусі.
Сёння ў Мінску адкрылася пятая сесія ніжняй палаты беларускага парламента сёмага склікання. На яе вынесены шэраг законапраектаў, ініцыяваных праваахоўным блокам пасля падзей у краіне, звязаных з прэзідэнцкімі выбарамі 2020 года. Як адзначылі ў Палаце прадстаўнікоў, дадзеныя праекты законаў "накіраваны на ўмацаванне суверэнітэту і нацыянальнай бяспекі".
"Сёння ў першым чытанні заканадаўцы маюць намер разгледзець законапраекты "Аб недапушчэнні рэабілітацыі нацызму", "Аб змяненні законаў па пытаннях процідзеяння экстрэмізму", - паведамілі Sputnik у парламенце.
Акрамя гэтага, будуць разгледжаны праекты законаў, звязаных з пытаннямі працоўных адносін, а таксама СМІ. Прыняцце змяненняў у дадзеныя законы ініцыяваў Савет бяспекі Беларусі.
Таксама сёння ў другім чытанні плануецца разгледзець законапраект "Аб абароне персанальных дадзеных".
Акрамя таго, будзе разгледжана пытанне аб правядзенні парламенцкіх слуханняў на тэму "Тэрытарыяльная цэласнасць і народнае адзінства Беларусі. Гісторыка-прававыя аспекты ўз'яднання заходнебеларускіх земляў у складзе БССР".
Адкрыццё вясенняй сесіі праходзіць у фармаце stop-covid, таму ў парламент запрошаны журналісты толькі з беларускіх дзяржаўных СМІ.
Чытайце таксама:
- Праект закона аб забароне рэабілітацыі нацызму паступіў у парламент
- Журналістаў на несанкцыянаваных акцыях могуць прызнаць іх удзельнікамі
- Крымінальны і Працоўны кодэкс адрэгулююць зыходзячы з ўнутранай абстаноўкі