ВІЦЕБСК, 17 ліп – Sputnik. Віцебская вобласць у бліжэйшы час пачне з расійскім бокам рэалізацыю шэрага сумесных праектаў, сказаў старшыня Віцебскага аблвыканкама Мікалай Шарстнёў, перадае карэспандэнт Sputnik.
Паводле яго слоў, у пятніцу адбылася сустрэча з кіраўніком расійскай дыпмісіі ў Беларусі Яўгенам Лук'янавым, якая ў першую чаргу насіла азнаямленчы характар.
"Як кажуць у народзе - зверыць штабныя карты. У нас абсалютна поўнае разуменне. Мы намецілі напрамкі, у якіх мы можам працаваць", - адзначыў Шарстнёў.
Ён таксама дадаў, што цяпер узята невялікая паўза, каб адпрацаваць усе неабходныя нюансы як з беларускага, так і расійскага боку.
"Тыя праекты, якія мы абмеркавалі па стварэнні сумесных прадпрыемстваў, важны для абодвух бакоў. У нас завязаліся прадуктыўныя, цёплыя, працоўныя адносіны", - запэўніў Шарстнёў.
Пры гэтым старшыня аблвыканкама звярнуў увагу, што наступная сустрэча з Лук'янавым у яго намечана на верасень.
"У гэты час, да сустрэчы, мы будзем працаваць над намечанымі праектамі, каб у верасні вызначыць іх прыярытэтнасць і пачаць іх рэалізоўваць", - сказаў на заканчэнне Шарстнёў.
Чытайце таксама:
Пасол РФ: Саюзная дзяржава - гэта лепшыя практыкі для агульнага рынку
Пуцін: Расія акажа дапамогу Беларусі ва ўмовах санкцый
Мезенцаў: па інтэграцыі Расіі і Беларусі засталося абмеркаваць энергетыку і падаткі
Новыя напрамкі інтэграцыі Беларусі і Расіі - экспертны падыход
Лукашэнка: Форум рэгіёнаў стаў найважнейшым праектам Саюзнай дзяржавы