МІНСК, 10 ліп - Sputnik. Індэкс спажывецкіх цэн на тавары і паслугі ў чэрвені 2021 года ў параўнанні з траўнем склаў 100,7%, паведаміў Нацыянальны статыстычны камітэт Беларусі.
У параўнанні са снежнем мінулага года інфляцыя вырасла на 5,8%. Пры гэтым базавы індэкс спажывецкіх цэн у чэрвені ў параўнанні з траўнем склаў 100,7%, са снежнем 2020 года - 105,2%.
Цікава, што ў адносінах да чэрвеня 2020 года індэкс спажывецкіх цэн на тавары і паслугі за год вырас на 9,9%. Калі параўноўваць рост інфляцыі ў першым паўгоддзі 2020 і 2021 гадоў, то гэта паказчык роўны 8,8%.
Рост коштаў на харчовыя тавары за паўгода склаў 6%, а за год - 9,1%. Нехарчовыя тавары за 6 месяцаў падскочылі ў кошце на 6,3%, а за год на ўсе 11,6%. У той жа час паслугі падаражэлі на 5,1% і 9,3% адпаведна.
Раней стала вядома, што Савет міністраў зацвердзіў сярэднетэрміновую праграму развіцця рэспубліканскага бюджэту на 2021-2023 гады. Згодна з дакументам, ў 2021 годзе інфляцыя павінна скласці 5,5%.