Кейптаўн у агні: лясны пажар ахапіў адзін з сямі цудаў прыроды

Буйны пажар пачаўся ў Паўднёва-Афрыканскай Рэспубліцы недалёка ад заканадаўчай сталіцы дзяржавы Кейптаўн, у нядзелю агонь ахапіў кампус і бібліятэку Кейптаўнскага ўніверсітэта і вымусіў сотні студэнтаў эвакуіравацца.

У панядзелак агонь распаўсюдзіўся на кварталы Врэдэхук і Оран’езіхт, якія непасрэдна прымыкаюць да цэнтра горада, а таксама Чэлмсфорд.

Стрымаць наступленне пажару, які пачаўся на схілах знакамітай Сталовай гары, не ўдалося з-за ветру ўраганнай сілы. У барацьбе з полымем задзейнічаны больш за 300 пажарных, а таксама самалёты і верталёты, якія скідаюць ваду на агонь.

Вясна прыйшла на "беларускія Мальдывы" - маляўнічыя фотаздымкі мелавых кар'ераў

16 красавіка 2021, 10:25

Мэрыя Кейптаўна паведаміла, што затрыманы падазраваны ў падпале, які мог прывесці да ўзнікнення пажару: мясцовыя жыхары бачылі, як трое мужчын палілі вогнішча на піку Д'ябла.

Горад-порт Кейптаўн размешчаны ля падножжа Сталовай гары, прызнанай адным з сямі новых цудаў прыроды. Яна ўнікальна сваёй платопадобнай вяршыняй і мае стромкія схілы, якія пакрыты вечназялёнымі лясамі і хмызнякамі. Флора і фауна схілаў знаходзіцца пад аховай, бо там сустракаюцца рэдкія віды, некаторыя з іх эндэмічныя.

Глядзіце таксама:

Землятрус, паводка і вулканы: стыхія абрынулася на Інданезію
Самыя разбуральныя прыродныя катастрофы 2020 года
Пратэсты, выбары, кавід – галоўныя падзеі жудаснага 2020-га ў фотаздымках

1 / 15

Гарыць будынак на тэрыторыі кампуса Кейптаўнскага ўніверсітэта, ПАР.

2 / 15

Жыхароў эвакуіруюць з кварталаў Кейптаўна пасля таго, як на схілах знакамітай Сталовай гары распаўсюдзіўся велізарны пажар.

3 / 15

Стрымаць наступленне пажару, які пачаўся на схілах знакамітай Сталовай гары, не ўдалося з-за ветру ўраганнай сілы.

4 / 15

Гарадскія ўлады заяўляюць, што жыхары раёнаў Врэдэхук і Оран'езіхт былі эвакуіраваны ў панядзелак у якасці меры засцярогі.

5 / 15

У нядзелю з Кейптаўнскага ўніверсітэта былі эвакуіраваны студэнты.

6 / 15

Пажарныя аглядаюць згарэлы кампус.

7 / 15

Мясцовыя жыхары назіраюць за лясным пажарам на схілах Сталовай гары ў Кейптаўне, ПАР.

8 / 15

Верталёты скідваюць ваду на агонь.

9 / 15

Пажарныя спрабуюць стрымаць лясны пажар, які ўспыхнуў на схілах Сталовай гары.

10 / 15

Згарэлы старадаўні млын Масцерта ў Кейптаўне. Ён быў пабудаваны ў 1796 годзе і быў самым старым і адзіным цалкам ацалелым ветраком у Паўднёвай Афрыцы.

11 / 15

Пажарныя тушаць разбураную бібліятэку Джагера ва Універсітэце Кейптаўна.

12 / 15

Пажарныя нясуць калегу, які страціў прытомнасць з-за дыму і высокай тэмпературы.

13 / 15

Старое дрэва, што гарыць знутры, у перадгор'і Сталовай гары над Кейптаўнскім універсітэтам.

14 / 15

Прыгарады Кейптаўна эвакуіруюць з-за буйнога пажару.

15 / 15

На схілах Сталовай гары працягваюць распаўсюджвацца пажары, якія раздзімаюцца моцным ветрам.