МІНСК, 6 кра – Sputnik. Дэлегацыя Карэйскай Народна-Дэмакратычнай Рэспублікі не прыме ўдзелу ў Алімпійскіх гульнях у Токіа, паведамляе партал Sports in DRP Korea.
Рашэнне было вынесена на пасяджэнні Алімпійскага камітэта КНДР. Улады палічылі, што Гульні ў Японіі могуць несці пагрозу спартсменам з-за інфекцыі каронавіруса.
Летняя Алімпіяда ў Токіа была перанесена з 2020 на 2021 год з-за пандэміі каронавіруса. Нягледзячы на тое, што распаўсюджванне каронавіруса ў свеце спыніць не ўдалося, другі раз Гульні вырашылі не пераносіць. Мерапрыемствы пройдуць з 23 ліпеня па 8 жніўня, іх правядуць з шэрагам абмежаванняў.
Старт эстафеты алімпійскага агню адбыўся 25 сакавіка.
КНДР і каронавірус
У цяперашні час у КНДР няма афіцыйна пацверджаных выпадкаў захворвання на каронавірус, тым не менш, у краіне з мінулага года дзейнічаюць абмежаванні на перамяшчэнні людзей і тавараў.
Межы для замежнікаў Паўночная Карэя закрыла яшчэ ў студзені 2020-га. Адначасова Пхеньян адмовіўся і практычна ад усёй замежнай дапамогі, патлумачыўшы гэта тым, што грузы з-за мяжы павялічваюць рызыку ўспышкі каронавіруса.
Да траўня ў КНДР павінны паставіць каля 1,7 мільёна доз вакцын ад каронавіруса па міжнароднай праграме вакцынацыі.
1 сакавіка прэзідэнт Паўднёвай Карэі Мун Чжэ Ян заявіў, што Алімпійскія гульні ў Токіа нададуць магчымасць для аднаўлення перамоваў з Паўночнай Карэяй. Паўднёвакарэйскі лідэр таксама назваў планаваную летнюю Алімпіяду шанцам на дыялог паміж двума Карэямі, а таксама паміж Сеўлам і Токіа, Паўночнай Карэяй і ЗША.
Нагадаем, што на зімовай Алімпіядзе 2018 года ў Пхенчхане атлеты Рэспублікі Карэя і Карэйскай Народна-Дэмакратычнай Рэспублікі прайшлі ў складзе адной каманды і пад адзіным сцягам на цырымоніях адкрыцця і закрыцця Гульняў.
Чытайце таксама:
- Эстафета алімпійскага агню стартавала ў Японіі
- Алімпіяда ў Токіа пройдзе без замежных балельшчыкаў
- Маісевіч: лёгкаатлетам на Алімпіядзе цалкам рэальна заваяваць 2-4 медалі