Лукашэнка зацвердзіў папраўкі ў закон аб абароне суверэнітэту

МІНСК, 15 ліп – Sputnik. Прэзідэнт Беларусі ў чацвер падпісаў закон, які тычыцца пытанняў абароны суверэнітэту і канстытуцыйнага ладу.

Папраўкі былі ўнесены ў законы аб надзвычайным і ваенным становішчы, аб узброеных сілах.

У законе ўдакладняюцца падставы і парадак увядзення і адмены НС з улікам сучасных пагроз нацбяспекі, скарэкціраваны надзвычайныя меры і часовыя абмежаванні.

На мясцовыя органы ўлады ўскладаецца распрацоўка планаў па падрыхтоўцы НС на адпаведных тэрыторыях. Удакладняюцца сілы і сродкі, якія ўдзельнічаюць для забеспячэння рэжыму надзвычайнага становішча, у тым ліку роля ўзброеных сіл, МНС і іншых ваенізаваных арганізацый.

Да беспарадкаў пры увядзенні НС аднесены спробы гвалтоўнага змянення канстытуцыйнага ладу, захопу або прысваення ўлады, узброены мяцеж, масавыя беспарадкі, міжнацыянальныя і міжканфесійныя канфлікты, якія суправаджаюцца гвалтоўнымі дзеяннямі і ствараюць непасрэдную пагрозу жыцця і бяспекі грамадзян.

Круг сілавых органаў, якія прыцягваюцца да забеспячэння рэжыму надзвычайнага становішча, пашыраецца. У лік ваенізаваных арганізацый уключаюцца сілы і сродкі МНС, Следчага камітэта, Дзяржкамітэта судовых экспертыз і Дэпартамента фінансавых расследаванняў.

У законе ўдакладнены пералік магчымых надзвычайных мер і часовых абмежаванняў пры НС. У прыватнасці, дадаецца магчымасць прыпынення выпуску і распаўсюджвання прадукцыі СМІ. Таксама можа быць уведзены асаблівы парадак акрэдытацыі журналістаў і абмежаваны доступ да інтэрнэт-рэсурсаў, сеткавых выданняў.

У законе аб узброеных сілах замацоўваецца прыцягненне УС для вырашэння задач функцыянавання дзяржаўнай сістэмы рэагавання.

Савет бяспекі будзе адказваць за каардынацыю дзеянняў сіл і сродкаў пры забеспячэнні рэжыму НС.

У цэлым у законе вызначаецца роля дзяржаўнай сістэмы рэагавання на акты тэрарызму і масавыя беспарадкі.

Дадзены нарматыўны акт быў прадстаўлены раней у парламенце міністрам МУС Іванам Кубраковым. Каментуючы дакумент журналістам, ён адзначыў, што перад унясеннем прававых паправак былі прааналізавалі падзеі, якія адбываліся ў нашай краіне пасля прэзідэнцкіх выбараў у 2020 годзе.

Кіраўніцтва МУС лічыць, што заканадаўчыя папраўкі накіраваны не толькі на спыненне масавых беспарадкаў альбо нейкіх іншых падзей. Яны закліканы не дапусціць і нейтралізаваць пагрозы і выклікі, якія паступаюць у адносінах да нашай рэспублікі, і нацэлены на прафілактыку.