МІНСК, 19 ліп – Sputnik. Літва ў барацьбе з нелегальнай міграцыяй павінна пачаць з працы ў сябе, заявіў Аляксандр Лукашэнка ў Палацы Незалежнасці падчас інтэрв'ю для тэлеканала Sky News Arabia.
Раней стала вядома, што літоўскія пагранічнікі сталі затрымліваць значна больш нелегальных мігрантаў пры перасячэнні літоўска-беларускай мяжы. Пры гэтым афіцыйны Вільнюс абвінаваціў беларускія ўлады ў тым, што яны нібыта садзейнічаюць нелегалам з Блізкага Усходу ў перасячэнні мяжы.
Паводле слоў Лукашэнкі, папракаючы беларускія ўлады ў датычнасці да нелегальнай міграцыі, літоўцы, палякі, немцы або французы хочуць схаваць ісціну.
"Калі яны хочуць па-сапраўднаму змагацца супраць нелегальнай міграцыі і ўвесці гэтую нелегальную міграцыю ў нармальнае ручво, то хай пачынаюць з сябе", - лічыць Аляксандр Лукашэнка.
Пасля чаго дадаў, што ў балтыйскай рэспубліцы існуюць групоўкі, дзейнасць якіх носіць крымінальны характар. Датычнасць іх да арганізацыі нелегальнай міграцыі здаецца відавочнай.
"Чаму яны гэтага не бачаць? Як толькі яны ліквідуюць групоўкі, якія за грошы прывозяць у Літву нелегальных мігрантаў, нелегальная міграцыя ў Літву будзе ніжэй, чым у мінулым годзе. Адзінкі будуць. Таму хай пачынаюць працаваць. Калі ім патрэбна будзе дапамога, мы гэтую дапамогу ім акажам, але ўжо не бязвыплатна", - запэўніў беларускі лідар.
Дзіўныя чаканні
На яго думку, дзіўна, што літоўскі бок у існуючых умовах патрабуе ад Беларусі ахоўных дзеянняў у дачыненні да нелегалаў на мяжы.
"Яны ўвялі супраць нас санкцыі, яны пайшлі на ўдушэнне маёй краіны, на ўдушэнне майго народа. Я – прэзідэнт гэтага народа. Я павінен, ацэньваючы сітуацыю, рабіць пэўныя крокі, каб народ не ўдушылі, каб краіну не знішчылі", - растлумачыў Аляксандр Лукашэнка.
Таму па меншай меры дзіўна чакаць з боку літоўцаў, што беларускія ўлады будуць іх абараняць, на фоне зробленых у дачыненні да Мінска дзеянняў, лічыць ён.
Кіраўнік дзяржавы звярнуў увагу, што ўсе дзеянні па забеспячэнні бяспекі на мяжы патрабуюць сур'ёзных аб'ёмаў фінансавання.
"Калі вы хочаце, каб мы вам у гэтым дапамагалі, так вы не накідвайце нам на шыю пятлю", - пазначыў ён сваю пазіцыю.
Чытайце таксама:
Лукашэнка не будзе ператвараць Беларусь "у адстойнік" нелегальных мігрантаў
МЗС Літвы просіць Турцыю скараціць колькасць авіярэйсаў са Стамбула ў Мінск
Пагранічнікі Літвы злавілі больш за 1 700 нелегалаў на мяжы з Беларуссю