Купальскае свята ў лепшых беларускіх традыцыях адзначалі тут у ноч з 3 на 4 ліпеня.
Спачатку на лузе дзяўчаты ў нацыянальнай вопратцы збіралі кветкі і травы для вырабу вянкоў.
А таксма для ўпрыгожвання купальскага слупа і кола для вогнішча.
Назбіралі чароўныя расліны і для таго, каб зварыць традыцыйны святочны напой - крупнік.
Затым, пакуль хлопцы нарыхтоўвалі дровы і будавалі купальскае вогнішча, дзяўчаты гатавалі старадаўнія стравы.
Пад абрадавыя купальскія песні прыгажуні варылі кулеш - старадаўні дэсерт з жытняй мукі і любых свежых ягад і мёду...
...і адціскалі цудоўны сялянскі сыр са спецыямі і свежым кропам.
Затым было ўрачыстае святочнае шэсце.
Яно адбывалася праз вёску Шо...
...у якую завітала галоўная Купалінка з сяброўкамі.
Сяброўкі Купалінкі спявалі, весела ўсміхаліся і жартавалі.
Чароўныя госці вёскі завіталі на карабліку праз возера.
А некаторыя нават проста прыплылі сваёй хадой!
Свята пачалося яшчэ да ночы.
А калі стала надыходзіць цемра, запалілі вялікае Купальскае вогнішча.
Далей былі карагоды, народныя гульні і песні, пачастунак ўсіх удзельнікаў куляшом, сырам і крупнікам...
...і так да світання!